【#酒知識】Tannins - 單寧，到底係 D 乜嘢黎呀？

顯示分享連結
相信大家閒時同朋友一齊飲 Wine 嘅時候，身邊總係會有D比較高階嘅專業酒友，喺佢呷左一啖酒之後就會好似“上左身”咁，一輪咀咁講産區、提子同埋大堆專有名詞諸如「Acidity」、「Body」、「Tannins」、「Finish」等等；就喺呢個時候，對於未必太熟悉嘅你可能會覺得呢個朋友都幾叻之餘，品酒呢件事就變得複雜晒。事實上又未至於諗到咁難嘅，今次 Derek 就同大家簡單睇下乜嘢係「Tannin（單寧）」😊😊
Source:vinepair.com

「Tannins（單寧）」嘅學名叫「Polyphenols（多酚）」，係一種物質天然存在喺提子嘅「核」、「莖」及「表皮」，特性係乾身及帶點苦澀；當酒液喺口腔內短暫停留呑下嘅時候，你會發現舌頭會突變得粗糙、口內乾涸且有點澀就係 Tannins 産生嘅效果（Drying Sensation）；而品酒過程就係憑藉呢D效果有幾明顯而判葡萄酒內 Tannin 嘅強弱。
Source:hrscene.com/

如果大家想對單寧有個清晰嘅感覺，你可以：食「真正」嘅黑朱古力；又或者沖一杯濃茶，等茶葉泡係水裡頭比正常時間長待更多單寧釋出，然後飲一啖就應該會即時感覺到嗰種 “Drying Sensation” 同喺舌頭中間嗰陣苦澀喇。
Source:blog.quiniwine.com

至於葡萄酒入面有幾多單寧，其實大部分係取決於當提子破皮後釋出嘅Juice同呢 D「核」、「莖」及「表皮」浸喺一齊幾耐；唔駛講，當然係一齊浸得愈耐單寧強度就愈高啦，而橡木桶儲存亦會注入少量單寧；但係點解絕大部分紅酒都有著比白酒有更多嘅單寧呢？咁係因為當釀造紅酒嘅時候，提子皮就係顔色嘅主要來源；喺某程度上即係話俾大家知，當紅酒顔色愈深就代表愈多單寧存在，而同時亦為葡萄酒注入深度及複雜感。🍇🍇
Souce: Derekc

喺另一方面，其實單寧亦係防止葡萄酒氧化嘅一種天然關鍵物質，所以各位可能會發覺諸如 Cabernet Sauvignon 呢類自帶高單寧嘅提子品種通常都有著絕佳嘅陳年能力（Ageing Ability）; 而且眾所皆知，此等抗氧化功效唔單止淨係有利 Wine Ageing， 對我地人體嘅健康同延緩衰老退化亦都有幫助，而紅酒含有嘅抗氧化指數甚至比綠茶高出三倍！不過值得注意嘅係，紅酒雖然有高抗氧化能力，但飲得太多卻容易會出現脂肪肝，帶來心血管問題及體重上升等問題；所以據營養師建議，男性和女性分別每日適合飲用約2克及1份酒精份量，即大約係一杯紅酒。🍷🍷
Source:st.hzcdn.com

有睇過我之前文章嘅各位應該會知道，單寧唯一嘅唔好處其實係會對少部分有敏感嘅人引起頭痛；如果咁唔好彩係你的話，只要轉飲單寧含量低得多嘅白酒就可以；事實上，更容易令我地頭痛嘅，反而係開心得滯飲多左兩杯，大家話係咪先？😂😂
----------------------------------------------------------------------------------------------------------------
Derekc：一個土生土長嘅80s香港人，過去的十年庸庸碌碌的工作、學習品酒到宜家於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡小弟嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜

Instagram : https://www.instagram.com/derekc_c/

Facebook Page : www.facebook.com/Wine.Life.Style.HK


如果喜歡我們的文章，請即分享到︰