【#酒迷思】葡萄酒貴價 = 優質？咁又唔一定 ...！

顯示分享連結
我諗大家都知道，葡萄酒嘅價格可謂林林種種：喺超市，大家好容易可以搵到百元以下、親民大眾化的；喺 Wine Shop 亦都會有促銷貨，更莫講話動輒以千元、甚至萬元計嘅高階名牌。一個咁大嘅 Price Range 落差，的確係會對一眾愛酒人士包括我個人構成難題、甚至有時候可能會有覺得中伏、貴價但係唔討好。
股票基金買賣有唔同嘅圖表指數追蹤，葡萄酒市場都唔例外，而下圖就係由著名嘅「Liv-ex」綜合由 04/2016 - 05/2017 世界各地 Fine wine 嘅 Trade price 統計、以 12 支 x 750 ml 為一箱及英鎊作交易單位。要進入列表，該酒款就最少需要有五個 Vintage 喺呢個其間參與買賣。
雖然未必係最佳例子，但各位可以見到，同屬高階葡萄酒，由最便宜 (£287) 到最昂貴 (£98,732) 足足相差 344 倍！到底乜嘢原因會造成咁大嘅差距？主要由於愈優質之葡萄酒理論上就愈難作大量生產，再加上經陳年後更佳的特質；換句話說就更容易産生 “稀有性”。
某某經濟學人講過 :「供求之平衡取決於價格，越係稀有價格就越高。」當受到酒評家點名賞識 ( 當中又唔知有幾多油水 … ? )、或者碰上潮流而變得注目，人們就會一窩瘋走向搶購，例如近幾年大量 Burgundy wine 流入中國大陸致使價格炒高；當然，亦都可以話呢樣都係葡萄酒魅力嘅一部分。
總括而言，價高的葡萄酒品質多數會比價低的好，不過若然發現太過昂貴的話就要考慮係咪人為因素炒賣所以推高，因為黎到呢個位「性」與「價」之間就未必會成正比。個人認為品酒嘅嘢唔單止係酒量甚至係酒價，都應該要量力而為，就算係用合理親民價錢都可以買到好飲嘅酒；作為一個 Wine lover，抱著一個「尋寶」心態揀酒，其實都係一件幾過癮嘅事〜

*部分圖片來源引自互聯網 *
---------------------------------------------------------------------------------------------------------------
Derekc：一個土生土長嘅80s香港人，過去的十年庸庸碌碌的工作、學習品酒到於德國葡萄酒莊工作、鐘情於葡萄酒生活態度並希望將其推而廣之；有過一段外地生活體驗、一場意想不到的人生。如果大家喜歡我嘅文章請點按讚及分享到你的社交平台；另外如果大家有希望想睇到葡萄酒題目亦歡迎聯絡我，又或者可以傾下酒經 〜

Instagram : https://www.instagram.com/derekc_c/

Facebook Page : www.facebook.com/Wine.Life.Style.HK

如果喜歡我們的文章，請即分享到︰