拜仁如何踢到巴塞變巴西 附圖吹奏湯馬士梅拿
歐聯八強，拜仁對巴塞，八強之中之有呢兩隊曾奪大耳盃。加上大眾認為此戰實屬強強對壘。又有邊個估到巴塞會如此不堪一擊？
呢場比賽，巴塞正選棄用基沙文，以羅拔圖丶布斯基斯丶迪莊同維度組成四人中場。四人都係較防守嘅中場，相信係早已預料拜仁會主攻。但係拜仁今場攻勢相當直接，中場無法形成屏障被人輕易打穿之餘，自己控球時亦難以抵住拜仁中場逼搶。由於巴塞中場平排，甩波後後衛要直接面對攻勢，人數不足兼常有缺口，係今場巴塞寫照。
另一邊，巴塞右路被重點關照，施美度被拜仁視為防線弱點，事實上其中一球就係因為佢姑寒累事。拜仁主要攻勢都嚟自左路，由戴維斯，比列錫同古天奴(後備)輪流攻擊。施美度被過後，巴塞禁區人數通常不足以應付拜仁進攻球員，成為佢咃第二條輸波方程式。
拜仁前鋒利雲度夫斯基今季大熟大勇，自然成為今場賽前焦點。反而今場主角係比佢企後一格嘅湯馬士梅拿。今場交出兩入球一助攻。當中第一球更加係教顯佢嘅專長。佢先喺禁區外接應傳中，逗返個波俾利雲之際，自己已經喺四個巴塞球員之間搵好位。利雲只需要將個波輕輕一彈，就已經造就梅拿入波。https://i.imgur.com/BsOa8Oj.gif
梅拿第二個入波都極具級數：成功攝贏朗格列近門撞入。呢球波梅拿要攝贏絕對需要好強嘅走位觸角同靈活性。至於助攻一球亦睇得出梅拿嘅冷靜：利雲走位在先佢唔俾，反而等到後上，位置上更大機會入波嘅古天奴射入。
https://i.imgur.com/yCjgNdw.gif
https://i.imgur.com/eP2b7o8.gif賽後梅拿當選最佳球員十分合理。呢場比賽佢亦交出五個關鍵傳送，更重要嘅係一啲數據以外嘅表現：食身位，發動反擊，入攝等等……今場梅拿表現絕對係世界級。
呢場比賽，巴塞正選棄用基沙文，以羅拔圖丶布斯基斯丶迪莊同維度組成四人中場。四人都係較防守嘅中場，相信係早已預料拜仁會主攻。但係拜仁今場攻勢相當直接，中場無法形成屏障被人輕易打穿之餘，自己控球時亦難以抵住拜仁中場逼搶。由於巴塞中場平排，甩波後後衛要直接面對攻勢，人數不足兼常有缺口，係今場巴塞寫照。
另一邊，巴塞右路被重點關照，施美度被拜仁視為防線弱點，事實上其中一球就係因為佢姑寒累事。拜仁主要攻勢都嚟自左路，由戴維斯，比列錫同古天奴(後備)輪流攻擊。施美度被過後，巴塞禁區人數通常不足以應付拜仁進攻球員，成為佢咃第二條輸波方程式。
拜仁前鋒利雲度夫斯基今季大熟大勇，自然成為今場賽前焦點。反而今場主角係比佢企後一格嘅湯馬士梅拿。今場交出兩入球一助攻。當中第一球更加係教顯佢嘅專長。佢先喺禁區外接應傳中，逗返個波俾利雲之際，自己已經喺四個巴塞球員之間搵好位。利雲只需要將個波輕輕一彈，就已經造就梅拿入波。https://i.imgur.com/BsOa8Oj.gif
梅拿第二個入波都極具級數：成功攝贏朗格列近門撞入。呢球波梅拿要攝贏絕對需要好強嘅走位觸角同靈活性。至於助攻一球亦睇得出梅拿嘅冷靜：利雲走位在先佢唔俾，反而等到後上，位置上更大機會入波嘅古天奴射入。
https://i.imgur.com/yCjgNdw.gif
https://i.imgur.com/eP2b7o8.gif賽後梅拿當選最佳球員十分合理。呢場比賽佢亦交出五個關鍵傳送，更重要嘅係一啲數據以外嘅表現：食身位，發動反擊，入攝等等……今場梅拿表現絕對係世界級。