半場波睇清雪到硬晒嘅加利夫巴爾
嚴格嚟講，加利夫巴爾可以話係失蹤人口之一。雖然大家都知佢仍然係皇馬球員，但係施丹已經唔再重用佢，自從復賽之後，巴爾只係上陣咗兩場比賽，共100分鐘。同施丹越鬧越翻下，巴爾都冇乜意欲為皇馬踢波，加上佢高昂嘅人工，巴爾好大機會留喺皇馬，直到合約結束。其間上陣機會預計寥寥可數。
但係巴爾都唔係完全放棄足球，除咗早前講過，唔介意重返英超外(雖然我唔覺得有人要佢)，佢亦有繼續為國家隊上陣。只係佢嘅表現同名氣不乎。日前威爾斯對住芬蘭嘅比賽，身為隊長嘅佢半場就被換走，可想而知踢得麻麻。論場內數據，巴爾唔單止冇入波同助攻，關鍵傳送同傳中次數都係0，半場只有九次成功傳送，全場共有十次失去控球。種種數據都顯示，巴爾喺場比賽入面毫不起眼。而接下來嘅一啲比賽片段會進一步證明呢點。
第一張圖係右翼巴爾嘅Heat Map, 第二張係左翼丹尼爾占士。由於後者比前者踢多半場，觸球次數必然比巴爾多，另一方面可以見到占士更常喺禁區入面，反映佢更多參與進攻，相比下，巴爾喺進攻貢獻較少。
前場壓逼係現今比賽嘅主流，而對住芬蘭，威爾斯亦唔應該只係防守，所以預期領隊傑斯有要求適當程度逼搶。事實上威爾斯左邊有做足逼搶，呢球幾位球員走動同意識都積極，令到芬蘭唔可以將個波運上前場。
https://i.imgur.com/WuWM8MF.gif
至於巴爾身處嘅威爾斯右路，可以見到佢跑動較少，相比下冇右翼丹尼爾占士積極，
https://i.imgur.com/hc5tX1z.gif
本來巴爾嘅殺著之一係速度，隨住年紀大咗，加上太耐冇踢波，巴爾已經唔可以爆過對手，結果呢個傳中輕鬆被對方閘到，整個半場巴爾冇一次成功傳中。
https://i.imgur.com/8VaeNFf.gif
控球技術同樣退化，呢兩下都係出醜於人前。尤其對手芬蘭水平已經唔高，更加顯得巴爾失色。
https://i.imgur.com/rRz7c97.gifhttps://i.imgur.com/Tj0AQ7t.gif
巴爾半場只係錄得一腳射門，呢球波就晒左腳，推到順下，就算唔入波都應該要射中目標。反觀傳波俾巴爾嘅丹尼爾占士更見速度同活力，值得一讚。
https://i.imgur.com/0E1LIJ6.gif
最後威爾斯喺藍斯同祖亞倫落選下，以1:0小勝。賽後傑斯就話，半場換走巴爾係賽前部署，唔知大家睇完巴爾表現後，仲信唔信傑斯嘅講法？巴爾喺國家隊唔係完全冇競爭對手，除咗入替佢嘅哈利威爾遜外，亦有小將活特本，巴爾要盡快重拾狀態，否則要小心正選之位不保。禮拜日九點就係威爾斯今個賽期第二場比賽，會對住保加利亞，又睇下巴爾可唔可以交出表現。
但係巴爾都唔係完全放棄足球，除咗早前講過，唔介意重返英超外(雖然我唔覺得有人要佢)，佢亦有繼續為國家隊上陣。只係佢嘅表現同名氣不乎。日前威爾斯對住芬蘭嘅比賽，身為隊長嘅佢半場就被換走，可想而知踢得麻麻。論場內數據，巴爾唔單止冇入波同助攻，關鍵傳送同傳中次數都係0，半場只有九次成功傳送，全場共有十次失去控球。種種數據都顯示，巴爾喺場比賽入面毫不起眼。而接下來嘅一啲比賽片段會進一步證明呢點。
第一張圖係右翼巴爾嘅Heat Map, 第二張係左翼丹尼爾占士。由於後者比前者踢多半場，觸球次數必然比巴爾多，另一方面可以見到占士更常喺禁區入面，反映佢更多參與進攻，相比下，巴爾喺進攻貢獻較少。
前場壓逼係現今比賽嘅主流，而對住芬蘭，威爾斯亦唔應該只係防守，所以預期領隊傑斯有要求適當程度逼搶。事實上威爾斯左邊有做足逼搶，呢球幾位球員走動同意識都積極，令到芬蘭唔可以將個波運上前場。
https://i.imgur.com/WuWM8MF.gif
至於巴爾身處嘅威爾斯右路，可以見到佢跑動較少，相比下冇右翼丹尼爾占士積極，
https://i.imgur.com/hc5tX1z.gif
本來巴爾嘅殺著之一係速度，隨住年紀大咗，加上太耐冇踢波，巴爾已經唔可以爆過對手，結果呢個傳中輕鬆被對方閘到，整個半場巴爾冇一次成功傳中。
https://i.imgur.com/8VaeNFf.gif
控球技術同樣退化，呢兩下都係出醜於人前。尤其對手芬蘭水平已經唔高，更加顯得巴爾失色。
https://i.imgur.com/rRz7c97.gifhttps://i.imgur.com/Tj0AQ7t.gif
巴爾半場只係錄得一腳射門，呢球波就晒左腳，推到順下，就算唔入波都應該要射中目標。反觀傳波俾巴爾嘅丹尼爾占士更見速度同活力，值得一讚。
https://i.imgur.com/0E1LIJ6.gif
最後威爾斯喺藍斯同祖亞倫落選下，以1:0小勝。賽後傑斯就話，半場換走巴爾係賽前部署，唔知大家睇完巴爾表現後，仲信唔信傑斯嘅講法？巴爾喺國家隊唔係完全冇競爭對手，除咗入替佢嘅哈利威爾遜外，亦有小將活特本，巴爾要盡快重拾狀態，否則要小心正選之位不保。禮拜日九點就係威爾斯今個賽期第二場比賽，會對住保加利亞，又睇下巴爾可唔可以交出表現。