仲記得「腳面射球」嗎？
如果一位球員有一招「絕技」，絕對可以加深球迷對佢嘅印象：洛賓有軌跡，恩尼斯達有一招“La Croqueta”。講到腳面射波，你會唔會諗起哥利斯馬(Ricardo Quaresma)？
呢位葡國翼鋒同Ｃ朗同時出道，縱使兩者都踢過大球會，但命途各異，Ｃ朗喺曼聯，乃至往後嘅皇馬同祖雲達斯都如魚得水，而哥利斯馬喺巴塞丶國際米蘭同車路士都係表現平平。好早已經離開主流聯賽，只係喺國家隊比賽會見到佢嘅身影，不過2018世盃後佢都好少為祖國效力。
要評論佢職業生涯嘅實力同成就，相信唔少人都比佢更高，但係哥利斯馬之所以有人認得，就係因為佢嗰招腳面射波。筆者對佢較有印象嘅一球，係2018年世界盃對伊朗一球。原來當年34歲嘅佢只係第一次出任世界盃正選，但係就使出自己成名絕技，喺右邊內切再用右腳腳面射入。想睇返呢球入波嘅，可以去呢度：https://www.youtube.com/watch?v=NuYZy7bhzwo
當然，熟悉佢嘅球迷朋友都知，哥利斯馬唔單止有腳面射波，而且盤扭能力出色，甚至用Rebona(交叉腳)傳波同射門都有一手，無疑係踢法花巧嘅球員。上網搵咗條哥利斯馬嘅球皇片，想睇嘅可以入去回味下：https://www.youtube.com/watch?v=EuIr8M5jL58
新一代球員踢法越嚟越冇特色，同位置球員踢法都好相近，好似文章開頭所講嘅「個人技」買少見少。只可以話係足球已經開始轉變，雖然規則大致一樣但係對球員要求唔同，因此每次見到哥利斯馬呢個名，筆者都有少少感歎。自從離開五大聯賽後，哥利斯馬去過土耳其，中東，又返過葡超搵食。最近又返到葡萄牙，為甘馬雷斯效力，希望繼續入多啲好波俾我哋睇啦。
呢位葡國翼鋒同Ｃ朗同時出道，縱使兩者都踢過大球會，但命途各異，Ｃ朗喺曼聯，乃至往後嘅皇馬同祖雲達斯都如魚得水，而哥利斯馬喺巴塞丶國際米蘭同車路士都係表現平平。好早已經離開主流聯賽，只係喺國家隊比賽會見到佢嘅身影，不過2018世盃後佢都好少為祖國效力。
要評論佢職業生涯嘅實力同成就，相信唔少人都比佢更高，但係哥利斯馬之所以有人認得，就係因為佢嗰招腳面射波。筆者對佢較有印象嘅一球，係2018年世界盃對伊朗一球。原來當年34歲嘅佢只係第一次出任世界盃正選，但係就使出自己成名絕技，喺右邊內切再用右腳腳面射入。想睇返呢球入波嘅，可以去呢度：https://www.youtube.com/watch?v=NuYZy7bhzwo
當然，熟悉佢嘅球迷朋友都知，哥利斯馬唔單止有腳面射波，而且盤扭能力出色，甚至用Rebona(交叉腳)傳波同射門都有一手，無疑係踢法花巧嘅球員。上網搵咗條哥利斯馬嘅球皇片，想睇嘅可以入去回味下：https://www.youtube.com/watch?v=EuIr8M5jL58
新一代球員踢法越嚟越冇特色，同位置球員踢法都好相近，好似文章開頭所講嘅「個人技」買少見少。只可以話係足球已經開始轉變，雖然規則大致一樣但係對球員要求唔同，因此每次見到哥利斯馬呢個名，筆者都有少少感歎。自從離開五大聯賽後，哥利斯馬去過土耳其，中東，又返過葡超搵食。最近又返到葡萄牙，為甘馬雷斯效力，希望繼續入多啲好波俾我哋睇啦。