Fun Fact: 林氏戰車的崩盤式防守
上場車路士作客西布朗一戰，賽果令唔少人感到意外。上半場車路士連失三球之餘，沙場老將提亞高斯華又派膠，上半場中段突然連失兩球。其實再上一場聯賽，藍軍對利物浦都係短時間內連輸兩粒。以事情發生頻率估計，車仔短時間內接連失波，並唔係只係偶然。
於是筆者返查資料，發覺自從由林伯特領軍後，原來經常發生如此情況。林伯第一場英超比賽對曼聯大敗4：0，第二同第三球嘅失球時間只係相差兩分鐘；尾二一場對利物浦輸5：3一戰，利物浦第二同第三球亦只係相差五分鐘。
藍軍喺歐聯亦都試過同樣情況：十六強首回合，拜仁基拿比喺51同54分鐘連入兩球，打破藍軍上半場勉強守得住嘅龍門。
呢個情況唔止係強強對疊先發生，車仔對住實力較次嘅球隊都會咁樣失準。分別係對般尼同般尼茅夫時出現。總括而言，上季車路士總共有五次，喺五分鐘內連失兩球，另外有喺十分鐘內失兩球都有好幾次。
對一隊強對嚟講，接連失波，一次係偶然，兩次係不幸，三四五次就係自己問題。今季更加係喺連續兩場英超出現崩盤慘況，可以推斷係車仔眾將嘅心理問題。
單靠筆者自己觀察，車仔連續失波囓其中一球，都會係輸低級錯誤。以今季為例，對利物浦一球就係阿列沙巴拿加送禮；對西布朗就係提亞高斯華出事。因為犯錯而失去信心，或者因為輸波，無法克服逆境而再次犯錯，可能係車仔崩盤問題嘅主因。門將阿列沙巴拿加係藍軍經常犯錯嘅球員之一，幾場比賽都見到隊友對佢缺乏信心，連對自己都缺乏自信，希望車仔簽咗文迪之後，崩盤式防守都會減少出現。
於是筆者返查資料，發覺自從由林伯特領軍後，原來經常發生如此情況。林伯第一場英超比賽對曼聯大敗4：0，第二同第三球嘅失球時間只係相差兩分鐘；尾二一場對利物浦輸5：3一戰，利物浦第二同第三球亦只係相差五分鐘。
藍軍喺歐聯亦都試過同樣情況：十六強首回合，拜仁基拿比喺51同54分鐘連入兩球，打破藍軍上半場勉強守得住嘅龍門。
呢個情況唔止係強強對疊先發生，車仔對住實力較次嘅球隊都會咁樣失準。分別係對般尼同般尼茅夫時出現。總括而言，上季車路士總共有五次，喺五分鐘內連失兩球，另外有喺十分鐘內失兩球都有好幾次。
對一隊強對嚟講，接連失波，一次係偶然，兩次係不幸，三四五次就係自己問題。今季更加係喺連續兩場英超出現崩盤慘況，可以推斷係車仔眾將嘅心理問題。
單靠筆者自己觀察，車仔連續失波囓其中一球，都會係輸低級錯誤。以今季為例，對利物浦一球就係阿列沙巴拿加送禮；對西布朗就係提亞高斯華出事。因為犯錯而失去信心，或者因為輸波，無法克服逆境而再次犯錯，可能係車仔崩盤問題嘅主因。門將阿列沙巴拿加係藍軍經常犯錯嘅球員之一，幾場比賽都見到隊友對佢缺乏信心，連對自己都缺乏自信，希望車仔簽咗文迪之後，崩盤式防守都會減少出現。