曼聯整場比賽唯一亮點 佢值得一席正選
曼聯上星期日以1:6大敗熱刺，相信冇一個人會話曼聯今場踢得好。不過要搵個別有貨交嘅曼聯球員，又唔係冇喎，今次想講嘅就係後備入替嘅中場麥湯文尼。
下半場一開始，打少一個嘅曼聯收起馬迪同般奴費南迪斯，並換入費特同麥湯文尼，並將普巴推上半格。陣式上呈現4-2-1-2。兩位防守中場除咗要保護中場中路之外，亦因為上半場，熱刺兩閘經常助攻，同兩翼配合。曼聯兩閘往往被2打1。所以曼聯防中亦要幫手防守邊路。
防中最基本嘅責任係遮線，之前幾場比賽，甚至上季，普巴打呢個位置，都係帶有懶性，防守唔夠積極。麥湯文尼今場做足遮線，對曼聯防守已經有好大幫助，起碼中場中路唔會直接被打穿。有好幾次，麥湯文尼都成功透過遮線，成功喺熱刺身上攞返控球權。事實上，麥湯文尼喺下半場截斷兩次傳送，係曼聯球員之中最多。另外，佢喺全場左丶中丶右，都有佢嘅身影。防守範圍好大。呢個係蘇斯克查用上普巴同馬迪時見唔到嘅。
https://i.imgur.com/zpk3yGp.gif
計攔截，麥湯文尼有三次攔截，成功率100%，成功攔截次數亦係全隊下半場最多。頭先講到曼聯兩邊經常被2打1。麥湯文尼其中兩下攔截就係喺邊線，右閘雲比沙加失位後發生。可見佢有效解決邊路被針對嘅問題。試想像如果呢個位置嘅係普巴，佢未必可以截斷攻勢，甚至有機會失多兩球。
https://i.imgur.com/QXdg8lq.gif
https://i.imgur.com/23Gl9AL.gif
麥湯文尼帶球推進嘅能力都唔錯，最重要係佢嘅推進係直接丶爽快，唔會「妹下妹下」，仲成功過咗一個對方球員。可能佢嘅視野同長傳冇普巴咁好，但係佢喺進攻方面都有貢獻。麥湯文尼全場錄得4次過人，3次成功。成功過人次數可以同踢足嘅幾位曼聯進攻球員並列。成功率亦比佢哋高。又有一下，係麥湯文尼喺三位熱刺球員聯防下，都能成功護住皮球。最終獲得界外球一個，可見其功架。
總結
可能有人會話，麥湯文尼半場先換入嚟，當時勝負已分丶大局已定。熱刺嘅進攻強度未必同上半場一樣，但係多項數據都指出麥湯文尼有好好表現。曼聯下半場出到嚟活力的確增加不少，只係打少一個難以製造機會。喺防守方面，更加可見出普巴同出麥湯文尼嘅分別。長遠嚟講，如果蘇斯克查願意放棄普巴，試下用麥湯文尼，可能會有出乎意料嘅效果。
https://i.imgur.com/fjYQtcK.gifhttps://i.imgur.com/3V2gFnL.gif
下半場一開始，打少一個嘅曼聯收起馬迪同般奴費南迪斯，並換入費特同麥湯文尼，並將普巴推上半格。陣式上呈現4-2-1-2。兩位防守中場除咗要保護中場中路之外，亦因為上半場，熱刺兩閘經常助攻，同兩翼配合。曼聯兩閘往往被2打1。所以曼聯防中亦要幫手防守邊路。
防中最基本嘅責任係遮線，之前幾場比賽，甚至上季，普巴打呢個位置，都係帶有懶性，防守唔夠積極。麥湯文尼今場做足遮線，對曼聯防守已經有好大幫助，起碼中場中路唔會直接被打穿。有好幾次，麥湯文尼都成功透過遮線，成功喺熱刺身上攞返控球權。事實上，麥湯文尼喺下半場截斷兩次傳送，係曼聯球員之中最多。另外，佢喺全場左丶中丶右，都有佢嘅身影。防守範圍好大。呢個係蘇斯克查用上普巴同馬迪時見唔到嘅。
https://i.imgur.com/zpk3yGp.gif
計攔截，麥湯文尼有三次攔截，成功率100%，成功攔截次數亦係全隊下半場最多。頭先講到曼聯兩邊經常被2打1。麥湯文尼其中兩下攔截就係喺邊線，右閘雲比沙加失位後發生。可見佢有效解決邊路被針對嘅問題。試想像如果呢個位置嘅係普巴，佢未必可以截斷攻勢，甚至有機會失多兩球。
https://i.imgur.com/QXdg8lq.gif
https://i.imgur.com/23Gl9AL.gif
麥湯文尼帶球推進嘅能力都唔錯，最重要係佢嘅推進係直接丶爽快，唔會「妹下妹下」，仲成功過咗一個對方球員。可能佢嘅視野同長傳冇普巴咁好，但係佢喺進攻方面都有貢獻。麥湯文尼全場錄得4次過人，3次成功。成功過人次數可以同踢足嘅幾位曼聯進攻球員並列。成功率亦比佢哋高。又有一下，係麥湯文尼喺三位熱刺球員聯防下，都能成功護住皮球。最終獲得界外球一個，可見其功架。
總結
可能有人會話，麥湯文尼半場先換入嚟，當時勝負已分丶大局已定。熱刺嘅進攻強度未必同上半場一樣，但係多項數據都指出麥湯文尼有好好表現。曼聯下半場出到嚟活力的確增加不少，只係打少一個難以製造機會。喺防守方面，更加可見出普巴同出麥湯文尼嘅分別。長遠嚟講，如果蘇斯克查願意放棄普巴，試下用麥湯文尼，可能會有出乎意料嘅效果。
https://i.imgur.com/fjYQtcK.gifhttps://i.imgur.com/3V2gFnL.gif