淺談派路領軍下嘅祖記戰術
本來想喺祖記對拿玻里嘅強強對踫後先寫，可惜比賽都取消埋。祖雲達斯今季由新帥派路接掌，喺球員年代已經知佢非常聰明，卻從未有執教經驗。開季前大家對佢嘅戰術理念一無所知。兩場比賽後，筆者開始領略到佢嘅戰術特色，一於喺度將我見到嘅同大家分享。
牌面陣容方面，派路會擺出3-4-1-2。連埋拿玻里嗰場，祖雲達斯出過三次正選陣容，有部份位置，派路已經搵到最適合佢嘅人選：龍門施捷斯尼；三中堅左至右分別為基亞連尼丶邦路斯同丹尼路；進攻中場用上藍斯，Ｃ朗打左前鋒。至於其他位置，派路嘗試過用唔同嘅人打正選，可能需要更長時間先可以搵到佢嘅最佳十一人。
同其他強隊一樣，祖雲達斯重視後場組織，皮球喺己方後場時間達27%，比國際米蘭，拿玻里丶阿特蘭大等都要多。佢哋幾位後場球員都具有經驗同質素，令佢哋有個好好嘅根基。Build Up方面，佢哋主要由邦路斯長傳，或者丹尼路推進，將個波運上前場。如果冇受壓逼，有時會有施捷斯尼喺禁區外放長傳。丹尼路係祖記觸球次數最多嘅球員，有231次，比第二嘅基亞連尼多61次，可見丹尼路嘅推進係主要Build Up方法。
祖雲達斯希望盡量保持控球在腳，所以即使被逼搶，都會嘗試喺後場短傳猜鬆個波，而唔會胡亂將個波踢上前場。
https://i.imgur.com/KfpGNZX.gif
祖雲達斯冇一個特定進攻嘅位置，左丶中丶右嘅攻擊來源平均，視乎當時邊個位置較空，就由邊度進攻，所以主要都係交由球員發揮。由於佢哋喺意甲有好大人腳優勢，兩邊翼衛會壓得好前，加埋攻中同前鋒，前場有五個攻擊點。派路俾兩位前鋒好大自由度。例如C朗名稱上係左前鋒，但實際上可以同拍擋換位，或者兩邊前鋒一齊走到同一邊，以製造人數優勢。呢個時候藍斯會走到較空一邊，等後上機會。藍斯係派路戰術重心，活動範圍好大，除咗要喺前面走位外，亦會回後攞波，又會負責交出直線。所以佢場均製造射門機會最多，有6.31次，關鍵傳送都係全隊最多，有6次，無波嘅時候就等空位後上。
如果需要再加強進攻，佢哋會推多一名中場中球員上去，希望可以透過人數Overload對面，打開對方防守缺口。呢個情況就會由丹尼路移上中場補位，有咩事就同另一位中場Cover。祖記只會留返基亞連尼同邦路斯喺最後防線。
即使兩名中堅企喺最後，但佢哋都會留喺中圈付近，以High Line壓縮對方空間。所以如果對手大腳將波踢走，施捷斯尼會出嚟重新組織，同紐亞嘅角色相似。
https://i.imgur.com/glSiGrm.gif
防守方面，祖雲達斯唔會用上3-4-1-2防守，反而會變返做4-4-2。丹尼路回歸右閘，左翼衛移後少少，偏左位置，同右翼衛以及兩名中場平排，兩名前鋒喺最前遮線。
4-4-2難以做到逼搶效果，不過有效阻止對手打入祖記三閘線，如果對手喺後場猜波，藍斯會上去施加壓逼，陣式上會變成4-3-3。
https://i.imgur.com/X5SWmYc.gif
兩名前鋒基本上只做遮線，防守責任唔多，所以當祖記成功截波，就好易搵到前場球員打反擊。
https://i.imgur.com/bSULt5t.gif
睇咗兩場比賽，我認為祖雲達斯嘅防守缺點有二，兩項都令佢哋容易輸反擊。首先，進攻同防守嘅陣式係唔同。簡單提多一次，祖雲達斯進攻用3-4-1-2，防守用4-4-2。攻守陣容唔同唔係由派路獨創，阿迪達同林伯特等人都用過。佢嘅缺點係容易做成混亂丶企錯位等等。由其喺面對快速反擊嗰陣，佢哋未必能夠好快轉做常用嘅防守陣式。第二，進攻時後場人數太少。最後排只係得兩名中堅，仲要係邦路斯同基亞連尼。佢哋分別33同36歲，速度唔快，打高位防守好容易出事。至今祖雲達斯有兩球失波，一球係十二碼，另一球就係輸反撃。
https://i.imgur.com/fjsdvPr.gif
總結
沙利走咗，由派路執教，最開心嘅一定係丹尼路同藍斯，兩位球員喺去季都不獲重用，上陣時間較少。今季唔單止有正選，更加喺球隊擔任好重要嘅角色。尤其係藍斯，雖然未有入波，但兩場比賽嘅表現都非常搶眼。另一方面，我嘅繼阿迪達同林伯特後，又有多一位用上所謂「變型陣」嘅較頭。三位主帥嘅共同點都係執較經驗少。可以講，變型陣會漸漸受新派教頭採用，係未來嘅新趨勢。至於派路執教能力，就要再睇多一陣。畢竟佢哋只係踢咗兩場比賽，一來未有水平好高嘅對手，二來球員都未必熟習派路嘅戰術。暫時佢哋喺意甲一勝一和，仲有慢慢長路，可以睇定啲先。
牌面陣容方面，派路會擺出3-4-1-2。連埋拿玻里嗰場，祖雲達斯出過三次正選陣容，有部份位置，派路已經搵到最適合佢嘅人選：龍門施捷斯尼；三中堅左至右分別為基亞連尼丶邦路斯同丹尼路；進攻中場用上藍斯，Ｃ朗打左前鋒。至於其他位置，派路嘗試過用唔同嘅人打正選，可能需要更長時間先可以搵到佢嘅最佳十一人。
同其他強隊一樣，祖雲達斯重視後場組織，皮球喺己方後場時間達27%，比國際米蘭，拿玻里丶阿特蘭大等都要多。佢哋幾位後場球員都具有經驗同質素，令佢哋有個好好嘅根基。Build Up方面，佢哋主要由邦路斯長傳，或者丹尼路推進，將個波運上前場。如果冇受壓逼，有時會有施捷斯尼喺禁區外放長傳。丹尼路係祖記觸球次數最多嘅球員，有231次，比第二嘅基亞連尼多61次，可見丹尼路嘅推進係主要Build Up方法。
祖雲達斯希望盡量保持控球在腳，所以即使被逼搶，都會嘗試喺後場短傳猜鬆個波，而唔會胡亂將個波踢上前場。
https://i.imgur.com/KfpGNZX.gif
祖雲達斯冇一個特定進攻嘅位置，左丶中丶右嘅攻擊來源平均，視乎當時邊個位置較空，就由邊度進攻，所以主要都係交由球員發揮。由於佢哋喺意甲有好大人腳優勢，兩邊翼衛會壓得好前，加埋攻中同前鋒，前場有五個攻擊點。派路俾兩位前鋒好大自由度。例如C朗名稱上係左前鋒，但實際上可以同拍擋換位，或者兩邊前鋒一齊走到同一邊，以製造人數優勢。呢個時候藍斯會走到較空一邊，等後上機會。藍斯係派路戰術重心，活動範圍好大，除咗要喺前面走位外，亦會回後攞波，又會負責交出直線。所以佢場均製造射門機會最多，有6.31次，關鍵傳送都係全隊最多，有6次，無波嘅時候就等空位後上。
如果需要再加強進攻，佢哋會推多一名中場中球員上去，希望可以透過人數Overload對面，打開對方防守缺口。呢個情況就會由丹尼路移上中場補位，有咩事就同另一位中場Cover。祖記只會留返基亞連尼同邦路斯喺最後防線。
即使兩名中堅企喺最後，但佢哋都會留喺中圈付近，以High Line壓縮對方空間。所以如果對手大腳將波踢走，施捷斯尼會出嚟重新組織，同紐亞嘅角色相似。
https://i.imgur.com/glSiGrm.gif
防守方面，祖雲達斯唔會用上3-4-1-2防守，反而會變返做4-4-2。丹尼路回歸右閘，左翼衛移後少少，偏左位置，同右翼衛以及兩名中場平排，兩名前鋒喺最前遮線。
4-4-2難以做到逼搶效果，不過有效阻止對手打入祖記三閘線，如果對手喺後場猜波，藍斯會上去施加壓逼，陣式上會變成4-3-3。
https://i.imgur.com/X5SWmYc.gif
兩名前鋒基本上只做遮線，防守責任唔多，所以當祖記成功截波，就好易搵到前場球員打反擊。
https://i.imgur.com/bSULt5t.gif
睇咗兩場比賽，我認為祖雲達斯嘅防守缺點有二，兩項都令佢哋容易輸反擊。首先，進攻同防守嘅陣式係唔同。簡單提多一次，祖雲達斯進攻用3-4-1-2，防守用4-4-2。攻守陣容唔同唔係由派路獨創，阿迪達同林伯特等人都用過。佢嘅缺點係容易做成混亂丶企錯位等等。由其喺面對快速反擊嗰陣，佢哋未必能夠好快轉做常用嘅防守陣式。第二，進攻時後場人數太少。最後排只係得兩名中堅，仲要係邦路斯同基亞連尼。佢哋分別33同36歲，速度唔快，打高位防守好容易出事。至今祖雲達斯有兩球失波，一球係十二碼，另一球就係輸反撃。
https://i.imgur.com/fjsdvPr.gif
總結
沙利走咗，由派路執教，最開心嘅一定係丹尼路同藍斯，兩位球員喺去季都不獲重用，上陣時間較少。今季唔單止有正選，更加喺球隊擔任好重要嘅角色。尤其係藍斯，雖然未有入波，但兩場比賽嘅表現都非常搶眼。另一方面，我嘅繼阿迪達同林伯特後，又有多一位用上所謂「變型陣」嘅較頭。三位主帥嘅共同點都係執較經驗少。可以講，變型陣會漸漸受新派教頭採用，係未來嘅新趨勢。至於派路執教能力，就要再睇多一陣。畢竟佢哋只係踢咗兩場比賽，一來未有水平好高嘅對手，二來球員都未必熟習派路嘅戰術。暫時佢哋喺意甲一勝一和，仲有慢慢長路，可以睇定啲先。