蘇亞雷斯入波後慶祝動作，有何意思？
今個世界盃賽期，南美洲展開咗2022世界盃外圍賽。會透過主客兩回合嘅聯賽，由十個國家之中，決出四隊直入世盃，同埋一隊進行附加賽。所以，南美洲所有足球勁旅都比較重視呢次國際賽期。其中兩日前(10月9日) 就進行咗烏拉圭對智利嘅比賽，兩支球隊都係南美洲嘅中上游球隊，渴望擠身前四，直接出線世盃。所以呢場比賽對兩隊都好關鍵。
最終烏拉圭憑住蘇亞雷斯嘅十二碼，以及麥斯高美斯嘅絕殺，以2:1贏出比賽。呢篇文章唔係想討論雙方嘅表現，而係想講下蘇亞雷斯入波後發生嘅事。
蘇亞雷斯入波之後，揭起自己波衫，展示入面嘅底衫，上面寫住"Mucha fuerza!! Nando y familia" (A lot of strength, Nando and Family!)。好明顯呢段文字係寫俾Nando睇嘅。
入面嘅Nando，係指烏拉圭門將，效力緊加拉塔沙雷嘅梅斯利拿(Fernando Muslera)。梅斯利拿今年遇上人生低潮，六月時脛腓骨骨折(即係斷腳)，整個2020年都唔可以上陣。最近佢嘅母親更加離世，令到梅斯利拿受到雙重打擊，所以蘇亞雷斯都係入波後支持佢。
雖然梅斯利拿同蘇亞雷斯都效力過烏拉圭國內嘅國民隊，但係效力時間唔同，兩位球員未試過喺球會賽並肩上陣。但係兩人都係國家隊主力，早喺2009年已經一齊為國效力，各項賽事中一同上陣81次，所以感情都唔差。而梅斯利拿得悉蘇亞雷斯入波後嘅慶祝，都有向佢公開致謝。平時蘇亞雷斯俾我哋嘅印象都係一般，球場表現係一個「真小人」，試過咬人之餘，又曾經使出上帝之手。今次就搵到佢鐵漢柔情嘅一面喇。
兩人交情都算深厚
喺呢度希望梅斯利拿節哀，盡快走出傷患！
最終烏拉圭憑住蘇亞雷斯嘅十二碼，以及麥斯高美斯嘅絕殺，以2:1贏出比賽。呢篇文章唔係想討論雙方嘅表現，而係想講下蘇亞雷斯入波後發生嘅事。
蘇亞雷斯入波之後，揭起自己波衫，展示入面嘅底衫，上面寫住"Mucha fuerza!! Nando y familia" (A lot of strength, Nando and Family!)。好明顯呢段文字係寫俾Nando睇嘅。
入面嘅Nando，係指烏拉圭門將，效力緊加拉塔沙雷嘅梅斯利拿(Fernando Muslera)。梅斯利拿今年遇上人生低潮，六月時脛腓骨骨折(即係斷腳)，整個2020年都唔可以上陣。最近佢嘅母親更加離世，令到梅斯利拿受到雙重打擊，所以蘇亞雷斯都係入波後支持佢。
雖然梅斯利拿同蘇亞雷斯都效力過烏拉圭國內嘅國民隊，但係效力時間唔同，兩位球員未試過喺球會賽並肩上陣。但係兩人都係國家隊主力，早喺2009年已經一齊為國效力，各項賽事中一同上陣81次，所以感情都唔差。而梅斯利拿得悉蘇亞雷斯入波後嘅慶祝，都有向佢公開致謝。平時蘇亞雷斯俾我哋嘅印象都係一般，球場表現係一個「真小人」，試過咬人之餘，又曾經使出上帝之手。今次就搵到佢鐵漢柔情嘅一面喇。
兩人交情都算深厚
喺呢度希望梅斯利拿節哀，盡快走出傷患！