富力就如港超毒品，及早分手才是正途
香港超級聯賽曲終人散冇耐，本地球擅又迎來轟動新聞：富力R&F(下稱富力)宣佈退出港超。呢支球隊係中超廣州富力嘅衛星球隊，亦因為佢嘅背景特別，一直唔受香港球迷歡迎。富力空降港超四年，除咗第一季主要用上中國年輕球員之外，佢哋每年都喺唔同球會高薪簽入本地球員，可謂盡收天下兵器。對上一個球季，據報富力班費高達5000萬，當中最高月薪嘅球員有三十萬人工，財力係港超之最，但係一直以來，富力喺香港未有捧起任何獎盃，亦冇機會出戰亞洲賽，收入同付出唔成比例，可能係退出比賽嘅原因之一。而對外，富力官方聲明同其他消息都指，佢哋一直受足總，球迷等持分者針對，令佢哋意興闌珊。
富力退出，最開心一定係香港球迷。香港球迷普遍都對富力不滿。佢哋唔經正常途徑，由丙組升班，又要將自己主場定喺廣州燕子崗，場地質素丶交通同轉播事宜都令其他球隊同球迷十分麻煩。空降第一季，足總更加容許佢哋將大量中國藉球員註冊。各種待遇都令人覺得富力擁有特權。加上近年港中關係越來越差，富力自然成為球迷眾矢之的。喺香港，每當有富力嘅比賽，都唔難聽到粗口同辱罵聲，直指富力。如今富力退出，對佢哋嚟講，可以話係成功光復香港足球，本地波再無其他勢力介入，亦唔會有球隊擁有特權。
當然，凡事都有兩面，呢件事最大損失嘅就係球員。近年富力係香港嘅富豪球會，每年大灑千金羅致唔同球員加盟，佢哋喺富力可以獲得豐厚人工，能力一般嘅，都可能有四至五萬月薪，都係比富力以外嘅香港球會高。唔少人指，富力喺港超嘅幾年，將港超球員嘅平均人工拉高。經濟學上，球員薪金視乎市場嘅供求。富力嘅存在唔單止增加球員嘅需求，佢哋更加願意用更加人工簽人。令到球員嘅待遇同價值有所提升。畢竟，足球員職業生涯短，當然希望襯有能力搵多個錢旁身。如今富力退出，球員平均薪金自然會減少，加上自疫情後，元朗同大埔都已經退出聯賽，加上富力退出，來季港超好大可能只得八隊參賽，所需嘅球員自然較少，有啲可能要因此轉行。未有合約嘅球員容易被壓價。種種因素都令球員利益受損。喺富力退出之後，球迷之間多咗一把聲音，從球員角度出發，為富力退出而感到可惜。
喺呢面雙刃劍下，評價富力呢隊波要從原則入手。富力從來都唔應該出現喺港超，係喺空降同特權下，加上足總嘅無能，先會出現。普遍球迷唔係因為佢嘅中資背景，以本傷人而討厭富力，反之，係因為佢哋唔守規矩在先，公關又做得唔好，先令到人如此不滿。由於佢哋本來就唔應該出現，後尾出現嘅球員問題就係後話。
富力一事，反映一支球隊嘅財政穩健係最重要，香港幾乎每年都有球隊退出比賽，有長遠計劃嘅球隊，可能只得三至四隊。呢幾支球隊未必係最「疊水」，不過可見嘅將來都唔容易退出，相反，富力球員即使享有好高待遇，但佢哋難保球隊營運得長長久久。事實上，佢哋亦唔係第一支喺香港聯賽作賽嘅中國球隊，已有香雪製藥等先例證明，中國球隊唔能夠保證長遠發展。球隊北上踢波，難免要接受呢個風險。
富力退出已經既成事實，筆者當然都為陣中本地球員嘅前途感到擔心。最怕就係球員經歷過高薪後，接唔接受大幅降薪到正常水平。本文標題話富力係毒品，就係擔心球員習慣豐厚待遇，一時三刻要回到正常水平，需要時間適應。就如初初接觸，可能會有快感，但係要將佢戒除，重回正常生活亦唔係易事。不過，一日有富力，香港足球或者會越嚟壞變質，漸漸被中國球隊滲入，成為佢哋嘅練兵場地，富力離開先可以為香港足球重回正軌。預期來季球員平均薪金會降低唔少。經一事長一智，唯有希望香港球壇可以捱得過呢段陣痛，球員明白馬死落地行嘅道理。
富力退出，最開心一定係香港球迷。香港球迷普遍都對富力不滿。佢哋唔經正常途徑，由丙組升班，又要將自己主場定喺廣州燕子崗，場地質素丶交通同轉播事宜都令其他球隊同球迷十分麻煩。空降第一季，足總更加容許佢哋將大量中國藉球員註冊。各種待遇都令人覺得富力擁有特權。加上近年港中關係越來越差，富力自然成為球迷眾矢之的。喺香港，每當有富力嘅比賽，都唔難聽到粗口同辱罵聲，直指富力。如今富力退出，對佢哋嚟講，可以話係成功光復香港足球，本地波再無其他勢力介入，亦唔會有球隊擁有特權。
當然，凡事都有兩面，呢件事最大損失嘅就係球員。近年富力係香港嘅富豪球會，每年大灑千金羅致唔同球員加盟，佢哋喺富力可以獲得豐厚人工，能力一般嘅，都可能有四至五萬月薪，都係比富力以外嘅香港球會高。唔少人指，富力喺港超嘅幾年，將港超球員嘅平均人工拉高。經濟學上，球員薪金視乎市場嘅供求。富力嘅存在唔單止增加球員嘅需求，佢哋更加願意用更加人工簽人。令到球員嘅待遇同價值有所提升。畢竟，足球員職業生涯短，當然希望襯有能力搵多個錢旁身。如今富力退出，球員平均薪金自然會減少，加上自疫情後，元朗同大埔都已經退出聯賽，加上富力退出，來季港超好大可能只得八隊參賽，所需嘅球員自然較少，有啲可能要因此轉行。未有合約嘅球員容易被壓價。種種因素都令球員利益受損。喺富力退出之後，球迷之間多咗一把聲音，從球員角度出發，為富力退出而感到可惜。
喺呢面雙刃劍下，評價富力呢隊波要從原則入手。富力從來都唔應該出現喺港超，係喺空降同特權下，加上足總嘅無能，先會出現。普遍球迷唔係因為佢嘅中資背景，以本傷人而討厭富力，反之，係因為佢哋唔守規矩在先，公關又做得唔好，先令到人如此不滿。由於佢哋本來就唔應該出現，後尾出現嘅球員問題就係後話。
富力一事，反映一支球隊嘅財政穩健係最重要，香港幾乎每年都有球隊退出比賽，有長遠計劃嘅球隊，可能只得三至四隊。呢幾支球隊未必係最「疊水」，不過可見嘅將來都唔容易退出，相反，富力球員即使享有好高待遇，但佢哋難保球隊營運得長長久久。事實上，佢哋亦唔係第一支喺香港聯賽作賽嘅中國球隊，已有香雪製藥等先例證明，中國球隊唔能夠保證長遠發展。球隊北上踢波，難免要接受呢個風險。
富力退出已經既成事實，筆者當然都為陣中本地球員嘅前途感到擔心。最怕就係球員經歷過高薪後，接唔接受大幅降薪到正常水平。本文標題話富力係毒品，就係擔心球員習慣豐厚待遇，一時三刻要回到正常水平，需要時間適應。就如初初接觸，可能會有快感，但係要將佢戒除，重回正常生活亦唔係易事。不過，一日有富力，香港足球或者會越嚟壞變質，漸漸被中國球隊滲入，成為佢哋嘅練兵場地，富力離開先可以為香港足球重回正軌。預期來季球員平均薪金會降低唔少。經一事長一智，唯有希望香港球壇可以捱得過呢段陣痛，球員明白馬死落地行嘅道理。