默西塞德郡打吡賽後分析：雲迪克真係好重要
星期六英超早場，上演默西塞德郡打呲，由愛華頓主場對利物浦。兩方陣容同之前幾場變化唔大 :利物浦今場第一次用堤亞高打正選，將國際賽出得密嘅雲拿當列作後備。整體數據：射門丶控球丶預計入波都係利物浦佔優，但係愛華頓都不乏攻勢，而且幾有威脅。因為利物浦戰術冇乜點變，同上年不停贏波時相若，所以呢篇文會講多少少愛華頓，同埋會講下雲迪克。
利物浦套戰術同以往冇乜大出入，都係著重兩閘壓上助攻。開賽冇耐就即刻收到成效：羅拔臣助攻俾文尼射入。對上幾場波，利物浦嘅對手都會指示兩隻翼跟實羅拔臣同阿諾，減少佢哋攞波機會。相信係今年各隊衝住利物浦而來嘅策略。不過愛華頓右翼係防守唔勤力嘅占士，佢冇跟住羅拔臣回防，令後者有好多空位。https://i.imgur.com/UP7mgQK.gif
短短幾分鐘之後，羅拔臣再次無人看管，同文尼喺左邊形成二打一，阿倫過到嚟防守嗰陣，文尼已經成功出波。除咗第一場嘅熱刺，愛華頓之前嘅對手唔太強，今場一遇上強敵，占士防守不足嘅缺點就曝露出嚟。
https://i.imgur.com/w8qrIfM.gif
後尾安察洛堤只好叫杜哥利過嚟看守邊路。
https://i.imgur.com/mHWp6BW.gif
場波未到十分鐘，雲迪克就受傷，最後更加要退下火線。而呢件事亦成為比賽嘅轉捩點。12分鐘甸尼傳中，卡達利雲輕鬆跳頂。冇咗雲迪克後，利物浦後防制空力大大減低。
https://i.imgur.com/OdeHywj.gif
佢哋今場第一個個失波都係輸頭搥，不過係來自角球。同冇咗雲迪克，冇人指揮後防有冇關係？呢個幾值得我哋討論。作為後場指揮，冇咗佢的確會少個人提場，但死球始終係人多打人多嘅遊戲：，唔應該將所有責任賴落一個唔在場嘅球員身上。
愛華頓喺中場防守出色，隊型整齊，可以清楚見到4-5-1嘅防守。三人中場塞死中路，令利物浦之可以由兩邊攻擊，少咗一範進路數。
同時，利物浦用兩翼壓前，令到後防邊路有好多空位。之前維拉等球隊都經過喺呢個位置搵食，今次愛華頓亦照板煮豌。如圖所見，杜哥利走到邊線，羅拔臣上得太前，令到左閘位冇人。最後要高美斯過嚟幫手，但係中堅之間有太多空位俾卡達利雲發揮。
不過利物浦當然唔係捱打，佢哋嘅前場逼搶仍然好有效。愛華頓中場難以用波。占士即使回後攞波攞波，好多時候都要向前長傳，甚至有時一攞波就有紅衫招呼佢，難以Hold波。
https://i.imgur.com/fotxDkd.gif
占士喺雖然冇乜防守貢獻，不過佢喺進攻方面好有用。牌面上佢係右翼，但係佢經常回後攞波，或者企喺較中間位置。好似呢球咁，佢移入中路，即刻令到愛華頓喺中路有人數優勢，羅拔臣唔敢移離位置跟佢。利物浦兩名中堅要睇住卡達利雲，防守法賓奴又配合逼搶，壓咗上前趕唔切回防，令占士有好大空間起腳。如果雲迪克喺度，以佢能力可以同卡達利雲一打一，馬迪普或者高美斯可能會選擇標出去，畢竟禁區頂任由占士起腳係好危險。
https://i.imgur.com/skF08aI.gif
講到人數優勢，利物浦都有用。中場軒達臣亦經常走到右翼，希望喺右邊做到三打二，藉此打開缺口。利物浦嘅第二球就係由軒達臣傳中。愛華頓左閘甸尼同左翼李察利臣各有防守目標，所以冇埋軒達臣。對位嘅安達高美斯跟得唔夠貼，令軒達臣有時間睇定嚟斬。上幾場利物浦呢招喺左邊用得較多，負責拉邊嘅中場係雲拿當。可能軒達臣習慣踢右，所以轉為喺右邊玩Overload。換轉喺左邊，對位占士防守比較懶，呢種攻勢作用會更大。https://i.imgur.com/eIOZk5B.gif
然後就係愛華頓再次追平一球。同頭先講嘅一樣，利物浦後防邊路有好多空位，而李察利臣都幾跑得。阿諾企得太上，無法阻止佢出波，最後仲要被卡達利雲頂入。呢球我覺得輸阿諾，不過又講多次，如果雲迪克喺場上面，卡達利雲仲會咁易頂贏咩？
https://i.imgur.com/n9Ejjkb.gif
總結
各隊開始識得應付利物浦嘅戰術：阿仙奴丶維拉丶愛華頓等都可以針對住利物浦弱點嚟打。利物浦今季應該冇上季咁順利。另外，今場比賽正正證明雲迪克喺利物浦有幾咁重要，如果雲迪克傷得耐，會對利物浦防守造成好大打擊，甚至兩閘會冇咁放膽壓上前，損害進攻效率。愛華頓方面，今場亦發現咗占士嘅不足，下次再對強隊時，愛華頓左路有機會被Overload。
利物浦套戰術同以往冇乜大出入，都係著重兩閘壓上助攻。開賽冇耐就即刻收到成效：羅拔臣助攻俾文尼射入。對上幾場波，利物浦嘅對手都會指示兩隻翼跟實羅拔臣同阿諾，減少佢哋攞波機會。相信係今年各隊衝住利物浦而來嘅策略。不過愛華頓右翼係防守唔勤力嘅占士，佢冇跟住羅拔臣回防，令後者有好多空位。https://i.imgur.com/UP7mgQK.gif
短短幾分鐘之後，羅拔臣再次無人看管，同文尼喺左邊形成二打一，阿倫過到嚟防守嗰陣，文尼已經成功出波。除咗第一場嘅熱刺，愛華頓之前嘅對手唔太強，今場一遇上強敵，占士防守不足嘅缺點就曝露出嚟。
https://i.imgur.com/w8qrIfM.gif
後尾安察洛堤只好叫杜哥利過嚟看守邊路。
https://i.imgur.com/mHWp6BW.gif
場波未到十分鐘，雲迪克就受傷，最後更加要退下火線。而呢件事亦成為比賽嘅轉捩點。12分鐘甸尼傳中，卡達利雲輕鬆跳頂。冇咗雲迪克後，利物浦後防制空力大大減低。
https://i.imgur.com/OdeHywj.gif
佢哋今場第一個個失波都係輸頭搥，不過係來自角球。同冇咗雲迪克，冇人指揮後防有冇關係？呢個幾值得我哋討論。作為後場指揮，冇咗佢的確會少個人提場，但死球始終係人多打人多嘅遊戲：，唔應該將所有責任賴落一個唔在場嘅球員身上。
愛華頓喺中場防守出色，隊型整齊，可以清楚見到4-5-1嘅防守。三人中場塞死中路，令利物浦之可以由兩邊攻擊，少咗一範進路數。
同時，利物浦用兩翼壓前，令到後防邊路有好多空位。之前維拉等球隊都經過喺呢個位置搵食，今次愛華頓亦照板煮豌。如圖所見，杜哥利走到邊線，羅拔臣上得太前，令到左閘位冇人。最後要高美斯過嚟幫手，但係中堅之間有太多空位俾卡達利雲發揮。
不過利物浦當然唔係捱打，佢哋嘅前場逼搶仍然好有效。愛華頓中場難以用波。占士即使回後攞波攞波，好多時候都要向前長傳，甚至有時一攞波就有紅衫招呼佢，難以Hold波。
https://i.imgur.com/fotxDkd.gif
占士喺雖然冇乜防守貢獻，不過佢喺進攻方面好有用。牌面上佢係右翼，但係佢經常回後攞波，或者企喺較中間位置。好似呢球咁，佢移入中路，即刻令到愛華頓喺中路有人數優勢，羅拔臣唔敢移離位置跟佢。利物浦兩名中堅要睇住卡達利雲，防守法賓奴又配合逼搶，壓咗上前趕唔切回防，令占士有好大空間起腳。如果雲迪克喺度，以佢能力可以同卡達利雲一打一，馬迪普或者高美斯可能會選擇標出去，畢竟禁區頂任由占士起腳係好危險。
https://i.imgur.com/skF08aI.gif
講到人數優勢，利物浦都有用。中場軒達臣亦經常走到右翼，希望喺右邊做到三打二，藉此打開缺口。利物浦嘅第二球就係由軒達臣傳中。愛華頓左閘甸尼同左翼李察利臣各有防守目標，所以冇埋軒達臣。對位嘅安達高美斯跟得唔夠貼，令軒達臣有時間睇定嚟斬。上幾場利物浦呢招喺左邊用得較多，負責拉邊嘅中場係雲拿當。可能軒達臣習慣踢右，所以轉為喺右邊玩Overload。換轉喺左邊，對位占士防守比較懶，呢種攻勢作用會更大。https://i.imgur.com/eIOZk5B.gif
然後就係愛華頓再次追平一球。同頭先講嘅一樣，利物浦後防邊路有好多空位，而李察利臣都幾跑得。阿諾企得太上，無法阻止佢出波，最後仲要被卡達利雲頂入。呢球我覺得輸阿諾，不過又講多次，如果雲迪克喺場上面，卡達利雲仲會咁易頂贏咩？
https://i.imgur.com/n9Ejjkb.gif
總結
各隊開始識得應付利物浦嘅戰術：阿仙奴丶維拉丶愛華頓等都可以針對住利物浦弱點嚟打。利物浦今季應該冇上季咁順利。另外，今場比賽正正證明雲迪克喺利物浦有幾咁重要，如果雲迪克傷得耐，會對利物浦防守造成好大打擊，甚至兩閘會冇咁放膽壓上前，損害進攻效率。愛華頓方面，今場亦發現咗占士嘅不足，下次再對強隊時，愛華頓左路有機會被Overload。
如果喜歡我們的文章，請即分享到︰
延伸閲讀：
湯馬士柏迪會喺阿仙奴擔當乜嘢角色？
富力就如港超毒品，及早分手才是正途
當年嘅1:7罪人，今天成為球隊中流砥柱
魯迪加喺車路士被冷落，係自己踢得差，定係林伯特唔識用？
蘇亞雷斯入波後慶祝動作，有何意思？
湯馬士柏迪會喺阿仙奴擔當乜嘢角色？
富力就如港超毒品，及早分手才是正途
當年嘅1:7罪人，今天成為球隊中流砥柱
魯迪加喺車路士被冷落，係自己踢得差，定係林伯特唔識用？
蘇亞雷斯入波後慶祝動作，有何意思？