兩個入波以外 祖奧菲歷斯精彩演出
早幾日踢嘅歐聯分組賽，馬體會對薩爾斯堡。呢場戲碼未必係最好，但係勝在好睇，入波又多。至於演出最好嘅一定係祖奧菲歷斯，佢呢場比賽射入兩球，為球隊全取三分。老實講，我覺得佢兩球入波都唔算特別精彩，反而喺入唔到波嘅攻勢，更加睇到祖奧菲歷斯嘅級數。
馬體會主要攻勢係嚟自右邊，數據指，佢哋有43%攻勢喺嗰邊進行。而祖奧菲歷斯企喺前場較左位置。所以馬體會進攻嗰陣，左邊空間會較多，而祖奧菲歷斯成日把握到呢啲空位，隊友可以轉邊俾佢，再由佢起腳，或者再傳俾隊友。https://i.imgur.com/df1Ewnt.gif
呢場比賽經常睇到祖奧菲歷斯嘅無球走動，佢經常搵到對方後衛之間嘅空位，令到自己無人看管，再由中場長傳俾佢製造埋門。馬體會嘅靴里拉同馬高斯洛蘭迪長傳好準，兩人合共作出11次長傳，只有一次傳失，令前面嘅祖奧菲歷斯同蘇亞雷斯更易「搵食」。祖奧菲歷斯有能力搵到位，喺兩名後衛之間前插，呢個倒掛只係中楣。
https://i.imgur.com/LKOY4oN.gif
另一方面，祖奧菲歷斯提醒我哋，走位唔止係幫自己搵空間，仲可以係為隊友拉走對方球員。佢唔係嗰種太個人主義嘅球員，有機會都會為隊友拉開。呢次攻勢就見到佢向左拉邊，薩爾斯堡嘅中堅被告跟住佢向邊走，變相兩個中堅之間嘅空位拉闊，令隊友安祖哥利亞可以喺空位準備前插。只係左閘洛迪未能將個波向前傳，浪費咗呢次走位。
https://i.imgur.com/0UWqgj5.gif
除咗走位之外，祖奧菲歷斯都有唔少防守貢獻，雖然馬體會雙箭頭唔太需要回防，以遮線為主，但薩爾斯堡踢法直接，好少將個波留喺後場。但係祖奧菲歷斯喺適當情況都會向對方逼搶，好似下面片段咁，祖奧菲歷斯由中間跑到去右邊。去到最後，薩爾斯堡中堅施華非傳波不可，馬體會中場就可以乘機攞返皮球。
https://i.imgur.com/nukTcjo.gif
總結
略略講過祖奧菲歷斯嘅精華，唔好唔記得呢場佢入咗兩粒，佢嘅精彩表現係有實績支持。祖奧菲歷斯今場作出七次過人，除咗係全場最多之外，成功率亦達100%，每一次都成功扭過對手。另外亦搏得四次犯規。喺馬體會4-4-2嘅陣式下，佢不斷走位正好可以填補蘇亞雷斯，或者哥斯達嘅不足。今年佢嘅成績幾好，上陣唔夠500分鐘，已經收獲三入球一助攻，佢今年嘅表現都不容忽視。
馬體會主要攻勢係嚟自右邊，數據指，佢哋有43%攻勢喺嗰邊進行。而祖奧菲歷斯企喺前場較左位置。所以馬體會進攻嗰陣，左邊空間會較多，而祖奧菲歷斯成日把握到呢啲空位，隊友可以轉邊俾佢，再由佢起腳，或者再傳俾隊友。https://i.imgur.com/df1Ewnt.gif
呢場比賽經常睇到祖奧菲歷斯嘅無球走動，佢經常搵到對方後衛之間嘅空位，令到自己無人看管，再由中場長傳俾佢製造埋門。馬體會嘅靴里拉同馬高斯洛蘭迪長傳好準，兩人合共作出11次長傳，只有一次傳失，令前面嘅祖奧菲歷斯同蘇亞雷斯更易「搵食」。祖奧菲歷斯有能力搵到位，喺兩名後衛之間前插，呢個倒掛只係中楣。
https://i.imgur.com/LKOY4oN.gif
另一方面，祖奧菲歷斯提醒我哋，走位唔止係幫自己搵空間，仲可以係為隊友拉走對方球員。佢唔係嗰種太個人主義嘅球員，有機會都會為隊友拉開。呢次攻勢就見到佢向左拉邊，薩爾斯堡嘅中堅被告跟住佢向邊走，變相兩個中堅之間嘅空位拉闊，令隊友安祖哥利亞可以喺空位準備前插。只係左閘洛迪未能將個波向前傳，浪費咗呢次走位。
https://i.imgur.com/0UWqgj5.gif
除咗走位之外，祖奧菲歷斯都有唔少防守貢獻，雖然馬體會雙箭頭唔太需要回防，以遮線為主，但薩爾斯堡踢法直接，好少將個波留喺後場。但係祖奧菲歷斯喺適當情況都會向對方逼搶，好似下面片段咁，祖奧菲歷斯由中間跑到去右邊。去到最後，薩爾斯堡中堅施華非傳波不可，馬體會中場就可以乘機攞返皮球。
https://i.imgur.com/nukTcjo.gif
總結
略略講過祖奧菲歷斯嘅精華，唔好唔記得呢場佢入咗兩粒，佢嘅精彩表現係有實績支持。祖奧菲歷斯今場作出七次過人，除咗係全場最多之外，成功率亦達100%，每一次都成功扭過對手。另外亦搏得四次犯規。喺馬體會4-4-2嘅陣式下，佢不斷走位正好可以填補蘇亞雷斯，或者哥斯達嘅不足。今年佢嘅成績幾好，上陣唔夠500分鐘，已經收獲三入球一助攻，佢今年嘅表現都不容忽視。