入藉唔係特別事—細數三位入藉歐洲南美兵
國際賽期戲碼總係比較沉悶，但呢段期間講入藉問題相信比較合適。早幾年，香港隊招收咗唔少來自非洲同南美，又住滿七年，有資格成為港人嘅球員。呢班入藉兵背後，球迷之間有好大嘅爭議聲。有啲人認為呢班人唔融入香港，唔識廣東話，文化唔相近等，覺得佢哋唔應該著起港隊戰衣。時至今日，雖然香港隊入藉兵數量減少，爭議聲亦都少咗，但係仍然有部分人會討論呢個話題。其實入藉球員唔係香港獨有，甚至唔係亞洲獨有。呢篇文章就想同大家講下幾位出名嘅入藉兵，以及佢哋入藉嘅背景。
1.辛拿 年資較深嘅球迷可能對呢位前維拉利爾隊長有啲認識。辛拿生於巴西聖保羅，職業生涯初期喺巴西幾支球會效力。巴甲踢過，較低組別聯賽都踢過。但係從來冇為巴西國家隊同青年隊上陣，可以話係被巴西遺忘嘅球員。2002年，辛拿去到西班牙踢維拉利爾，2006年攞到西班牙護照，同年為西班牙出戰世界盃。辛拿總共為西班牙上陣28場。曾經有訪問講到佢入藉嘅原因同感受，以下係佢嘅講法：“I always knew the Brazil team was distant and after I was naturalised and played a game for Spain I totally forgot about it,” “I am privileged. For Brazil, where could I play?” 巴西從來都忽視辛拿呢位球員，連被徵召入隊嘅機會都冇。相反，即使辛拿冇西班牙血統，但佢感覺自己喺西班牙受歡迎，有歸屬感，而自己出生嘅巴西就冇，所以唔覺踢西班牙有任何問題，甚至感覺榮幸。
2.迪亞高哥斯達
迪亞高哥斯達同樣喺巴西出生，同辛拿唔同，佢喺巴西聯賽搵唔到機會，但係就識到經理人文迪斯。迪亞高哥斯達第一份職業合約係嚟自葡超嘅布拉加，當時佢只係18歲。喺巴西嘅唔如意，加上喺歐洲嘅成功，令到迪亞高哥斯達將歐洲當做佢嘅第二個家。即使佢曾經為巴西踢過兩場友誼賽，但係喺西班牙邀請，加上FIFA批准下，迪亞高哥斯達喺2014年起為西班牙效力。筆者搵唔到迪亞高哥斯達對自己入藉嘅睇法，當佢被問到佢自己入藉嘅原因時，佢只係簡單講過一句 “Why Not?” 而當時嘅巴西主教練史高拉利就猛烈批評迪亞高哥斯達嘅決定，認為佢加入當時得令嘅西班牙係「反骨」，又提到有無數巴西人想為國爭光等。但係而家睇返，佢喺巴西足球生涯嘅不如意，係令佢唔想踢巴西隊嘅原因之一，加上佢又適應歐洲生活，轉國藉都不無道理。
3.佐真奴
佐真奴都係喺巴西出世，但係佢15歲就同家人移民到意大利，所以對意大利文化有較深認識，加上祖父有意大利藉，令佢好快獲得意大利國藉。之後喺維羅納同拿玻里踢咗八年，而家就踢緊車路士。擁有雙重國藉嘅佐真奴獲得巴西同意大利兩國招手，佐真奴嘅經理人曾經談論過佐真奴嘅國藉問題。佢就話，巴西唔可以保證佐真奴可以持續入選，但係意大利可以。當同兩個國家都有血統關係時，佐真奴選擇一個有更大出場機會嘅國家隊。
總結
足球員入藉嘅原因有好多，入藉香港嘅球員可能因為香港生活較為穩定，世界各地亦有其實球員因為歸屬感，因為良禽擇木而棲，因為想踢國家隊比賽，或者其他各種原因轉國藉。入藉兵喺世界各地係平常事，唔係香港先有，亦唔係呢幾年先出現。今次筆者只係列舉咗一小部份，有機會再同大家分享啦！
1.辛拿 年資較深嘅球迷可能對呢位前維拉利爾隊長有啲認識。辛拿生於巴西聖保羅，職業生涯初期喺巴西幾支球會效力。巴甲踢過，較低組別聯賽都踢過。但係從來冇為巴西國家隊同青年隊上陣，可以話係被巴西遺忘嘅球員。2002年，辛拿去到西班牙踢維拉利爾，2006年攞到西班牙護照，同年為西班牙出戰世界盃。辛拿總共為西班牙上陣28場。曾經有訪問講到佢入藉嘅原因同感受，以下係佢嘅講法：“I always knew the Brazil team was distant and after I was naturalised and played a game for Spain I totally forgot about it,” “I am privileged. For Brazil, where could I play?” 巴西從來都忽視辛拿呢位球員，連被徵召入隊嘅機會都冇。相反，即使辛拿冇西班牙血統，但佢感覺自己喺西班牙受歡迎，有歸屬感，而自己出生嘅巴西就冇，所以唔覺踢西班牙有任何問題，甚至感覺榮幸。
2.迪亞高哥斯達
迪亞高哥斯達同樣喺巴西出生，同辛拿唔同，佢喺巴西聯賽搵唔到機會，但係就識到經理人文迪斯。迪亞高哥斯達第一份職業合約係嚟自葡超嘅布拉加，當時佢只係18歲。喺巴西嘅唔如意，加上喺歐洲嘅成功，令到迪亞高哥斯達將歐洲當做佢嘅第二個家。即使佢曾經為巴西踢過兩場友誼賽，但係喺西班牙邀請，加上FIFA批准下，迪亞高哥斯達喺2014年起為西班牙效力。筆者搵唔到迪亞高哥斯達對自己入藉嘅睇法，當佢被問到佢自己入藉嘅原因時，佢只係簡單講過一句 “Why Not?” 而當時嘅巴西主教練史高拉利就猛烈批評迪亞高哥斯達嘅決定，認為佢加入當時得令嘅西班牙係「反骨」，又提到有無數巴西人想為國爭光等。但係而家睇返，佢喺巴西足球生涯嘅不如意，係令佢唔想踢巴西隊嘅原因之一，加上佢又適應歐洲生活，轉國藉都不無道理。
3.佐真奴
佐真奴都係喺巴西出世，但係佢15歲就同家人移民到意大利，所以對意大利文化有較深認識，加上祖父有意大利藉，令佢好快獲得意大利國藉。之後喺維羅納同拿玻里踢咗八年，而家就踢緊車路士。擁有雙重國藉嘅佐真奴獲得巴西同意大利兩國招手，佐真奴嘅經理人曾經談論過佐真奴嘅國藉問題。佢就話，巴西唔可以保證佐真奴可以持續入選，但係意大利可以。當同兩個國家都有血統關係時，佐真奴選擇一個有更大出場機會嘅國家隊。
總結
足球員入藉嘅原因有好多，入藉香港嘅球員可能因為香港生活較為穩定，世界各地亦有其實球員因為歸屬感，因為良禽擇木而棲，因為想踢國家隊比賽，或者其他各種原因轉國藉。入藉兵喺世界各地係平常事，唔係香港先有，亦唔係呢幾年先出現。今次筆者只係列舉咗一小部份，有機會再同大家分享啦！