黃潛比皇馬有何優勝之處？
星期六嘅西甲比賽，其中一場就係由維拉利爾對皇馬。主隊黃潛陣容較為完整，正選比較意外嘅係用上前鋒巴卡；而皇馬有多位球員因為受傷同武肺等原因冇作客。最傷嘅應該係缺少卡斯美路同拉莫斯，正前鋒亦只有馬里安奴可以用。
開波未到兩分鐘，皇馬就取得一個入波，由馬里安奴接應卡華積傳送頂入。但係傳中之前，旁證曾經舉旗示意華斯基斯越位，但華斯基斯冇直接參與攻勢，主球證亦冇任何表示。呢個誤會令到維拉利爾幾位球員顧住舉手，收步。如果旁證冇舉旗，呢個波使唔使輸呢？一切都只係如果，維拉利爾球員今次犯下腦筋上嘅錯誤。https://i.imgur.com/4nk9Rey.gif
喺後場組織方面，見到兩軍嘅策略明顯有異。維拉利爾喺四人後防之外，會有兩位中場球員回後，連接後場同中場，通常係由柏利荷同伊保拉負責。有時，柏利荷更加會落到中堅位置，降放兩閘壓前。兩位中場回後為維拉利爾提供好多傳波選擇，而皇馬嘅逼搶強度又唔係太大，所以黃潛較容易喺後場組織。
皇馬有時會靠摩迪或者卻奧斯回後，做出類似佈局，但係當皮球轉到邊路時，情況同維拉利爾有所唔同。原因係維拉利爾經常壓縮邊路空間，逼使皇馬將皮球回傳俾龍門，或者一腳踢上前。皇馬喺後場用波時間唔多，當然喺摩迪丶卻奧斯壓陣下，皇馬經常可以透過長傳將個波運上前場。
https://i.imgur.com/UWT6SKv.gif
兩軍都係習慣由兩側進攻嘅球隊，而皇馬尤其倚重有夏薩特同文迪嘅左邊，皇馬一半攻勢都係由左邊打起，中場卻奧斯經常過嚟幫手，令到皇馬左路有三位球員互相配合。不過維拉利爾都有備而來。因應卻奧斯移到左路，主隊亦會安排一位中場球員跟住。連同回防嘅右翼(謝拉特摩蘭奴/卓古斯)，只係形成三對三局面。無法製造人數優勢之餘，受限於皇馬打法，三位球員嘅空間太細。擅扭嘅夏薩特會被三位球員包圍，自斷一臂。最終皇馬一係回傳，一係由文迪爆落底傳中，三人配合搵空位嘅如意算盤打唔響。
相比之下，主隊係更加能夠利用人數優勢嘅一隊，以下片段係維拉利爾一次左路進攻，後備入替嘅卓古斯嘗試突破不果，於是重新組織。華斯基斯本來負責睇住卓古斯，卻忽略從後overlap嘅柏達沙，最攻佢成功傳中。以艾馬利嘅作風，可以估計維拉利爾最終會落底傳中，正正就係因為柏達沙嘅走位，令到佢哋有空位完成傳中；另一方面，皇馬喺邊路嘅進攻比較迂迴，感覺佢哋嘅進攻方法唔夠清晰。
https://i.imgur.com/b3NxHx4.gif
除咗傳中，維拉利爾間中會有Line Breaking passes，將波有後場直接傳俾前場嘅隊友，雖然呢類傳波較易被攔截，但係高風險高回報，呢類傳波同時可以解除後場嘅壓迫，而且將個波送到較有威脅嘅位置。其中一球就係由柏達沙傳上去俾走位嘅卓古斯，呢兩位球員亦為球隊搏得一個十二碼，最終追平。而另一邊箱，我哋較少見到皇馬交出Risky pass。以奧迪加特為例，作為攻中，踢咗65分鐘都未能交出一個關鍵傳送，可見佢唔夠放膽去製造呢啲機會。
https://i.imgur.com/oBurbjQ.gif
總結
皇馬今季一直都踢得唔好，好多時就算主導中場都贏唔到波，今場面對今季表現出色嘅維拉利爾，甚至唔見得有咩優勢，入波一球有少少幸運成份。反之，維拉利爾喺後場組織，逼搶，進攻流暢等都比皇馬優秀。即使比賽而1:1打和，主隊預計入球係佔優 (1.87:0.66)，眼見謝拉特摩蘭奴浪費幾次機會，又例如久保建英一個射門亦唔夠決斷，如果發揮好啲，贏波一啲都唔出奇。
開波未到兩分鐘，皇馬就取得一個入波，由馬里安奴接應卡華積傳送頂入。但係傳中之前，旁證曾經舉旗示意華斯基斯越位，但華斯基斯冇直接參與攻勢，主球證亦冇任何表示。呢個誤會令到維拉利爾幾位球員顧住舉手，收步。如果旁證冇舉旗，呢個波使唔使輸呢？一切都只係如果，維拉利爾球員今次犯下腦筋上嘅錯誤。https://i.imgur.com/4nk9Rey.gif
喺後場組織方面，見到兩軍嘅策略明顯有異。維拉利爾喺四人後防之外，會有兩位中場球員回後，連接後場同中場，通常係由柏利荷同伊保拉負責。有時，柏利荷更加會落到中堅位置，降放兩閘壓前。兩位中場回後為維拉利爾提供好多傳波選擇，而皇馬嘅逼搶強度又唔係太大，所以黃潛較容易喺後場組織。
皇馬有時會靠摩迪或者卻奧斯回後，做出類似佈局，但係當皮球轉到邊路時，情況同維拉利爾有所唔同。原因係維拉利爾經常壓縮邊路空間，逼使皇馬將皮球回傳俾龍門，或者一腳踢上前。皇馬喺後場用波時間唔多，當然喺摩迪丶卻奧斯壓陣下，皇馬經常可以透過長傳將個波運上前場。
https://i.imgur.com/UWT6SKv.gif
兩軍都係習慣由兩側進攻嘅球隊，而皇馬尤其倚重有夏薩特同文迪嘅左邊，皇馬一半攻勢都係由左邊打起，中場卻奧斯經常過嚟幫手，令到皇馬左路有三位球員互相配合。不過維拉利爾都有備而來。因應卻奧斯移到左路，主隊亦會安排一位中場球員跟住。連同回防嘅右翼(謝拉特摩蘭奴/卓古斯)，只係形成三對三局面。無法製造人數優勢之餘，受限於皇馬打法，三位球員嘅空間太細。擅扭嘅夏薩特會被三位球員包圍，自斷一臂。最終皇馬一係回傳，一係由文迪爆落底傳中，三人配合搵空位嘅如意算盤打唔響。
相比之下，主隊係更加能夠利用人數優勢嘅一隊，以下片段係維拉利爾一次左路進攻，後備入替嘅卓古斯嘗試突破不果，於是重新組織。華斯基斯本來負責睇住卓古斯，卻忽略從後overlap嘅柏達沙，最攻佢成功傳中。以艾馬利嘅作風，可以估計維拉利爾最終會落底傳中，正正就係因為柏達沙嘅走位，令到佢哋有空位完成傳中；另一方面，皇馬喺邊路嘅進攻比較迂迴，感覺佢哋嘅進攻方法唔夠清晰。
https://i.imgur.com/b3NxHx4.gif
除咗傳中，維拉利爾間中會有Line Breaking passes，將波有後場直接傳俾前場嘅隊友，雖然呢類傳波較易被攔截，但係高風險高回報，呢類傳波同時可以解除後場嘅壓迫，而且將個波送到較有威脅嘅位置。其中一球就係由柏達沙傳上去俾走位嘅卓古斯，呢兩位球員亦為球隊搏得一個十二碼，最終追平。而另一邊箱，我哋較少見到皇馬交出Risky pass。以奧迪加特為例，作為攻中，踢咗65分鐘都未能交出一個關鍵傳送，可見佢唔夠放膽去製造呢啲機會。
https://i.imgur.com/oBurbjQ.gif
總結
皇馬今季一直都踢得唔好，好多時就算主導中場都贏唔到波，今場面對今季表現出色嘅維拉利爾，甚至唔見得有咩優勢，入波一球有少少幸運成份。反之，維拉利爾喺後場組織，逼搶，進攻流暢等都比皇馬優秀。即使比賽而1:1打和，主隊預計入球係佔優 (1.87:0.66)，眼見謝拉特摩蘭奴浪費幾次機會，又例如久保建英一個射門亦唔夠決斷，如果發揮好啲，贏波一啲都唔出奇。