6樣去旅行要帶嘅嘢

5月尾。DSE嘅學生等緊放榜，大學生又完sem，呢段時間一定好多人去旅行！咁就等我地睇吓去旅行可以帶啲咩去，等自己方便啲、開心啲啦！

1.旅行收納袋
個袋設計到長方形，一舊舊好似豆腐咁塞落行李箱係幾慳位嘅～又唔驚會壓扁啲嘢，又方便搵返啲嘢出嚟，仲有專用嚟放內衣嘅收納箱添！咁就唔驚會壓到啲bra變晒型啦～

2.護照套
除咗信用卡之外，護照套仲可以用嚟攝機票，咁就唔洗喺check in同喺機場買嘢嗰陣，左搵右搵都搵唔到啲嘢放喺邊咁狼狽喇！

3.伸縮杯
去旅行刷牙時想用杯，但又怕酒店杯唔乾淨？唔通帶自己屋企個杯去咩……有伸縮杯就唔洗怕啦，又輕又慳位。帶兩個去用嚟飲水又得，用嚟刷牙又得。得咗。

4.紙底褲
我諗去幾日旅行嘅你哋，應該都唔想洗底褲之後乾唔切，濕笠笠咁樣……更加唔想條底褲就咁喺度放幾日焗菌……但唔知點解，身邊啲朋友去旅行都好似唔會用紙底褲咁。其實紙底褲一日一條，又唔駛洗又方便帶，點解要著條底褲去焗菌呢？

5.Wifi 蛋
咩話？同fd去旅行但你豬豬要你隨時報到？旅行影到相想即刻share上Facebook同IG？唔駛驚啦，wifi蛋幫到你，不過錢方面就……上網睇到好似係咁：

小編暫時仲未諗到有咩特別嘅嘢可以帶，哈哈！
唔……有嘅……
最後，除非你係一個人去旅行，否則請你帶個合適嘅旅伴。因為……過去經驗話我知，同個公主病嘅人去旅行真係好Q煩呀！！！！！！！！！！！

祝閣下旅途愉快！