【人總要從錯誤中學習】 高普很清楚輸波邊個責任
賽後分析：
輸左兩球，公平啲講，今日般尼真係踢得好好。
今場利物浦焗住要打圍攻，但可惜個波路既變化唔大，令到好多進攻波都甩哂。般尼密集既防守令禁區頂好似銅牆鐵壁咁，利物浦球員係前場交波既空間唔多，前場塞晒車某程度封印左利物浦球員既跑動能力。
睇倒今場古天奴上腳幾多但俾人夾到無咩空位起腳，法明奴同拉蘭拿間中插入禁區亦拉唔開空位，而背龍控定個波又好難搵倒空間轉身；二傳隊友既走位又麻麻，無善用防守球員身後既空間(當然都要讚下般尼球員補位好快)；強行起腳就俾般尼既血肉長城擋晒。而軒達臣既醫院波真係世界級，甩左好多腳，費明奴係呢方面都有「貢獻」，小妹寧願佢出Can好過, 起碼轉身tackle比軒臣準先。另外一個大問題係，今場雖然利物浦控球率高般尼好多（20％：80％呀大佬），但有咩用？無戰術可言，大部份時間都係禁區外短傳傳來傳去，俾人迫搶就橫傳/向後傳，球員走動唔多無好好利用般尼球員迫搶時漏出既身後空間。 面對人地大隻既後衛堆埋一舊無空位俾我地跑，要正面爆入去係難。相反，控球在腳少既般尼反擊好快，令到利物浦既球員反應唔到。
史杜烈治今場復出，狀態真係麻麻，甚至可以用hea黎形容。射門亂咁黎，小妹等左好耐究竟高普幾時先肯換奧歷治，雖然佢係呢場無咩波到腳，但係都令小妹有意欲推翻之前話奧歷治比史毒把握力差既說法。韋拿度姆呢兩場係無咩表現，如果韋拿度姆可以踢返係紐卡素果陣既水準，再拍住呀Can，係相輔相成、互補不足既情況下，後防條會穩陣好多。假如佢表現再係咁，係熱身賽俾高普重用既古積好可能會頂上佢個正選位。
今場無左上場對阿仙奴既功臣文尼，個節奏好似慢左，基尼自己一個係右邊好孤獨，無左文尼好似打排球得返一隻手打咁，再者費明奴唔適合打邊。雖然文尼係度都未必可以一扭十一攻破般尼既防守，但係起碼可以善用佢既速度同力量作出更多突破去撕開般尼既防線，製造更多射門空間。
最後，不得不提既就係利物浦對親弱隊都輸呢個宿命。你話佢低估般尼實力，佢又唔係呀，個陣都幾強。今場只係無左膊頭傷左文尼姐，點解上場對阿記就嬴，今場就輸？因為般尼做足功課，睇準利物浦踢法簡單再作出對應變。高普最擅長對組織型球隊打防反迫，但一眾球員表現成咁，又難怪高Daddy除帽嬲嬲豬。
面對般尼密集性防守，利物浦俾小妹有種好力不從心既感覺。密集既後防突破係需要靠速度同埋膽量。高普係戰術同埋球員心理質素方面真係要擺啲心機，除左呢樣之外，唔該高daddy係呢兩場見到利物浦既漏洞之後好好訓導下球員啦。
好，打完，去睇奧運女排先。
輸左兩球，公平啲講，今日般尼真係踢得好好。
今場利物浦焗住要打圍攻，但可惜個波路既變化唔大，令到好多進攻波都甩哂。般尼密集既防守令禁區頂好似銅牆鐵壁咁，利物浦球員係前場交波既空間唔多，前場塞晒車某程度封印左利物浦球員既跑動能力。
睇倒今場古天奴上腳幾多但俾人夾到無咩空位起腳，法明奴同拉蘭拿間中插入禁區亦拉唔開空位，而背龍控定個波又好難搵倒空間轉身；二傳隊友既走位又麻麻，無善用防守球員身後既空間(當然都要讚下般尼球員補位好快)；強行起腳就俾般尼既血肉長城擋晒。而軒達臣既醫院波真係世界級，甩左好多腳，費明奴係呢方面都有「貢獻」，小妹寧願佢出Can好過, 起碼轉身tackle比軒臣準先。另外一個大問題係，今場雖然利物浦控球率高般尼好多（20％：80％呀大佬），但有咩用？無戰術可言，大部份時間都係禁區外短傳傳來傳去，俾人迫搶就橫傳/向後傳，球員走動唔多無好好利用般尼球員迫搶時漏出既身後空間。 面對人地大隻既後衛堆埋一舊無空位俾我地跑，要正面爆入去係難。相反，控球在腳少既般尼反擊好快，令到利物浦既球員反應唔到。
史杜烈治今場復出，狀態真係麻麻，甚至可以用hea黎形容。射門亂咁黎，小妹等左好耐究竟高普幾時先肯換奧歷治，雖然佢係呢場無咩波到腳，但係都令小妹有意欲推翻之前話奧歷治比史毒把握力差既說法。韋拿度姆呢兩場係無咩表現，如果韋拿度姆可以踢返係紐卡素果陣既水準，再拍住呀Can，係相輔相成、互補不足既情況下，後防條會穩陣好多。假如佢表現再係咁，係熱身賽俾高普重用既古積好可能會頂上佢個正選位。
今場無左上場對阿仙奴既功臣文尼，個節奏好似慢左，基尼自己一個係右邊好孤獨，無左文尼好似打排球得返一隻手打咁，再者費明奴唔適合打邊。雖然文尼係度都未必可以一扭十一攻破般尼既防守，但係起碼可以善用佢既速度同力量作出更多突破去撕開般尼既防線，製造更多射門空間。
最後，不得不提既就係利物浦對親弱隊都輸呢個宿命。你話佢低估般尼實力，佢又唔係呀，個陣都幾強。今場只係無左膊頭傷左文尼姐，點解上場對阿記就嬴，今場就輸？因為般尼做足功課，睇準利物浦踢法簡單再作出對應變。高普最擅長對組織型球隊打防反迫，但一眾球員表現成咁，又難怪高Daddy除帽嬲嬲豬。
面對般尼密集性防守，利物浦俾小妹有種好力不從心既感覺。密集既後防突破係需要靠速度同埋膽量。高普係戰術同埋球員心理質素方面真係要擺啲心機，除左呢樣之外，唔該高daddy係呢兩場見到利物浦既漏洞之後好好訓導下球員啦。
好，打完，去睇奧運女排先。