【錢，全部都係錢】然後呢？傳中資企業有意收購利物浦
當年 Fenway Sports Group 就用左少於三百萬英鎊收購左利物浦，六年後既今日，利物浦成為左英超第九賺錢既球會，而利物浦市值估價更加升到去七百萬英鎊。主場晏菲路球場最近就加建左主場既坐位，相信每季會有多二千五百萬既收入。
美國人做生意，出左名講錢唔講心。就算Ian Ayre口口聲聲話唔賣（not for sale)，但係小妹都抱住質疑既心態，最近Financial Time就披露利物浦已經委托左一間投資銀行去研究呢單買賣既可能性。至於點解球會方面要否認呢，小妹就認為有以下因素：
1）因為買賣股權就有英超審准下先可以實行，過早俾大眾知道會影響股價。
2）政治因素。光大係中國政府管理嘅國有企業，係直屬國務院嘅部級企業…………。
有傳中國企業光大有意用71億港元去收購英超利物浦；亦有傳光大有意購買相當份量既股權，即係會係管理層有影響力。點解呢？
係最近呢幾年，中國企業好低調咁投資左既球會遍及全球－包括英國，西班牙，法國，意大利等；而英超球隊就包括阿士東維拉同埋西布朗。眾所周知，習總都係一個識波之人，佢亦都講過想發展中國足球業。舊年十月習大大訪英果陣仲同當時英國首相卡梅倫參觀曼城足球學校、球場等等，最經典緊係同阿古路自拍。
咁即係代表左啲咩？話說當年係世界盃揚威海外既孫繼海，就係第一個中國人加盟英超，而當時收購佢既球隊就係曼城。而呢幾年曼城都不斷表示想加強球會同中資既合作。再留意返，曼城既班主係中東石油老闆曼蘇爾，佢係上年既十二月，就賣左13％既股權俾中資機構。
小妹陰謀論認為啦，唔講錢，中國企業投資球會只係一個踏腳石去令到自己係果個國家有知名度或者權或者影響力，然後再去投資其他地方好似基建等等既野。就係四月，係利物浦附近就有一個拆資兩億英鎊既New Chinatown工程進行緊，入面會有住宅、商業用地同酒店等等。
可能有啲人會話，有錢喎，對球會一定係好事，理得佢邊個做老細！
如果你咁樣講，就只能夠話少年你太年輕了。
當你將足球比賽當成係一個賺錢既地方，體肓精神一定會被踐踏。
睇一場波，係為左睇球場上2隊11個球員點樣一齊踢完場波。技術、合拍度、戰術等等都可以好精彩。即係咁講，去「造球星」或者去培訓一個球星光環要用既時間同資源係好多，再者天份呢家野真係可遇不可求。係搵（快）錢既角度上，呢個係唔付合經濟原則。但同時，呢啲球星亦係球會收入來源－波衫、廣告費、代言等等，所以球會會去簽呢啲球星返黎。佢地簽既唔係單單簽佢一個人，而係簽埋佢成隊fans。而對於生意人既眼中，「錢，全部都係錢」，而中國人對「星」既重視有蹟可尋，我隊波多球星呀，好威呀。
如果果位球員係幫到隊波，非常好。相反如果佢跟本唔夾隊波，究竟應該隊波去就佢定係點呢？小妹都唔知啦。英超成績係咪同球星身價掛勾呢？咁又未必。例子有曼城，英超土豪既表表姐。高轉會費，高人工，會令到英超物價通脹，你話得一隊係咁就無問題，個市頂得住一個個別例子，多多幾個咁樣既土豪，只會令到英超富者越富，窮者越窮；再睇返錢同技術有掛勾，但錢同成隊踢得好唔好係無直接關係。再且，如果真係講中左買隊波係踏腳石，咁踢成點又who cares？
其他小妹諗到既野（有錯請指出）就係，多左中國投資者係英超球會有話事權，係咪即係中國球員去踢英超，又話者英超球員去中國搵人仔機會大左呢？
香港都有三權分立，利物浦呢啲咁出色既英超球隊都有最後把關高普。當然佢未必會參與董事會決定，但係係買人同用人呢個問題上面，我相信憑住高普對足球既熱誠，唔會因為有錢就身痕既。
最後都係果句（頭盔），以上係推測，我地未必賣，人地未必買，就算買都有可能係真心想搞好利物浦，注資協左我地拎英超冠軍呢！
圖片來源：liverpoolecho
美國人做生意，出左名講錢唔講心。就算Ian Ayre口口聲聲話唔賣（not for sale)，但係小妹都抱住質疑既心態，最近Financial Time就披露利物浦已經委托左一間投資銀行去研究呢單買賣既可能性。至於點解球會方面要否認呢，小妹就認為有以下因素：
1）因為買賣股權就有英超審准下先可以實行，過早俾大眾知道會影響股價。
2）政治因素。光大係中國政府管理嘅國有企業，係直屬國務院嘅部級企業…………。
有傳中國企業光大有意用71億港元去收購英超利物浦；亦有傳光大有意購買相當份量既股權，即係會係管理層有影響力。點解呢？
係最近呢幾年，中國企業好低調咁投資左既球會遍及全球－包括英國，西班牙，法國，意大利等；而英超球隊就包括阿士東維拉同埋西布朗。眾所周知，習總都係一個識波之人，佢亦都講過想發展中國足球業。舊年十月習大大訪英果陣仲同當時英國首相卡梅倫參觀曼城足球學校、球場等等，最經典緊係同阿古路自拍。
咁即係代表左啲咩？話說當年係世界盃揚威海外既孫繼海，就係第一個中國人加盟英超，而當時收購佢既球隊就係曼城。而呢幾年曼城都不斷表示想加強球會同中資既合作。再留意返，曼城既班主係中東石油老闆曼蘇爾，佢係上年既十二月，就賣左13％既股權俾中資機構。
小妹陰謀論認為啦，唔講錢，中國企業投資球會只係一個踏腳石去令到自己係果個國家有知名度或者權或者影響力，然後再去投資其他地方好似基建等等既野。就係四月，係利物浦附近就有一個拆資兩億英鎊既New Chinatown工程進行緊，入面會有住宅、商業用地同酒店等等。
可能有啲人會話，有錢喎，對球會一定係好事，理得佢邊個做老細！
如果你咁樣講，就只能夠話少年你太年輕了。
當你將足球比賽當成係一個賺錢既地方，體肓精神一定會被踐踏。
睇一場波，係為左睇球場上2隊11個球員點樣一齊踢完場波。技術、合拍度、戰術等等都可以好精彩。即係咁講，去「造球星」或者去培訓一個球星光環要用既時間同資源係好多，再者天份呢家野真係可遇不可求。係搵（快）錢既角度上，呢個係唔付合經濟原則。但同時，呢啲球星亦係球會收入來源－波衫、廣告費、代言等等，所以球會會去簽呢啲球星返黎。佢地簽既唔係單單簽佢一個人，而係簽埋佢成隊fans。而對於生意人既眼中，「錢，全部都係錢」，而中國人對「星」既重視有蹟可尋，我隊波多球星呀，好威呀。
如果果位球員係幫到隊波，非常好。相反如果佢跟本唔夾隊波，究竟應該隊波去就佢定係點呢？小妹都唔知啦。英超成績係咪同球星身價掛勾呢？咁又未必。例子有曼城，英超土豪既表表姐。高轉會費，高人工，會令到英超物價通脹，你話得一隊係咁就無問題，個市頂得住一個個別例子，多多幾個咁樣既土豪，只會令到英超富者越富，窮者越窮；再睇返錢同技術有掛勾，但錢同成隊踢得好唔好係無直接關係。再且，如果真係講中左買隊波係踏腳石，咁踢成點又who cares？
其他小妹諗到既野（有錯請指出）就係，多左中國投資者係英超球會有話事權，係咪即係中國球員去踢英超，又話者英超球員去中國搵人仔機會大左呢？
香港都有三權分立，利物浦呢啲咁出色既英超球隊都有最後把關高普。當然佢未必會參與董事會決定，但係係買人同用人呢個問題上面，我相信憑住高普對足球既熱誠，唔會因為有錢就身痕既。
最後都係果句（頭盔），以上係推測，我地未必賣，人地未必買，就算買都有可能係真心想搞好利物浦，注資協左我地拎英超冠軍呢！
圖片來源：liverpoolecho