【回家最好不過】終於主場之我要做龍門
好啦點都要提下正經野先啦 － 係咪好奇怪點解頭三場英超比賽都係作客架呢？就係因為要擴建左個主看台。呢個工程籌備加進行左20個月啦，係由900位工人日以繼夜，夜以繼日去完成架（超資延遲果啲唔理啦唔知有無呢）。
咁球迷最關心既緊係…多左幾多個位啦（唔通午餐肉咩）！擴建既兩層看台可以容納18700位球迷，而成個球場就可以容納54000位球迷。
好講完，而家講返正經野，咁邊個會係呢個新場踢第一場英超呢？係熱身賽傷左既Karius已經好返仲跟操啦！本身要十個星期先好返，而家六個星期就搞掂，23歲仔新陳代謝係快既。我諗廣大球迷都覺得係一件開心既事。但對於米奴列呢？應該會係一個考驗。Karius想係利物浦打第一正選龍門既野心其實係巴西奧運果陣已經見到，話說，當時德國國家隊想搵佢打正選龍，不過由於擔心狀態同埋受傷既可能性，佢拒絕左代表國家隊既機會。不過，意外都係意料之外，邊個會諗到佢最後會係熱身賽度傷左隻手呀？
不過，星期日（0030）果場，小妹估計高普都會出米奴列做正選。點解呢？因為今場係
第一場係主場既英超；
第一場係新主場比賽；
對住上季英超既冠軍；
上兩場英超都未贏過；
今場為左面子，為左3分，高普應該好想贏。如果即刻出Karius，佢一出場就擔大旗，壓力會好大。而且佢岩岩傷癒又唔係操左好耐，即刻出既話唔擔保狀態會好好，當然仲有同後衛既默契啦。米奴列頭三場都有出，而且表現都…不過不失啦…但可以更好（3場失6球，救過一球十二碼，你懂的）！而且，雖然佢有跟比利時國家隊去踢比賽，但佢只係做後備，所以並無消耗到體能。礙於咁多考慮因素，出米奴列都好正路。
但其實米奴列都對自己好有信心，佢係訪問入面都認為自己表現唔錯（蛾姐: 米仔就係太完美），佢自己同Karius同埋Manninger 既關係好好，仲係Manninger身上學到好多野，認為有競爭係好事。真係迫小妹唱返句「沿途上有你協助，不怕什麼傢伙～」（歌名：勾手指尾）
完！小妹唔想再睇落去，即係問梁振英同林鄭同曾俊華有無不和一樣。有信心係好事，失波唔係一定係龍門一個既責任，但無定向喪心病狂間歇性全身機能失調導致既失誤係控制唔倒既，後防個計時炸彈就同某鄰近經濟強國既電子產品一樣，大家都深信佢肯定會爆炸的，只不過你唔知幾時爆咁解。米奴列今季個數據暫時都係麻麻，不過尚算可接受既，之但係再諗返上季既表現，球迷對佢無信心係理解到既。
球迷對米奴列既不滿絕對唔可以忽視。當有得揀既時候，我地都會想有改變。所以好多人都好撐Karius，特別係見完佢係美國熱身賽自信既表現，都會好想佢代替米奴列做正選龍。 只要Karius操返fit，小妹都想佢正選上陣。但係，正所謂波係圓既，Karius係咪真係會好過米奴列，真係要踢過先知，始終，英超同熱身賽個踢法同節奏都唔同，如果出佢既話都未必即時會有表現。用一、兩場時間去習慣個打法應該走唔甩，球迷要比啲耐性。
好在，足球比賽球員可以場場換，唔似得立法會四年先有得換一次…
咁球迷最關心既緊係…多左幾多個位啦（唔通午餐肉咩）！擴建既兩層看台可以容納18700位球迷，而成個球場就可以容納54000位球迷。
好講完，而家講返正經野，咁邊個會係呢個新場踢第一場英超呢？係熱身賽傷左既Karius已經好返仲跟操啦！本身要十個星期先好返，而家六個星期就搞掂，23歲仔新陳代謝係快既。我諗廣大球迷都覺得係一件開心既事。但對於米奴列呢？應該會係一個考驗。Karius想係利物浦打第一正選龍門既野心其實係巴西奧運果陣已經見到，話說，當時德國國家隊想搵佢打正選龍，不過由於擔心狀態同埋受傷既可能性，佢拒絕左代表國家隊既機會。不過，意外都係意料之外，邊個會諗到佢最後會係熱身賽度傷左隻手呀？
不過，星期日（0030）果場，小妹估計高普都會出米奴列做正選。點解呢？因為今場係
第一場係主場既英超；
第一場係新主場比賽；
對住上季英超既冠軍；
上兩場英超都未贏過；
今場為左面子，為左3分，高普應該好想贏。如果即刻出Karius，佢一出場就擔大旗，壓力會好大。而且佢岩岩傷癒又唔係操左好耐，即刻出既話唔擔保狀態會好好，當然仲有同後衛既默契啦。米奴列頭三場都有出，而且表現都…不過不失啦…但可以更好（3場失6球，救過一球十二碼，你懂的）！而且，雖然佢有跟比利時國家隊去踢比賽，但佢只係做後備，所以並無消耗到體能。礙於咁多考慮因素，出米奴列都好正路。
但其實米奴列都對自己好有信心，佢係訪問入面都認為自己表現唔錯（蛾姐: 米仔就係太完美），佢自己同Karius同埋Manninger 既關係好好，仲係Manninger身上學到好多野，認為有競爭係好事。真係迫小妹唱返句「沿途上有你協助，不怕什麼傢伙～」（歌名：勾手指尾）
完！小妹唔想再睇落去，即係問梁振英同林鄭同曾俊華有無不和一樣。有信心係好事，失波唔係一定係龍門一個既責任，但無定向喪心病狂間歇性全身機能失調導致既失誤係控制唔倒既，後防個計時炸彈就同某鄰近經濟強國既電子產品一樣，大家都深信佢肯定會爆炸的，只不過你唔知幾時爆咁解。米奴列今季個數據暫時都係麻麻，不過尚算可接受既，之但係再諗返上季既表現，球迷對佢無信心係理解到既。
球迷對米奴列既不滿絕對唔可以忽視。當有得揀既時候，我地都會想有改變。所以好多人都好撐Karius，特別係見完佢係美國熱身賽自信既表現，都會好想佢代替米奴列做正選龍。 只要Karius操返fit，小妹都想佢正選上陣。但係，正所謂波係圓既，Karius係咪真係會好過米奴列，真係要踢過先知，始終，英超同熱身賽個踢法同節奏都唔同，如果出佢既話都未必即時會有表現。用一、兩場時間去習慣個打法應該走唔甩，球迷要比啲耐性。
好在，足球比賽球員可以場場換，唔似得立法會四年先有得換一次…