【精神啲，臨時演員都係演員嚟】球迷不可錯過嘅利物浦自家製作
今次小妹想講啲比較有趣既野。
「賣弄球技和你寫～進日記⋯」CUT！！！
今時今日剩係講踢波是唔夠的，其實，而家既球會都唔會剩係「賣弄球技和你寫進日記」，好多時都會用網上社交媒體去宣傳下球會既另一面。咁多數都係用球員去做呢樣野，但由於高普都比較玩得，所以佢會參與當中，唔知會唔會有人搵佢拍廣告呢（好似摩佬咁撈到去韓國）？
係最近既「國際朱古力節」，高普就係利物浦既official twitter 度拍左段片，入面對白如下 “Mama always said life was like a box of chocolate. You never know what you're gonna get” 再加一句好嗲既yea～真係嗲到呢，打哂冷震啦！
最識玩social media既一定係費明奴，（twitter：＠roberto_firmino，snapchat：rfirmino1）點解要特別介紹佢呢？唔係因為小妹偏心，只係因為佢update次數好密，仲唔介意用snapchat扮鬼扮馬，唱埋首we are Liverpool lalalala～ （按此link，表演欲爆燈呀！）
但講返正題，今次講既係利物浦係youtube上面既official channel。入面既片都好高汁，身為一個球迷好應該去支持下。
網址係呢度：
https://www.youtube.com/user/LiverpoolFC/videos
呢個channel 入面既內容有：某v字新台好興既真人show、大台最愛既訪問清談節目、球會新聞、入球精華、球迷故事、生活休閒等等，全部都係自家製作，一啲都唔求其，資源剪接絕不馬夫。雖然佢既上傳次數唔算密，大概2－3日一段大概三至十分鐘既片，但每段都好用心咁剪，細膩手法拍得住大台。而且，相信佢唔係拎住部電話就咁拍，睇返佢啲片，收音、同燈光都有調節過。而拍既器材唔只大機，仲有而家最流行既－360度拍攝（按此link可以睇下利物浦擴見完既球場360版，手機睇既朋友記住可以自己轉方向睇呀！）。
球員們係呢個channel上面會擔任演員一角，或者化身主持，甚至係真人show主角。其實搞咁多野既最大目的就係想加強同球迷們互動，增加球迷對球會既歸屬感。取材亦都好貼地，例子就係要測試史毒同origi識唔識係晏菲路泊巴士！兩位踢前既又點會「泊巴士（park the bus）」呢？答案係呢度（按此link）。呢啲片亦有另一個作用，就係要將球員塑造一種好有團隊精神，球員間會互相幫助，亦會關心小區既形象，從而令到整個球會個名好聽啲。（另外一樣野緊係其他球會做，自己唔做咪好蝕？）當然，用作為一個宣傳平台都唔錯，例子有今年準備去US TOUR之前，球員同高普一齊模彷荷李活經典名句點樣演繹－根據俄國戲劇理論大師史坦尼斯拉夫斯基的說法呢應該係由外到內，再由內去返外就係方法演技，大家一齊睇下佢地有無潛質係退役後加入娛樂圈？https://www.youtube.com/watch?v=TDO27f1ZPUo
其實咁樣去擴大球迷層係一件好事，但有人就會擔心球員會因為拍片而分散左注意力同集中力係練波果度。需知拍片要既時間都唔少，閒閒地一段六分鐘訪問片，正常一個行外人（非專業演員）都要起碼拍三十分鐘以上（例子：按此linkIngs訪問紋身與足球）；真人show更加唔洗講，剩機都最少要三部加go pro，分分鐘計埋轉場景果啲野要拍足全日。但睇返啦，呢啲片多數都會係休息同非操練既時間拍，小妹個擔心明顯係多舊魚。
但小妹擔心既野反而係另一樣，球員平日都已經不斷咁受到球迷或者足球評論員既點評，踢得好同唔好都一定會有。拍片上傳係一件輕鬆既事，最怕有留言話佢地拍得唔好呀、波都未踢好就唔好搞咁多野呢啲帶有攻擊性既反應。小妹知球員必須要有高抗壓力，但呢種extra、額外既壓力、負擔…小妹都唔識講。一個網民留言係可以帶動／改變到其他觀眾既睇法，呢樣野有正面有反面，用係支持者身上當然係好，但如果有人惡意攻擊，社交平台都變左一個發動戰爭既地方。
戴定頭盔先，見過類似事件發生再整合假設咋。
「賣弄球技和你寫～進日記⋯」CUT！！！
今時今日剩係講踢波是唔夠的，其實，而家既球會都唔會剩係「賣弄球技和你寫進日記」，好多時都會用網上社交媒體去宣傳下球會既另一面。咁多數都係用球員去做呢樣野，但由於高普都比較玩得，所以佢會參與當中，唔知會唔會有人搵佢拍廣告呢（好似摩佬咁撈到去韓國）？
係最近既「國際朱古力節」，高普就係利物浦既official twitter 度拍左段片，入面對白如下 “Mama always said life was like a box of chocolate. You never know what you're gonna get” 再加一句好嗲既yea～真係嗲到呢，打哂冷震啦！
最識玩social media既一定係費明奴，（twitter：＠roberto_firmino，snapchat：rfirmino1）點解要特別介紹佢呢？唔係因為小妹偏心，只係因為佢update次數好密，仲唔介意用snapchat扮鬼扮馬，唱埋首we are Liverpool lalalala～ （按此link，表演欲爆燈呀！）
但講返正題，今次講既係利物浦係youtube上面既official channel。入面既片都好高汁，身為一個球迷好應該去支持下。
網址係呢度：
https://www.youtube.com/user/LiverpoolFC/videos
呢個channel 入面既內容有：某v字新台好興既真人show、大台最愛既訪問清談節目、球會新聞、入球精華、球迷故事、生活休閒等等，全部都係自家製作，一啲都唔求其，資源剪接絕不馬夫。雖然佢既上傳次數唔算密，大概2－3日一段大概三至十分鐘既片，但每段都好用心咁剪，細膩手法拍得住大台。而且，相信佢唔係拎住部電話就咁拍，睇返佢啲片，收音、同燈光都有調節過。而拍既器材唔只大機，仲有而家最流行既－360度拍攝（按此link可以睇下利物浦擴見完既球場360版，手機睇既朋友記住可以自己轉方向睇呀！）。
球員們係呢個channel上面會擔任演員一角，或者化身主持，甚至係真人show主角。其實搞咁多野既最大目的就係想加強同球迷們互動，增加球迷對球會既歸屬感。取材亦都好貼地，例子就係要測試史毒同origi識唔識係晏菲路泊巴士！兩位踢前既又點會「泊巴士（park the bus）」呢？答案係呢度（按此link）。呢啲片亦有另一個作用，就係要將球員塑造一種好有團隊精神，球員間會互相幫助，亦會關心小區既形象，從而令到整個球會個名好聽啲。（另外一樣野緊係其他球會做，自己唔做咪好蝕？）當然，用作為一個宣傳平台都唔錯，例子有今年準備去US TOUR之前，球員同高普一齊模彷荷李活經典名句點樣演繹－根據俄國戲劇理論大師史坦尼斯拉夫斯基的說法呢應該係由外到內，再由內去返外就係方法演技，大家一齊睇下佢地有無潛質係退役後加入娛樂圈？https://www.youtube.com/watch?v=TDO27f1ZPUo
其實咁樣去擴大球迷層係一件好事，但有人就會擔心球員會因為拍片而分散左注意力同集中力係練波果度。需知拍片要既時間都唔少，閒閒地一段六分鐘訪問片，正常一個行外人（非專業演員）都要起碼拍三十分鐘以上（例子：按此linkIngs訪問紋身與足球）；真人show更加唔洗講，剩機都最少要三部加go pro，分分鐘計埋轉場景果啲野要拍足全日。但睇返啦，呢啲片多數都會係休息同非操練既時間拍，小妹個擔心明顯係多舊魚。
但小妹擔心既野反而係另一樣，球員平日都已經不斷咁受到球迷或者足球評論員既點評，踢得好同唔好都一定會有。拍片上傳係一件輕鬆既事，最怕有留言話佢地拍得唔好呀、波都未踢好就唔好搞咁多野呢啲帶有攻擊性既反應。小妹知球員必須要有高抗壓力，但呢種extra、額外既壓力、負擔…小妹都唔識講。一個網民留言係可以帶動／改變到其他觀眾既睇法，呢樣野有正面有反面，用係支持者身上當然係好，但如果有人惡意攻擊，社交平台都變左一個發動戰爭既地方。
戴定頭盔先，見過類似事件發生再整合假設咋。