【一生只為尋找一個會陪你睇足全場波嘅男仔】
唔係講笑，男仔話要搵一個會陪你睇波嘅女仔難，但女仔要搵一個會陪你睇波嘅男仔仲難。
首先要講下點解有男仔一齊睇波係好事？
你試諗下，夜晚睇波，你開包薯片開罐汽水一個人食一個人飲，幾高卡路里，一個唔小心忍唔到口食杯麵仲肥。要知道女仔最怕咩？係肥呀！如果有個男仔陪你睇，佢食左你大半包薯片，再飲埋你成罐汽水，成件事即刻健康哂。
當你愛隊贏波輸波，隔離都有個人安慰你、或者笑你，不過咩都好，你唔洗一個人對住個mon嗌 。諗下見到Karius甩手差啲輸，你想掟野果陣有人會阻止你； 當你去左廁所或者去煮宵夜，就係果個時候Lamela miss左12碼，有人會話你知；朗尼出場果陣，大家都識笑曼聯今場應該唔會再入波；你睇唔到邊個助攻willian，佢會話俾你聽係costa。幾咁sweet，你明唔明有個人係隔離俾到即時反應你種感覺係幾好？
不過點解難呢？先唔計情侶定律個女朋友鐘意狗個男朋友多數怕狗呢個問題先。
我哋假設男仔會睇波嘅機會率比女仔大，常理推斷男性足球愛好者要搵一個肯陪你睇波嘅女仔並唔困難(個女仔可以唔識睇波，不過佢唔介意坐係度玩90分鐘手機。) 而當女仔實行睇波呢個行為，第一，個女仔會expect個男仔都識睇。但同時第二，男仔依然會有bias覺得個女仔連越位都唔知係乜嘅時候，嗌交就好自然咁會出現（呢情況係大機會出現，唔代表一定出現），燥起上黎，點會同你一齊睇哂全場呀？
男仔多數覺得自己比女仔識得多野，特別係男性運動呢方面。一般女仔問男仔咩係越位？點解紅牌？點解皇馬無得踢世界盃呢啲規則上嘅野，佢地會教你，會解釋你聽，原諒你唔識。但當你同男仔講啲球員踢成點，點先好啲，意見一樣都叫好；如果意見不合，一句掟過黎話「你識啲咩」、「你識條鐵咩」，嘩真係難聽過粗口。好啦，真係有野唔識問你啦，問多兩句就話你死蠢，講你都唔明，老老竇竇，我寧願你講粗口好過。（又戴頭盔先，當然會有好多有耐性嘅男仔會理性分析啦）
女仔一定會讚下球員靚仔身材好 ，即係小妹會不斷話卡里奧斯好靚仔（雖然佢表現令人失望），情況就好似男仔睇囡囡一樣。係呢個時候，唔知點解有啲男仔就會覺得好似被offense咁，覺得個女仔攞自己被比較，ok fine，乜你都對自己咁無信心咩？（有啲咋，小妹都見過啲男仔會同女仔一齊丁球員）睇波係一個興趣，鐘意咪睇唔鐘意咪算，無人想會有罵戰出現。如果可以將大家共同嘅興趣變成拍拖活動，有時候係說話上面你讓下我我讓下你，應該會好開心。睇波係主觀嘅，你覺得好我又未必覺得好，即係好似會考open-ended question咁，又唔係話咩都唔講，最好緊係講會攞分既答案。男女雙方都係，只係如果對方睇到一半走左，其實好傷心。就算係一個會睇波女仔嘅有幾男仔頭都好，但心入面佢都不過係一個小女孩。
其實兩個唔洗一定要捧同一隊，亦都唔洗熟識對方鐘意果隊嘅踢法，或者女仔只係想睇緊波果陣，就算個男仔對踢緊果兩隊無興趣，都願意花90分鐘陪佢睇哂全場就夠。
不過，首先……
首先要講下點解有男仔一齊睇波係好事？
你試諗下，夜晚睇波，你開包薯片開罐汽水一個人食一個人飲，幾高卡路里，一個唔小心忍唔到口食杯麵仲肥。要知道女仔最怕咩？係肥呀！如果有個男仔陪你睇，佢食左你大半包薯片，再飲埋你成罐汽水，成件事即刻健康哂。
當你愛隊贏波輸波，隔離都有個人安慰你、或者笑你，不過咩都好，你唔洗一個人對住個mon嗌 。諗下見到Karius甩手差啲輸，你想掟野果陣有人會阻止你； 當你去左廁所或者去煮宵夜，就係果個時候Lamela miss左12碼，有人會話你知；朗尼出場果陣，大家都識笑曼聯今場應該唔會再入波；你睇唔到邊個助攻willian，佢會話俾你聽係costa。幾咁sweet，你明唔明有個人係隔離俾到即時反應你種感覺係幾好？
不過點解難呢？先唔計情侶定律個女朋友鐘意狗個男朋友多數怕狗呢個問題先。
我哋假設男仔會睇波嘅機會率比女仔大，常理推斷男性足球愛好者要搵一個肯陪你睇波嘅女仔並唔困難(個女仔可以唔識睇波，不過佢唔介意坐係度玩90分鐘手機。) 而當女仔實行睇波呢個行為，第一，個女仔會expect個男仔都識睇。但同時第二，男仔依然會有bias覺得個女仔連越位都唔知係乜嘅時候，嗌交就好自然咁會出現（呢情況係大機會出現，唔代表一定出現），燥起上黎，點會同你一齊睇哂全場呀？
男仔多數覺得自己比女仔識得多野，特別係男性運動呢方面。一般女仔問男仔咩係越位？點解紅牌？點解皇馬無得踢世界盃呢啲規則上嘅野，佢地會教你，會解釋你聽，原諒你唔識。但當你同男仔講啲球員踢成點，點先好啲，意見一樣都叫好；如果意見不合，一句掟過黎話「你識啲咩」、「你識條鐵咩」，嘩真係難聽過粗口。好啦，真係有野唔識問你啦，問多兩句就話你死蠢，講你都唔明，老老竇竇，我寧願你講粗口好過。（又戴頭盔先，當然會有好多有耐性嘅男仔會理性分析啦）
女仔一定會讚下球員靚仔身材好 ，即係小妹會不斷話卡里奧斯好靚仔（雖然佢表現令人失望），情況就好似男仔睇囡囡一樣。係呢個時候，唔知點解有啲男仔就會覺得好似被offense咁，覺得個女仔攞自己被比較，ok fine，乜你都對自己咁無信心咩？（有啲咋，小妹都見過啲男仔會同女仔一齊丁球員）睇波係一個興趣，鐘意咪睇唔鐘意咪算，無人想會有罵戰出現。如果可以將大家共同嘅興趣變成拍拖活動，有時候係說話上面你讓下我我讓下你，應該會好開心。睇波係主觀嘅，你覺得好我又未必覺得好，即係好似會考open-ended question咁，又唔係話咩都唔講，最好緊係講會攞分既答案。男女雙方都係，只係如果對方睇到一半走左，其實好傷心。就算係一個會睇波女仔嘅有幾男仔頭都好，但心入面佢都不過係一個小女孩。
其實兩個唔洗一定要捧同一隊，亦都唔洗熟識對方鐘意果隊嘅踢法，或者女仔只係想睇緊波果陣，就算個男仔對踢緊果兩隊無興趣，都願意花90分鐘陪佢睇哂全場就夠。
不過，首先……