【 紅軍力保一分！】利物浦 2：2韋斯咸
入波唔講啦，第一球拉蘭拿禁區內射遠柱第二球奧列治執雞。
輸第一球，拉蘭拿中路踢跌人，皮耶罰球岩岩笠過人牆直入，射得又唔差既，不過又唔係救唔到既波囉。企錯位同反應問題啦，卡里奧斯捉到路架啦…之不過衰啲講，如果係迪基亞呀施治呀古爾圖斯（小妹都係用返同級數球隊既龍姐），一定救到啦。小妹睇完之前果場迪基亞未企好位，熱刺就射左都救倒果球，相比下…
輸第2球，馬迪普失位，路夫蘭企位包唔到，單刀，輸埋。
下半場，路夫蘭換入千呼萬喚既卡拉雲。上場馬迪普傷左高普寧願出盧卡斯都唔出佢，今場終於到佢出場啦！睇返佢表現，佢都算係一名保守派既球員，好多時都唔會搏，寧願回傳俾龍就算，都make sense既，多做多錯，少做少錯，何況佢要爭取表現呢！
而對韋斯咸黎講，攞一分都可以脫離降班果埋果度，下半場緊係同你玩901。901呀！之前對左咁多隊901應該有哂plan啦，好似係！但_！同早幾年既阿記雲加一樣，高普真係無諗過轉陣，搵倒一個pattern就諗住一路用落去，無轉陣既能力。
好我地又要講返基本問題。
1．(永遠的)後防問題
中堅失誤多，基本上每次失波都關佢地事，話就話馬迪普出返好左啲，之不過走位補位仲係有待改善。龍門好怕波，無信心，雖然兩球失波都唔係直接關佢事，但可以做得更好囉…反應慢，判斷都慢，出門疾機，對兩邊出既波/角球完全無諗過接實。會唔會係呢個時候出下米奴列雪下卡里奧斯會更好呢？
2．沒有古天奴的進攻－沒有古天奴…就沒有創造力？！
今場最主要靠文尼右邊上，有時假身、有時真係過你，真係「名字太多，花樣千百樣(E-Kids第一個唱)」。文尼真係好「火」，每球波都搏到好盡，只要係前場都必定見到佢掂波既踪影。無左古天奴，靠佢一個扭，夠咩？拉蘭拿在場真係多左好多ball movement，而佢駁腳睇位咁快亦既特點，但係同傷之前個態差好遠；無左但古天奴無人幫佢拉空，都係差咁啲野。仲有個同奧列治，好可惜，佢另外三子默契仲未夠，而佢把握能力唔夠。而費明奴打邊沉左好多，少左好多前場搶截；佢無古天奴既技術（即係古天奴去到邊都有兩個對方跟住招呼佢），同埋又唔會返到好後做接應…再且，今場費明奴同奧列治打到重疊咁濟，又無左古天奴一招遠射既威脅，人地中堅唔駛離開自己防守緊既位置，衝出去封佢位你啦！
占士米拿同佳尼(佢就少啲)都心急，利物浦打快速短傳滲入，奧列治同費明奴都唔係柱躉色中鋒，唔係打兩翼出波頂，所以係尋日場波我地見到好多時兩隻閘出波無人衝入禁區接應，還小妹史毒好嗎？咁樣基本上拖慢左利物浦本身快傳快走位既打法。
3．信心問題
次次早入波之後都會放鬆黎打，而俾人追返/人地打順左之後就開始驚。心理質素比較好既係文尼，一月無左佢都唔知點算。利物浦高壓迫搶其實個體能需要都好大，而無左個鬥心就好難打。而家既利物浦打氣勢，個勢一失就變到連中下游球隊都敵唔過。好似今場咁，攻勢唔夠入肉，如果唔係人地龍門甩手，攻足45分鐘就入唔波到呀。高普係輸第二球果陣已經目無表情，乜都唔講。女人永遠唔知男人諗咩，所以小妹都唔知佢係麻目左呀，定係嚇呆左。
其實搞到咁，小妹寧願佢出下後生果班（活仔果啲）…起碼就算和同輸，都俾到借口自己。
輸第一球，拉蘭拿中路踢跌人，皮耶罰球岩岩笠過人牆直入，射得又唔差既，不過又唔係救唔到既波囉。企錯位同反應問題啦，卡里奧斯捉到路架啦…之不過衰啲講，如果係迪基亞呀施治呀古爾圖斯（小妹都係用返同級數球隊既龍姐），一定救到啦。小妹睇完之前果場迪基亞未企好位，熱刺就射左都救倒果球，相比下…
輸第2球，馬迪普失位，路夫蘭企位包唔到，單刀，輸埋。
下半場，路夫蘭換入千呼萬喚既卡拉雲。上場馬迪普傷左高普寧願出盧卡斯都唔出佢，今場終於到佢出場啦！睇返佢表現，佢都算係一名保守派既球員，好多時都唔會搏，寧願回傳俾龍就算，都make sense既，多做多錯，少做少錯，何況佢要爭取表現呢！
而對韋斯咸黎講，攞一分都可以脫離降班果埋果度，下半場緊係同你玩901。901呀！之前對左咁多隊901應該有哂plan啦，好似係！但_！同早幾年既阿記雲加一樣，高普真係無諗過轉陣，搵倒一個pattern就諗住一路用落去，無轉陣既能力。
好我地又要講返基本問題。
1．(永遠的)後防問題
中堅失誤多，基本上每次失波都關佢地事，話就話馬迪普出返好左啲，之不過走位補位仲係有待改善。龍門好怕波，無信心，雖然兩球失波都唔係直接關佢事，但可以做得更好囉…反應慢，判斷都慢，出門疾機，對兩邊出既波/角球完全無諗過接實。會唔會係呢個時候出下米奴列雪下卡里奧斯會更好呢？
2．沒有古天奴的進攻－沒有古天奴…就沒有創造力？！
今場最主要靠文尼右邊上，有時假身、有時真係過你，真係「名字太多，花樣千百樣(E-Kids第一個唱)」。文尼真係好「火」，每球波都搏到好盡，只要係前場都必定見到佢掂波既踪影。無左古天奴，靠佢一個扭，夠咩？拉蘭拿在場真係多左好多ball movement，而佢駁腳睇位咁快亦既特點，但係同傷之前個態差好遠；無左但古天奴無人幫佢拉空，都係差咁啲野。仲有個同奧列治，好可惜，佢另外三子默契仲未夠，而佢把握能力唔夠。而費明奴打邊沉左好多，少左好多前場搶截；佢無古天奴既技術（即係古天奴去到邊都有兩個對方跟住招呼佢），同埋又唔會返到好後做接應…再且，今場費明奴同奧列治打到重疊咁濟，又無左古天奴一招遠射既威脅，人地中堅唔駛離開自己防守緊既位置，衝出去封佢位你啦！
占士米拿同佳尼(佢就少啲)都心急，利物浦打快速短傳滲入，奧列治同費明奴都唔係柱躉色中鋒，唔係打兩翼出波頂，所以係尋日場波我地見到好多時兩隻閘出波無人衝入禁區接應，還小妹史毒好嗎？咁樣基本上拖慢左利物浦本身快傳快走位既打法。
3．信心問題
次次早入波之後都會放鬆黎打，而俾人追返/人地打順左之後就開始驚。心理質素比較好既係文尼，一月無左佢都唔知點算。利物浦高壓迫搶其實個體能需要都好大，而無左個鬥心就好難打。而家既利物浦打氣勢，個勢一失就變到連中下游球隊都敵唔過。好似今場咁，攻勢唔夠入肉，如果唔係人地龍門甩手，攻足45分鐘就入唔波到呀。高普係輸第二球果陣已經目無表情，乜都唔講。女人永遠唔知男人諗咩，所以小妹都唔知佢係麻目左呀，定係嚇呆左。
其實搞到咁，小妹寧願佢出下後生果班（活仔果啲）…起碼就算和同輸，都俾到借口自己。