【海鮮敏感】米杜士堡對利物浦之三分呀
今晚凌晨03：45將會有利物浦作客米杜士堡。
經過多次劫富濟貧既經驗後，小妹對呢場比賽更加擔心。首先，講下傷兵先，除左古天奴同史杜列治之外，上場對韋斯咸因為膝傷無出到既安尼簡，今場出唔出到都未知；而又係喺上場抽筋被換出既路夫蘭，暫時仲未有消息。
雖然話就話，米杜士堡得果15分，又係榜尾果幾個（尾5），但係佢地都和過阿仙奴、曼城…防守都唔係真係差架。對利物浦黎講，的確係一個唔係幾好既消息。因為呢，高普呢排應該都受左唔少輿論壓力，主要都係話防守方面既問題－作客黎講，8場得1個係零封對手…
高普就話，佢都知之前兩場英超係應該要贏既，痛失5分係佢地既錯，但係我地要向前睇，佢覺得利物浦唔係踢得唔好既，只係要平衡返冒險同防守之間既份量。高普都深明贏緊波就應該踢得保守啲。至於小妹對呢段說話有啲保留，你話利物浦係之前幾場係咪贏波之後打得好aggressive？又唔係呀。所謂既risk係咪即係條中堅後防線、又或者個龍呢？
至於呢…米堡都唔係好蝦架，而今年佢地認為一場比賽既重點唔係入左幾耐球波，咁係咩呀？係計得失球差呀，入10球輸返9球都無，上年因為佢地係靠得失球差先可以升到班。咦！呢句好似有骨喎…
好，講返場波。
米堡唔係Sell攻既，估計都係901啦，前場就係打一個尼格度，衝撞型。
對於利物浦既進攻，小妹都有信心既。記住，利物浦仲有文尼呀嘛！一個熱血睇得出想贏既球員，平時都覺得佢好重要，而家古天奴傷左，佢既出現簡直係…無左佢唔得呀！今場亦希望可以加強前場三子同奧歷治既默契，因為睇怕佢地都要夾多最少幾場架啦…
後場就應該會用盧卡斯或者卡拉雲頂替路夫雲，小妹心水卡拉雲啦，起碼撞得下先。而龍門方面…高普應該會繼續出卡里奧斯既，咁小妹都無咩好講，希望佢有返信心，接實啲波，醒醒定定啦。話哂人地米堡打兩邊落底唔搓波，well，兩邊高空波，小心呀…
老實講，聖誕快車一定係其中一個大挑戰係體力，小妹就一定唔想係下游球隊度浪費既，同埋下星二就作客打比愛華頓，但鬼叫利物浦真係海鮮到你唔信咩…啦小妹就對海鮮敏感既，而家唔會再講咩留唔留力踢往後既賽事，而係只望佢地一場還一場，係應該攞分既地方攞到三分先。另外，今場對利物浦黎講會係一個心理關口，一個無左古天奴既心理關口。睇返，係古天奴傷左之後，利記係英超黎講都無贏過波。需知足球係團體運動，少左一個人唔應該對隊波有太大影響，但係人類總係感性既…
＊利記海鮮位於北角渡輪碼頭西翼17號舖
經過多次劫富濟貧既經驗後，小妹對呢場比賽更加擔心。首先，講下傷兵先，除左古天奴同史杜列治之外，上場對韋斯咸因為膝傷無出到既安尼簡，今場出唔出到都未知；而又係喺上場抽筋被換出既路夫蘭，暫時仲未有消息。
雖然話就話，米杜士堡得果15分，又係榜尾果幾個（尾5），但係佢地都和過阿仙奴、曼城…防守都唔係真係差架。對利物浦黎講，的確係一個唔係幾好既消息。因為呢，高普呢排應該都受左唔少輿論壓力，主要都係話防守方面既問題－作客黎講，8場得1個係零封對手…
高普就話，佢都知之前兩場英超係應該要贏既，痛失5分係佢地既錯，但係我地要向前睇，佢覺得利物浦唔係踢得唔好既，只係要平衡返冒險同防守之間既份量。高普都深明贏緊波就應該踢得保守啲。至於小妹對呢段說話有啲保留，你話利物浦係之前幾場係咪贏波之後打得好aggressive？又唔係呀。所謂既risk係咪即係條中堅後防線、又或者個龍呢？
至於呢…米堡都唔係好蝦架，而今年佢地認為一場比賽既重點唔係入左幾耐球波，咁係咩呀？係計得失球差呀，入10球輸返9球都無，上年因為佢地係靠得失球差先可以升到班。咦！呢句好似有骨喎…
好，講返場波。
米堡唔係Sell攻既，估計都係901啦，前場就係打一個尼格度，衝撞型。
對於利物浦既進攻，小妹都有信心既。記住，利物浦仲有文尼呀嘛！一個熱血睇得出想贏既球員，平時都覺得佢好重要，而家古天奴傷左，佢既出現簡直係…無左佢唔得呀！今場亦希望可以加強前場三子同奧歷治既默契，因為睇怕佢地都要夾多最少幾場架啦…
後場就應該會用盧卡斯或者卡拉雲頂替路夫雲，小妹心水卡拉雲啦，起碼撞得下先。而龍門方面…高普應該會繼續出卡里奧斯既，咁小妹都無咩好講，希望佢有返信心，接實啲波，醒醒定定啦。話哂人地米堡打兩邊落底唔搓波，well，兩邊高空波，小心呀…
老實講，聖誕快車一定係其中一個大挑戰係體力，小妹就一定唔想係下游球隊度浪費既，同埋下星二就作客打比愛華頓，但鬼叫利物浦真係海鮮到你唔信咩…啦小妹就對海鮮敏感既，而家唔會再講咩留唔留力踢往後既賽事，而係只望佢地一場還一場，係應該攞分既地方攞到三分先。另外，今場對利物浦黎講會係一個心理關口，一個無左古天奴既心理關口。睇返，係古天奴傷左之後，利記係英超黎講都無贏過波。需知足球係團體運動，少左一個人唔應該對隊波有太大影響，但係人類總係感性既…
＊利記海鮮位於北角渡輪碼頭西翼17號舖