【新年和和氣氣】 新特蘭2：2利物浦
2017，小妹祝大家新年快樂先！
今場史杜列治終於正選了，韋拿度姆打前左，多左參與進攻，反而安尼簡就縮返後代左軒達臣個位。
上半場前段其實史毒同埋韋拿度姆都幾球有威脅嘅射門，但新特蘭龍門文路尼都唔弱，越打越起，睇到呢度，都好似有啲大滯…
20分鐘，占士米拿角球，路夫蘭起腳撻Q，但唔緊要仲有史杜列治係龍門口補個頭鎚，入呀呀呀呀呀！0：1
24分鐘，卡拉雲禁區起腳，輸左個12碼。其實呢球無必要輸12碼，因為個位拉蘭拿都包左。迪科爾主射，米仔捉到路架啦，不過都係差啲啲，1：1
26分鐘，迪科爾突破越位單刀，米奴列出迎都捉到路，又好在對方球員把握力唔夠好，最後無事。
下半場換出占士米拿換入摩蘭奴，岩嘅，占士米拿表現一般，有啲疲態。
70分鐘，摩蘭奴開角球，新特蘭球員頂後，文尼無越位頭鎚入波。1：273分鐘，奧歷治入場換出韋拿度姆，韋拿度姆今場表現真係麻麻，傳失波，走失對方球員，換走佢都make sense嘅。
78分鐘，史毒疑似受傷，高普用盧卡斯換出左佢。咁就有傳國米想借走呢名防守中場，不過睇返利物浦嘅板櫈深度…小妹認為留住佢好似好啲。
81分鐘， 球證鵝眉月位吹罰盧卡斯，其實小妹又睇唔出點解要吹，小小kick都腳姐…anyway，呢個位真係幾牙煙…嘩_！ 真係烏鴉口，就係因為呢球罰球，82分鐘，文尼係亂戰中手球…無錯，即係又輸12碼。留意返，呢球佢唔伸手球波都好似會省中新特蘭嘅人，迪科爾再次操刀，入埋2：2。
費明奴真係睇得出無態，佢係有射門，但無角度；文路尼唔係迪基亞唔係施治，有少少角度加力道嘅遠射佢接唔實，費明奴果幾球無力佢先接得實。加上前鋒切入唔夠快，占士米拿同佳尼嘅出波好多時都無人接應（當然，佳尼出波嘅位置同準確性有待改善。）卡拉雲唔只一次解圍出界，可能輸左球12碼就怯，而好多防守判斷都錯，特別下半場中段佢係無壓力下唔回傳俾米奴列反而又踢左出界外。安尼簡傳波有啲曳，好似淆淆地咁…盧卡斯又要話嘅，最尾果球明知無時間都唔爆埋落去，最後一個攻勢都唔要，而家真係濟貧咩！
鬧完都要讚，拉蘭拿護波真係好靚，分波同出波都交到貨，但下半場對比上半場黎講，佢真係慢左，攰架嘛大佬！而史毒真係幾fit，而見到佢交多左波又少左獨食，仲有係下半場見到佢同文尼玩one-two，係好事嘅！可惜玻璃腳，希望今次換出係因為高普保守而唔係真的受傷了，如果唔係就真係到球迷的心真的受傷了。另外真係要讚米奴列，米奴列今場的確打得好好，信心返晒黎，接實個波、出迎時間判斷都好準，同後衛溝通都唔差，小妹知道呢個係龍門基本要做到嘅野，但係…係利迷嘅你應該心照啦！
今場某程度上都係踢爛仔波，一個尼當基本上封哂半條中路加左路，加上佢又多手，好多時都會有「身體接觸」而球證又唔吹… 無啦，拉蘭拿都俾佢拍到好難轉身。利物浦控球係佔盡優勢，但去到前場把握力總係差咁啲，不過公平啲講，椰子是無辜的，今場新特蘭係打得好嘅，而利物浦嘅人又係攰，有無得瀨呀？有嘅，三日兩場，仲唔死？
今場史杜列治終於正選了，韋拿度姆打前左，多左參與進攻，反而安尼簡就縮返後代左軒達臣個位。
上半場前段其實史毒同埋韋拿度姆都幾球有威脅嘅射門，但新特蘭龍門文路尼都唔弱，越打越起，睇到呢度，都好似有啲大滯…
20分鐘，占士米拿角球，路夫蘭起腳撻Q，但唔緊要仲有史杜列治係龍門口補個頭鎚，入呀呀呀呀呀！0：1
24分鐘，卡拉雲禁區起腳，輸左個12碼。其實呢球無必要輸12碼，因為個位拉蘭拿都包左。迪科爾主射，米仔捉到路架啦，不過都係差啲啲，1：1
26分鐘，迪科爾突破越位單刀，米奴列出迎都捉到路，又好在對方球員把握力唔夠好，最後無事。
下半場換出占士米拿換入摩蘭奴，岩嘅，占士米拿表現一般，有啲疲態。
70分鐘，摩蘭奴開角球，新特蘭球員頂後，文尼無越位頭鎚入波。1：273分鐘，奧歷治入場換出韋拿度姆，韋拿度姆今場表現真係麻麻，傳失波，走失對方球員，換走佢都make sense嘅。
78分鐘，史毒疑似受傷，高普用盧卡斯換出左佢。咁就有傳國米想借走呢名防守中場，不過睇返利物浦嘅板櫈深度…小妹認為留住佢好似好啲。
81分鐘， 球證鵝眉月位吹罰盧卡斯，其實小妹又睇唔出點解要吹，小小kick都腳姐…anyway，呢個位真係幾牙煙…嘩_！ 真係烏鴉口，就係因為呢球罰球，82分鐘，文尼係亂戰中手球…無錯，即係又輸12碼。留意返，呢球佢唔伸手球波都好似會省中新特蘭嘅人，迪科爾再次操刀，入埋2：2。
費明奴真係睇得出無態，佢係有射門，但無角度；文路尼唔係迪基亞唔係施治，有少少角度加力道嘅遠射佢接唔實，費明奴果幾球無力佢先接得實。加上前鋒切入唔夠快，占士米拿同佳尼嘅出波好多時都無人接應（當然，佳尼出波嘅位置同準確性有待改善。）卡拉雲唔只一次解圍出界，可能輸左球12碼就怯，而好多防守判斷都錯，特別下半場中段佢係無壓力下唔回傳俾米奴列反而又踢左出界外。安尼簡傳波有啲曳，好似淆淆地咁…盧卡斯又要話嘅，最尾果球明知無時間都唔爆埋落去，最後一個攻勢都唔要，而家真係濟貧咩！
鬧完都要讚，拉蘭拿護波真係好靚，分波同出波都交到貨，但下半場對比上半場黎講，佢真係慢左，攰架嘛大佬！而史毒真係幾fit，而見到佢交多左波又少左獨食，仲有係下半場見到佢同文尼玩one-two，係好事嘅！可惜玻璃腳，希望今次換出係因為高普保守而唔係真的受傷了，如果唔係就真係到球迷的心真的受傷了。另外真係要讚米奴列，米奴列今場的確打得好好，信心返晒黎，接實個波、出迎時間判斷都好準，同後衛溝通都唔差，小妹知道呢個係龍門基本要做到嘅野，但係…係利迷嘅你應該心照啦！
今場某程度上都係踢爛仔波，一個尼當基本上封哂半條中路加左路，加上佢又多手，好多時都會有「身體接觸」而球證又唔吹… 無啦，拉蘭拿都俾佢拍到好難轉身。利物浦控球係佔盡優勢，但去到前場把握力總係差咁啲，不過公平啲講，椰子是無辜的，今場新特蘭係打得好嘅，而利物浦嘅人又係攰，有無得瀨呀？有嘅，三日兩場，仲唔死？