【瘋狂迫搶】利物浦2:0熱刺
開局節奏好快，利物浦明顯地壓住熱刺黎打。呀，今場好多英格蘭國家隊成員呀。
利物浦啲右邊好靚，特別係佳尼。佢係呢場波好進取，可能知道戴維斯都慢，好多攻勢都係右邊度做。留意返，好多時利物浦嘅埋門攻勢都係右翼位cut埋中鋒位嘅走動。
文尼今場威威豬，有佢就有速度去迫對手犯錯。而成為焦點嘅佢分別係15分鐘同埋17分鐘入左兩球波。
第一球，韋拿度姆放條直線靚到呢，賓戴維斯唔夠跑之外又包左越位，文尼單刀入呀！
第二球迪亞被打荷包， 費明奴俾拉蘭拿再射，禁區混戰洛里斯都神救左兩下啦，但有三個利物浦球員係度，個波彈極彈返自己友度，咁有時好波不如好運，文尼冷靜再入。
上半場總結，13射8中，幾耐無試過？利物浦係中前場迫壓好主動，三、四個球員一齊去迫有球在腳嘅熱刺球員－一個攔截，兩三個封佢傳波條路。加上今場利物浦將counter pressing 發揮得淋漓盡致，當利物浦係前場進攻果陣走失左個波，費明奴等前場球員依然會留係前場去做迫搶波個波返黎。
下半場節奏相比上半場都慢左，小妹都有擔心過會唔會係上半場太chur下半場球員會攰。熱刺就多左攻門，而兩隻閘都縮埋左，控球指數亦高左。而係下半場中段，高普都換入安尼簡入替古天奴，兩球在手，加強防守。當然，利物浦都無忘記到要迫搶啦，個個都有做呀。拉蘭拿今場個態麻麻，拎親波都拖幾下交唔出，睇返佢有態果陣有態果陣好快轉移倒個波。不過佢係防守上都做得好足，特別係被熱刺反撃果陣，好快返到後場幫手。
咁入到波都係因為人地出錯，熱刺個後防真係塞晒車。呢場波入面，兩隊都係讓中堅咁，而人地熱刺仲讓多你一個露斯。老實講，迪亞同大家一開始見到陣容都怕怕嘅part-time中堅盧卡斯問題差唔多，不過好在佢唔係last guard，加上迪亞同賓戴維斯企位唔集中，好易製造中場空位俾利物浦做快速反擊。利物浦就算下半場少左攻門，但都無少做到迫搶，間接令到熱刺好多長傳斜邊波，雖然利物浦高空波係差，但係呢重情況下又執返唔少控球權。
係防守上面，軒達臣發揮超水準， 熱刺急攻，快波就離腳，中晒佢防守強項，好多波都封到阻止對方轉身，做到攔截，中間壓迫佢無偷懶，之不過佢都係心口擺個勇字係度架啦。講得防守就當然唔可以偏心，要不是馬迪普包位，軒達臣啲標波同盧卡斯啲甩漏都有機會零封唔到呀。另外值得一提，今場嘅黃牌數量都唔少，利物浦有3張，熱刺有5張。
主場零封熱刺，三分已袋，理得你話我劫富濟貧，訓返覺好先。
利物浦啲右邊好靚，特別係佳尼。佢係呢場波好進取，可能知道戴維斯都慢，好多攻勢都係右邊度做。留意返，好多時利物浦嘅埋門攻勢都係右翼位cut埋中鋒位嘅走動。
文尼今場威威豬，有佢就有速度去迫對手犯錯。而成為焦點嘅佢分別係15分鐘同埋17分鐘入左兩球波。
第一球，韋拿度姆放條直線靚到呢，賓戴維斯唔夠跑之外又包左越位，文尼單刀入呀！
第二球迪亞被打荷包， 費明奴俾拉蘭拿再射，禁區混戰洛里斯都神救左兩下啦，但有三個利物浦球員係度，個波彈極彈返自己友度，咁有時好波不如好運，文尼冷靜再入。
上半場總結，13射8中，幾耐無試過？利物浦係中前場迫壓好主動，三、四個球員一齊去迫有球在腳嘅熱刺球員－一個攔截，兩三個封佢傳波條路。加上今場利物浦將counter pressing 發揮得淋漓盡致，當利物浦係前場進攻果陣走失左個波，費明奴等前場球員依然會留係前場去做迫搶波個波返黎。
下半場節奏相比上半場都慢左，小妹都有擔心過會唔會係上半場太chur下半場球員會攰。熱刺就多左攻門，而兩隻閘都縮埋左，控球指數亦高左。而係下半場中段，高普都換入安尼簡入替古天奴，兩球在手，加強防守。當然，利物浦都無忘記到要迫搶啦，個個都有做呀。拉蘭拿今場個態麻麻，拎親波都拖幾下交唔出，睇返佢有態果陣有態果陣好快轉移倒個波。不過佢係防守上都做得好足，特別係被熱刺反撃果陣，好快返到後場幫手。
咁入到波都係因為人地出錯，熱刺個後防真係塞晒車。呢場波入面，兩隊都係讓中堅咁，而人地熱刺仲讓多你一個露斯。老實講，迪亞同大家一開始見到陣容都怕怕嘅part-time中堅盧卡斯問題差唔多，不過好在佢唔係last guard，加上迪亞同賓戴維斯企位唔集中，好易製造中場空位俾利物浦做快速反擊。利物浦就算下半場少左攻門，但都無少做到迫搶，間接令到熱刺好多長傳斜邊波，雖然利物浦高空波係差，但係呢重情況下又執返唔少控球權。
係防守上面，軒達臣發揮超水準， 熱刺急攻，快波就離腳，中晒佢防守強項，好多波都封到阻止對方轉身，做到攔截，中間壓迫佢無偷懶，之不過佢都係心口擺個勇字係度架啦。講得防守就當然唔可以偏心，要不是馬迪普包位，軒達臣啲標波同盧卡斯啲甩漏都有機會零封唔到呀。另外值得一提，今場嘅黃牌數量都唔少，利物浦有3張，熱刺有5張。
主場零封熱刺，三分已袋，理得你話我劫富濟貧，訓返覺好先。