【真人真事】一開始點解揀做利迷？
今天是二月二十九日。
突然好想同大家分享小妹點解一開始會睇波。真人真事，故事係咁發生嘅…
在1999-2000年，即是小妹二年級的時候，由於經常在課堂間與同學聊天，所以被調到前排位置，而小妹後面的，正是一名頗高的運動型男孩子。
如果當天有體育堂，小學生就會穿體育服回校（並不像中學生，在PE堂前才換衫），所以，往往在體育堂過後，男生都是滿身大汗，臭臭的。他，也不例外。體育堂後，他常常攝在背脊，被汗水弄濕的毛巾仔掛在小妹的櫈背上。小妹燥底，就會罵他：「你有無搞錯呀！」他就會笑笑口說：「當我成為足球員後，呢條巾就好值錢架啦！」
就是這樣的鬥咀，小妹跟他慢慢就熟落了。小妹忘了帶課本，他會把自己的給我，再告訴老師他忘了帶回校。有點像那些年，不過他沒有被罰企，只是手冊有數個「欠帶」的紅印都是因小妹而記的。他總是笑笑口說，沒所謂，他家長也不太在意。
當然，小妹也待他不薄，大家還記得小時候有隻蜜蜂糖嗎？黃色獨立包裝、球體狀的硬糖。小妹總會帶數粒蜜蜂糖小息時和他分著吃。他，亦是令小妹學懂分享是快樂的。
他也常常跟小妹分享他的珍藏－利物浦閃卡。那時候的閃卡真的是「閃令令」的，好似啤牌的大小，而且是貼紙來的。他最愛奧雲，更揚然說要成為下一個「香港奧雲」，小妹看見閃卡中奧雲的身高，笑了笑，對他說：「你咁高，不如做呢個！」小妹從一疊閃卡中抽出了夏文。
「我先唔要做佢呀！做防中無波入架。奧雲就唔同啦，佢入左好多球波，好威呀！」
「都唔明你地，11個人係個場上面跑來跑去有咩咁好玩、咁好睇？」
「足球可以成大班人一齊玩，好開心架！」
然後，他再拿出一本足球貼紙簿，慢慢向小妹解釋及述說利物浦球員有多勁。當然，小學生嘛，都是由入球數字、閃卡上的星星去衡量球員的能力。
最記得有一次，他很興奮的跟我說：「利物浦尋日贏左列斯聯3：1，夏文防守都入波呀！原來佢都會入波架～」然後將夏文的閃卡拿出來，說：「好！今日開始夏文成為我嘅第二最愛。」就在他拿出卡來炫耀時，老師剛巧走進課室：「喂，呢啲野唔可以帶返學校，沒收！我會叫你家長黎拎返。」嘩！當時只得7歲的小妹有點怕，但他居然淡定的說：「好在姐，夏文比較容易抽，我有兩張。」
兩小無猜的我們成為了好友。
小妹生日果日撞正利物浦贏左阿仙奴1：0，小息時他豪邁的說：「我地搵華叔買野飲，你生日利物浦贏波，今次飲朱奶～我請！」華叔是負責賣汽水的校工，當年汽水＄3支，朱古力奶要＄3.5一支。
有時候，小朋友都識還人情，小妹邊飲邊問：「咁你幾時生日，我請返你呀。」
「2月29日，到時我2歲生日呀。」
「好，我每年都會同你講生日快樂架～」
「但四年先得一次喎？」
因為他，小妹知道了甚麼是閏年。
「總之2月28日之後就係29號啦，唔理個日曆點寫啦！」
「咁勾勾手指尾啦！」
潛移默化的，小妹開始會想花時間去睇一場波。但英超多數在晚上進行，怎樣才能有借口收看呢？但世事總是整定的，碰巧家父也是會睇波的，家中又裝有icable，女兒只要跟爸爸說一句：「我又想睇波。」，家父又怎能抗拒呢？當然，只限於早場啦，小學生還是要早睡早起呀。還記得小妹第一次睇利物浦比賽，小妹的視線不是跟著足球而走，反而留意的是會否看見閃卡上的球員出現。
老老實實，都十多年前的事，小妹只剩下部份記憶。
就在學期完結前，他跟我說，他要移民了。
他離開香港前，我們（由家長陪同）去了郊遊、踩單車、吃自助餐等等。小妹自製了一張卡給他；而他把奧雲閃卡用花紙包起來(還貼上了一朵玫瑰花)送結我，再三叮囑我不要給老師沒收，因為他只有一張。
臨上機前，他用他媽媽的手提電話打給我，說到了加拿大會寄信給你，會電郵給你。雖然是小孩子，但我們懂的，這次再見，是真的不會再見了。在電話中，我們都哭了。
或者當時我們不懂得甚麼是愛，但小孩子也有感情的，大人總是無視小孩子的友情，特別是－那個年齡要寫信跟發電郵，都要由家長經手。
沒有信、沒有電郵，故事就係咁樣完左。
咁多年黎，小妹都無忘記過「他」。
只可惜用盡各樣方法都搵佢唔到，
或者，小妹曾經係街上撞過佢，我兩擦身而過；又或者，只係小妹仲記得佢，佢早已忘記了自己。
其實，遇上他最大嘅得著係－認識了利物浦，以及愛上利物浦。
你可以話我膚淺，一開始我真係唔識越位就話鐘意利物浦，但係佢令我係眾多球隊中揀到紅軍，都係一種緣份，反正，鐘意一隊波同鐘意一個一樣，都係無得解嘅。
不過點都好，小妹都想係屬於你嘅2月29日同你講聲：Happy Birthday。
＊由於小妹已經唔見晒啲卡，只能係網上搵類似嘅參考圖。
突然好想同大家分享小妹點解一開始會睇波。真人真事，故事係咁發生嘅…
在1999-2000年，即是小妹二年級的時候，由於經常在課堂間與同學聊天，所以被調到前排位置，而小妹後面的，正是一名頗高的運動型男孩子。
如果當天有體育堂，小學生就會穿體育服回校（並不像中學生，在PE堂前才換衫），所以，往往在體育堂過後，男生都是滿身大汗，臭臭的。他，也不例外。體育堂後，他常常攝在背脊，被汗水弄濕的毛巾仔掛在小妹的櫈背上。小妹燥底，就會罵他：「你有無搞錯呀！」他就會笑笑口說：「當我成為足球員後，呢條巾就好值錢架啦！」
就是這樣的鬥咀，小妹跟他慢慢就熟落了。小妹忘了帶課本，他會把自己的給我，再告訴老師他忘了帶回校。有點像那些年，不過他沒有被罰企，只是手冊有數個「欠帶」的紅印都是因小妹而記的。他總是笑笑口說，沒所謂，他家長也不太在意。
當然，小妹也待他不薄，大家還記得小時候有隻蜜蜂糖嗎？黃色獨立包裝、球體狀的硬糖。小妹總會帶數粒蜜蜂糖小息時和他分著吃。他，亦是令小妹學懂分享是快樂的。
他也常常跟小妹分享他的珍藏－利物浦閃卡。那時候的閃卡真的是「閃令令」的，好似啤牌的大小，而且是貼紙來的。他最愛奧雲，更揚然說要成為下一個「香港奧雲」，小妹看見閃卡中奧雲的身高，笑了笑，對他說：「你咁高，不如做呢個！」小妹從一疊閃卡中抽出了夏文。
「我先唔要做佢呀！做防中無波入架。奧雲就唔同啦，佢入左好多球波，好威呀！」
「都唔明你地，11個人係個場上面跑來跑去有咩咁好玩、咁好睇？」
「足球可以成大班人一齊玩，好開心架！」
然後，他再拿出一本足球貼紙簿，慢慢向小妹解釋及述說利物浦球員有多勁。當然，小學生嘛，都是由入球數字、閃卡上的星星去衡量球員的能力。
最記得有一次，他很興奮的跟我說：「利物浦尋日贏左列斯聯3：1，夏文防守都入波呀！原來佢都會入波架～」然後將夏文的閃卡拿出來，說：「好！今日開始夏文成為我嘅第二最愛。」就在他拿出卡來炫耀時，老師剛巧走進課室：「喂，呢啲野唔可以帶返學校，沒收！我會叫你家長黎拎返。」嘩！當時只得7歲的小妹有點怕，但他居然淡定的說：「好在姐，夏文比較容易抽，我有兩張。」
兩小無猜的我們成為了好友。
小妹生日果日撞正利物浦贏左阿仙奴1：0，小息時他豪邁的說：「我地搵華叔買野飲，你生日利物浦贏波，今次飲朱奶～我請！」華叔是負責賣汽水的校工，當年汽水＄3支，朱古力奶要＄3.5一支。
有時候，小朋友都識還人情，小妹邊飲邊問：「咁你幾時生日，我請返你呀。」
「2月29日，到時我2歲生日呀。」
「好，我每年都會同你講生日快樂架～」
「但四年先得一次喎？」
因為他，小妹知道了甚麼是閏年。
「總之2月28日之後就係29號啦，唔理個日曆點寫啦！」
「咁勾勾手指尾啦！」
潛移默化的，小妹開始會想花時間去睇一場波。但英超多數在晚上進行，怎樣才能有借口收看呢？但世事總是整定的，碰巧家父也是會睇波的，家中又裝有icable，女兒只要跟爸爸說一句：「我又想睇波。」，家父又怎能抗拒呢？當然，只限於早場啦，小學生還是要早睡早起呀。還記得小妹第一次睇利物浦比賽，小妹的視線不是跟著足球而走，反而留意的是會否看見閃卡上的球員出現。
老老實實，都十多年前的事，小妹只剩下部份記憶。
就在學期完結前，他跟我說，他要移民了。
他離開香港前，我們（由家長陪同）去了郊遊、踩單車、吃自助餐等等。小妹自製了一張卡給他；而他把奧雲閃卡用花紙包起來(還貼上了一朵玫瑰花)送結我，再三叮囑我不要給老師沒收，因為他只有一張。
臨上機前，他用他媽媽的手提電話打給我，說到了加拿大會寄信給你，會電郵給你。雖然是小孩子，但我們懂的，這次再見，是真的不會再見了。在電話中，我們都哭了。
或者當時我們不懂得甚麼是愛，但小孩子也有感情的，大人總是無視小孩子的友情，特別是－那個年齡要寫信跟發電郵，都要由家長經手。
沒有信、沒有電郵，故事就係咁樣完左。
咁多年黎，小妹都無忘記過「他」。
只可惜用盡各樣方法都搵佢唔到，
或者，小妹曾經係街上撞過佢，我兩擦身而過；又或者，只係小妹仲記得佢，佢早已忘記了自己。
其實，遇上他最大嘅得著係－認識了利物浦，以及愛上利物浦。
你可以話我膚淺，一開始我真係唔識越位就話鐘意利物浦，但係佢令我係眾多球隊中揀到紅軍，都係一種緣份，反正，鐘意一隊波同鐘意一個一樣，都係無得解嘅。
不過點都好，小妹都想係屬於你嘅2月29日同你講聲：Happy Birthday。
＊由於小妹已經唔見晒啲卡，只能係網上搵類似嘅參考圖。