【支出與收入】利物浦轉會市場三大收入來源
利物浦呢排洗左咁多錢去買人，諗下點樣搵返啲收入。咁據BBC Sports嘅Phil McNulty所講，沙高，馬高域同埋摩蘭奴呢三位將會係利物浦係夏季轉會市場嘅主要收入來源。
高普係時候諗諗下季個陣點排啦，諗完就要試陣練兵嘛！利物浦仲要8月仲要踢歐聯附加賽架！
利物浦本身就想買修咸頓中堅雲迪克，不過道歉風波係之後又有英國小報話利物浦會對佢重新考慮…但個價升到咁再同人爭，變鋓就唔好。另外，仲有萊比錫紅牛嘅中場基達，呢個就真係叫緊糊啦，就連德國講波佬都話「he is the perfect fit for klopp’s liverpool」，呢位22歲嘅人兄叫價£70m，一句講晒，錢，全部都係錢。
係報導中提到利物浦對沙高個價就企得好硬，無£30m都唔放人架啦，而利物浦最近拒絕左拿玻里對摩蘭奴£11m出價，唔到價係主因啦，因為利物浦對佢嘅開價係£15m。
同一時間，亦有報導指出水晶宮想買沙高，但因為轉左領隊Frank de Boer，個興趣有無之前咁大呢，咁就真係要睇睇呢位前國米領隊嘅意思啦。
而之前都講過啦，睇到拿玻里願意出£11m呢個價去買摩蘭奴，證明摩蘭奴係轉會市場上最少都值呢個數，相信利物浦高層都係想用拿玻里嘅出價做指標，認為AC米蘭同國際米蘭出手會更闊綽，當然，大家都希望一切如利物浦所願，可以比£11m更高價賣出啦。
而馬高域呢，就有屈福特對佢虎視眈眈，利物浦亦急於放走馬高域，係對方還價後將會以£12m賣出，留意返，利物浦3年前用左£20m 係賓菲加買佢返黎，即係而家平左£8m賣返出去…唉。但亦有報導指，聖彼得堡亦有可能會係佢最終嘅落腳點喎。
如果，如果咋…賣得成，咁就£57m收入啦～
咁當然啦，今個夏季被預測會離開利物浦嘅球員點只佢地三個呀？史超活就出到聲話佢想繼績為紅軍作戰，但客觀地睇，佢都23歲仔，如果利物浦真係簽左基達返黎，佢要爭到正選一位呢，都唔太樂觀。
盧卡斯，呢個踢左十年嘅老臣子都有大機會返母會繼續佢嘅足球生涯…
反而季尾曾經有傳會被賣走嘅史杜列治，係呢個時候就被報導指高普想佢留係利物浦，但利物浦高層就對佢嘅賣出持開放態度（即係價高咪賣囉。）
而外借左去其他球會四季嘅韋士東亦嘅轉會手續亦已完成，佢將會以£4.5m加盟打比郡。其他年輕球員好似法拿根、蘭度爾以及班拿根都係有機會離開利物浦，而高美斯同埋門將丹尼·禾特就好大機會會被外借。
其實…講咁多做咩呀，再睇下點啦～:0)
SOURCE: THISISANFIELD，dailystar
高普係時候諗諗下季個陣點排啦，諗完就要試陣練兵嘛！利物浦仲要8月仲要踢歐聯附加賽架！
利物浦本身就想買修咸頓中堅雲迪克，不過道歉風波係之後又有英國小報話利物浦會對佢重新考慮…但個價升到咁再同人爭，變鋓就唔好。另外，仲有萊比錫紅牛嘅中場基達，呢個就真係叫緊糊啦，就連德國講波佬都話「he is the perfect fit for klopp’s liverpool」，呢位22歲嘅人兄叫價£70m，一句講晒，錢，全部都係錢。
係報導中提到利物浦對沙高個價就企得好硬，無£30m都唔放人架啦，而利物浦最近拒絕左拿玻里對摩蘭奴£11m出價，唔到價係主因啦，因為利物浦對佢嘅開價係£15m。
同一時間，亦有報導指出水晶宮想買沙高，但因為轉左領隊Frank de Boer，個興趣有無之前咁大呢，咁就真係要睇睇呢位前國米領隊嘅意思啦。
而之前都講過啦，睇到拿玻里願意出£11m呢個價去買摩蘭奴，證明摩蘭奴係轉會市場上最少都值呢個數，相信利物浦高層都係想用拿玻里嘅出價做指標，認為AC米蘭同國際米蘭出手會更闊綽，當然，大家都希望一切如利物浦所願，可以比£11m更高價賣出啦。
而馬高域呢，就有屈福特對佢虎視眈眈，利物浦亦急於放走馬高域，係對方還價後將會以£12m賣出，留意返，利物浦3年前用左£20m 係賓菲加買佢返黎，即係而家平左£8m賣返出去…唉。但亦有報導指，聖彼得堡亦有可能會係佢最終嘅落腳點喎。
如果，如果咋…賣得成，咁就£57m收入啦～
咁當然啦，今個夏季被預測會離開利物浦嘅球員點只佢地三個呀？史超活就出到聲話佢想繼績為紅軍作戰，但客觀地睇，佢都23歲仔，如果利物浦真係簽左基達返黎，佢要爭到正選一位呢，都唔太樂觀。
盧卡斯，呢個踢左十年嘅老臣子都有大機會返母會繼續佢嘅足球生涯…
反而季尾曾經有傳會被賣走嘅史杜列治，係呢個時候就被報導指高普想佢留係利物浦，但利物浦高層就對佢嘅賣出持開放態度（即係價高咪賣囉。）
而外借左去其他球會四季嘅韋士東亦嘅轉會手續亦已完成，佢將會以£4.5m加盟打比郡。其他年輕球員好似法拿根、蘭度爾以及班拿根都係有機會離開利物浦，而高美斯同埋門將丹尼·禾特就好大機會會被外借。
其實…講咁多做咩呀，再睇下點啦～:0)
SOURCE: THISISANFIELD，dailystar