【我有一個龍門夢】利物浦訪港之第四龍門-Kamil Grabara
利物浦香港之旅正式告一段落，有去到睇操練嘅朋友，龍門訓練果陣除左見到除左米仔米奴列、卡里奧斯以及丹尼禾特之外，仲有一個後生仔。無錯，利物浦今次訪港係帶左四個龍門黎架～雖然係比賽中佢無份出場，但都睇到佢係高普眼中嘅重視程度。
右一佢係邊個呢？其實佢就係利物浦青年軍龍門Kamil Grabara。呢位波蘭嘅18歲後生仔係繼杜迪克之後第二個利物浦嘅波蘭門將。佢係上季利物浦U23嘅表現突出，成功得到高普注目，令到佢可以參與一隊季前熱身賽，仲帶埋佢黎香港集訓。
Grabara 第一場為一隊上陣嘅賽事就係復操後第一場對燦美爾嘅友誼賽，係23分鐘後備入替卡里奧斯。老實講，係果場入面，佢要做嘅野唔多，壓力亦唔大，最後Grabara都令利物浦零封對手。
「我好似發緊夢咁。」
「但我係過去18個月真係好努力，自從加入利物浦之後，我都以成為一隊龍門為主要目標。」
「我好興幸可以係友賽上陣，但係友誼賽都不過係友誼賽，我希望可以為球會係正規比賽上陣。」
「我又無壓力嘅…我平日操練都會做差唔多嘅練習，所以同一隊操練果陣，都係係佢地面前做返我係Melwood學到嘅野。」
Grabara 係2016年1月由Ruch Chorzow以£250,000轉會到利物浦，呢隊Ruch Chorzow亦係佢細細個就鐘意嘅球隊，但Grabara並唔係係果度展開佢嘅足球事業，佢係8歲果年加盟當地一個細球會Wawel Wirek，及後先轉會到愛隊。
Grabara嘅龍門夢都幾熱血，話說佢岩岩加入Wawel Wirek果陣，球隊都唔知點樣安置呢位後生仔，而當時嘅龍門教練Jan Goszawski問8歲嘅佢想做咩？佢就答：「我要做龍門！」而佢細細個嘅願望亦係成為愛隊Ruch Chorzow嘅龍門。係13歲果陣，佢終於成功加盟愛隊，而佢亦開始發光發亮，係16歲果年成為波蘭U17國家隊重要一員，雖然最後佢地同U17歐國盃無緣，但Grabara開始受到外界關注。「當年曼徹斯特兩隊球隊都表示對我有興趣，但唯獨利物浦嘅offer係最明確最具體。對於大家對自己有興趣，我係好驚喜。但同時亦係我預料之內 (I actually expected it），我嘅左右銘係，當你對一樣野付出100％嘅努力、承諾，你會得到回報（即係一分耕耘一分收穫啦）。
Grabara 上年加盟利物浦之後，隨即為U18同U23青年軍上陣，一年半後嘅今日，佢更加同一隊球員一齊操練添！
「我幾鐘意高普，非常欣賞同球員溝通嘅手法。」
「係訓練中，佢好留心我地嘅進度。高普非常信任佢嘅團隊，包括龍門教練John Acherberg，所有野都安排得好好。」
前利物浦U23教練Michael Beale 亦對佢有以下評價：「Grabara都幾好勝，佢鐘意接受挑戰。佢接出波/斬波技術好好，而訓練時亦好勤力。」
「我對佢有好大嘅期望，但要記住，佢仲係好後生，需要更多嘅磨練以及唔好俾壓力佢。」
係訪問中，睇得出佢嘅野心都幾大。面前仲有米仔、卡里奧斯，同埋丹尼禾特，要做到一隊正選，又談何容易呢？
「我都知有傳言話利物浦會將我外借，對於呢場野，我並唔抗拒。不過我亦然年輕，無論利物浦將我外借，又或者留我係利物浦繼續踢預備隊，都會係一個雙贏方案。」
「我會係訓練度以表現去說服領隊俾我上陣，我對自己係利物浦嘅未來係樂觀。」
無錯，年輕就係本錢。
source：thisisanfield，liverpool fc
右一佢係邊個呢？其實佢就係利物浦青年軍龍門Kamil Grabara。呢位波蘭嘅18歲後生仔係繼杜迪克之後第二個利物浦嘅波蘭門將。佢係上季利物浦U23嘅表現突出，成功得到高普注目，令到佢可以參與一隊季前熱身賽，仲帶埋佢黎香港集訓。
Grabara 第一場為一隊上陣嘅賽事就係復操後第一場對燦美爾嘅友誼賽，係23分鐘後備入替卡里奧斯。老實講，係果場入面，佢要做嘅野唔多，壓力亦唔大，最後Grabara都令利物浦零封對手。
「我好似發緊夢咁。」
「但我係過去18個月真係好努力，自從加入利物浦之後，我都以成為一隊龍門為主要目標。」
「我好興幸可以係友賽上陣，但係友誼賽都不過係友誼賽，我希望可以為球會係正規比賽上陣。」
「我又無壓力嘅…我平日操練都會做差唔多嘅練習，所以同一隊操練果陣，都係係佢地面前做返我係Melwood學到嘅野。」
Grabara 係2016年1月由Ruch Chorzow以£250,000轉會到利物浦，呢隊Ruch Chorzow亦係佢細細個就鐘意嘅球隊，但Grabara並唔係係果度展開佢嘅足球事業，佢係8歲果年加盟當地一個細球會Wawel Wirek，及後先轉會到愛隊。
Grabara嘅龍門夢都幾熱血，話說佢岩岩加入Wawel Wirek果陣，球隊都唔知點樣安置呢位後生仔，而當時嘅龍門教練Jan Goszawski問8歲嘅佢想做咩？佢就答：「我要做龍門！」而佢細細個嘅願望亦係成為愛隊Ruch Chorzow嘅龍門。係13歲果陣，佢終於成功加盟愛隊，而佢亦開始發光發亮，係16歲果年成為波蘭U17國家隊重要一員，雖然最後佢地同U17歐國盃無緣，但Grabara開始受到外界關注。「當年曼徹斯特兩隊球隊都表示對我有興趣，但唯獨利物浦嘅offer係最明確最具體。對於大家對自己有興趣，我係好驚喜。但同時亦係我預料之內 (I actually expected it），我嘅左右銘係，當你對一樣野付出100％嘅努力、承諾，你會得到回報（即係一分耕耘一分收穫啦）。
Grabara 上年加盟利物浦之後，隨即為U18同U23青年軍上陣，一年半後嘅今日，佢更加同一隊球員一齊操練添！
「我幾鐘意高普，非常欣賞同球員溝通嘅手法。」
「係訓練中，佢好留心我地嘅進度。高普非常信任佢嘅團隊，包括龍門教練John Acherberg，所有野都安排得好好。」
前利物浦U23教練Michael Beale 亦對佢有以下評價：「Grabara都幾好勝，佢鐘意接受挑戰。佢接出波/斬波技術好好，而訓練時亦好勤力。」
「我對佢有好大嘅期望，但要記住，佢仲係好後生，需要更多嘅磨練以及唔好俾壓力佢。」
係訪問中，睇得出佢嘅野心都幾大。面前仲有米仔、卡里奧斯，同埋丹尼禾特，要做到一隊正選，又談何容易呢？
「我都知有傳言話利物浦會將我外借，對於呢場野，我並唔抗拒。不過我亦然年輕，無論利物浦將我外借，又或者留我係利物浦繼續踢預備隊，都會係一個雙贏方案。」
「我會係訓練度以表現去說服領隊俾我上陣，我對自己係利物浦嘅未來係樂觀。」
無錯，年輕就係本錢。
source：thisisanfield，liverpool fc