【重感情的男人】路夫蘭：我想係利物浦踢到掛靴！
今日小妹想講下路夫蘭，呢名28歲克羅地亞球員，外貌上都幾型仔幾靚仔，佬味出晒黎。但表現就比較飄忽。當然佢有踢得好嘅時間，但唔知係咪天氣關係，特別係香港踢果場，卡拉雲出黎夾佢果十幾分鐘真係㩒爆平安鐘，留意返佢仲走漏左兩球單刀波，好在卡里奧斯生性救到！
佢最近對住球會官方傳媒就咁講啦：
「經過整個球季，以及呢段時間所發生嘅事，你要嘅係一個冷靜期去抖下，去陪下屋企人咁。」
點解路夫蘭會咁講呢？其實係2016年頭，佢老婆…就俾左頂綠帽佢戴。話說佢同佢老婆Anita 16歲就識，大家青梅足馬到結婚生仔，本身係一個童話故事。但係佢老婆竟然出軌，戀上克羅地亞森林工作者，姦夫仲飛過去利物浦密會Anita添，而有外媒話Anita仲搵過律師傾離婚添！
當一切被路夫蘭得悉之後，堂堂一個大男人一個名人都輸俾個寂寂無名嘅人，自專心一定重創，而呢件事更影響到佢精神以及係球場上面嘅表現。但路夫蘭好愛佢老婆，所以佢決定贏返個老婆返黎。因為佢應承左要俾個浪漫嘅六月旅行Anita，佢明知克羅地亞國家隊將要去法國打歐冠盃，都放棄踢國家隊，陪老婆去玩。（當然有人話係因為佢同領隊關係唔好，唔想踢國家隊先咁做啦。）
但點都好，一個咁重感情嘅男人，真係好難得呀！（心心眼）
「你唔可以無時無刻都對住足球，但對於一個足球員，係身體狀況/習慣上，你會想keep住去跑、想去的波。」
「踢咁多年波，我覺得自己累積左唔少經驗，我知我應該對自己有咩期望。係利物浦跟住高普習訓，我覺得自己越黎越勁（powerful）。」
「我希望可以俾所有人見到我係其中一個英超最佳後衛。」
自從十年老臣子盧卡斯決定轉會去拉素， 更衣室就…即係個心好似穿左個窿咁。少左個平時見慣見熟嘅人，大家士氣都會低左啲。
「盧卡斯轉會後，後防需要有一個做領導嘅人物，我知道隊內都有幾位球員有優秀領導才能嘅人物，我相信我係其中一位。」
「對於我黎講，最重要嘅係球隊，我付出我一切俾利物浦，所以我希望有朝一日，我可以好似盧卡斯咁，被球迷形容為對球隊有重大貢獻嘅一員。」
「我係利物浦已經4年，但我相信我可以踢多6年。到時我都老啦（34歲），但同時都會變得更加老練。當然啦，大前題係如果我維持到健康嘅身體，無傷患等問題啦～係利物浦掛靴係我嘅夢想。」
路夫蘭將會係利物浦踢第四個球季，佢總共為利物浦上陣過109球波。對於最近右閘阿歷山大阿諾係球會簽左5年約，佢就咁睇，
「亞歷山大阿諾係一個有才華嘅人，我幾鐘意佢，佢唔怯場，識得專重人。」
「只要佢繼續努力，佢將會係利物浦未來重要一員。最緊要係，我地都有一個好領隊話我地聽係球場上應該做啲咩。」
路夫蘭係有制空能力，頂波都有返咁上下，預判能力不錯，高普亦形容佢同馬迪普係最佳防守拍檔。都係果句啦，唔派膠果陣真係頂級中堅，但佢始終係賭博性防守，成日走甩身後盲眼位，企位意識都唔夠，防守間唔中會縮。上左前又返後返得慢，上年占士米拿都唔知包左佢幾多球。小妹知當年佢對多蒙特係頂入左球波…但如果雲迪克真係加盟利物浦，你係要穩定啲先keep到正選位置。
source：anfieldhq
佢最近對住球會官方傳媒就咁講啦：
「經過整個球季，以及呢段時間所發生嘅事，你要嘅係一個冷靜期去抖下，去陪下屋企人咁。」
點解路夫蘭會咁講呢？其實係2016年頭，佢老婆…就俾左頂綠帽佢戴。話說佢同佢老婆Anita 16歲就識，大家青梅足馬到結婚生仔，本身係一個童話故事。但係佢老婆竟然出軌，戀上克羅地亞森林工作者，姦夫仲飛過去利物浦密會Anita添，而有外媒話Anita仲搵過律師傾離婚添！
當一切被路夫蘭得悉之後，堂堂一個大男人一個名人都輸俾個寂寂無名嘅人，自專心一定重創，而呢件事更影響到佢精神以及係球場上面嘅表現。但路夫蘭好愛佢老婆，所以佢決定贏返個老婆返黎。因為佢應承左要俾個浪漫嘅六月旅行Anita，佢明知克羅地亞國家隊將要去法國打歐冠盃，都放棄踢國家隊，陪老婆去玩。（當然有人話係因為佢同領隊關係唔好，唔想踢國家隊先咁做啦。）
但點都好，一個咁重感情嘅男人，真係好難得呀！（心心眼）
「你唔可以無時無刻都對住足球，但對於一個足球員，係身體狀況/習慣上，你會想keep住去跑、想去的波。」
「踢咁多年波，我覺得自己累積左唔少經驗，我知我應該對自己有咩期望。係利物浦跟住高普習訓，我覺得自己越黎越勁（powerful）。」
「我希望可以俾所有人見到我係其中一個英超最佳後衛。」
自從十年老臣子盧卡斯決定轉會去拉素， 更衣室就…即係個心好似穿左個窿咁。少左個平時見慣見熟嘅人，大家士氣都會低左啲。
「盧卡斯轉會後，後防需要有一個做領導嘅人物，我知道隊內都有幾位球員有優秀領導才能嘅人物，我相信我係其中一位。」
「對於我黎講，最重要嘅係球隊，我付出我一切俾利物浦，所以我希望有朝一日，我可以好似盧卡斯咁，被球迷形容為對球隊有重大貢獻嘅一員。」
「我係利物浦已經4年，但我相信我可以踢多6年。到時我都老啦（34歲），但同時都會變得更加老練。當然啦，大前題係如果我維持到健康嘅身體，無傷患等問題啦～係利物浦掛靴係我嘅夢想。」
路夫蘭將會係利物浦踢第四個球季，佢總共為利物浦上陣過109球波。對於最近右閘阿歷山大阿諾係球會簽左5年約，佢就咁睇，
「亞歷山大阿諾係一個有才華嘅人，我幾鐘意佢，佢唔怯場，識得專重人。」
「只要佢繼續努力，佢將會係利物浦未來重要一員。最緊要係，我地都有一個好領隊話我地聽係球場上應該做啲咩。」
路夫蘭係有制空能力，頂波都有返咁上下，預判能力不錯，高普亦形容佢同馬迪普係最佳防守拍檔。都係果句啦，唔派膠果陣真係頂級中堅，但佢始終係賭博性防守，成日走甩身後盲眼位，企位意識都唔夠，防守間唔中會縮。上左前又返後返得慢，上年占士米拿都唔知包左佢幾多球。小妹知當年佢對多蒙特係頂入左球波…但如果雲迪克真係加盟利物浦，你係要穩定啲先keep到正選位置。
source：anfieldhq