【數字遊戲】商人眼中嘅金錢足球...
有人話，好多行業，都係要靠熱情同埋夢想先會做到。
相信足球都係其中一樣，但現代足球好多時都會同金錢掛勾－買賣球員、廣告、波衫、贊助商、轉播權等等全部都係錢。而轉會市場啦喎，點可以唔講岩岩轉會嘅尼馬？以天價2.2億歐元轉會費，PSG利用不同嘅「辦法」避過財政公平條例，但呢度就唔講咁多呢單野啦。再講足球員嘅人工，動不動都幾十萬港紙一個星期，雖然話佢地稅收得多，但其實佢地都算係富豪仔。諗諗下，睇波都幾經濟，係香港俾舊幾水一個月就可以睇住班有人錢落場踢到身水身汗，踢得唔好仲可以俾你_（講笑）。
而球會係俾咁多錢、咁大支出係球員身上，水路從何來？
英超最佳例子就係2015年樂視傳以天價47億港元投得英超轉播權，足足貴前之now用15億三倍有多。雖然最後樂視都同now聯合播放，但呢段時間都成日都傳佢會賣盤、資金周轉有問題，但點都好啦，單單係電視轉播，啲球會都收唔少錢。
以下係上年每隊係轉播費上嘅收入：
係以前，球場就真係一個球場，最多有下小賣部。但由1990年起，球會開始係球場興建餐廳、博物館、甚至酒店，以贊助商命名嘅球場績漸普及，紐卡素班主Mike Ashley 2009年就提議將主場聖占士公園個名租出去俾贊助商，因為球隊需要更多嘅收入去維持係聯賽嘅競爭。而有一段短時間（2009－2011）紐卡素主場個名被改名為sportsdirect.com @ St James' Park Stadium，而係2011年，球場更因應當年贊助商而改名為Sports Direct Arena，但隨後因為轉左贊助商同討好球迷，紐卡素將球場名改返為聖占士公園。
而高貝利球場因未能通過擴建申請，所以就另覓地方興建酋長球場，2004年，阿仙奴同阿聯酋簽定1億歐元、15年嘅合約，成為球會贊助商及擁有球場命名權。但留意返，由於歐洲足協對球場命名權有限制，而阿聯酋航空並唔係歐洲足協其中一個贊助商，所以係歐洲賽上，歐洲足協以「阿仙奴球場」作為球場個名。
另外，球員嘅波衫亦係球隊賺錢嘅地方，除左球衣前中位嘅贊助商位外，英超最近批左球衣衣袖（即膊頭位）可以印廣告。大家試諗下，一場波，唔計現場觀眾，都有成千幾萬人睇緊轉播，曝光率何其高！而球迷著球衣出街，更有流動廣告之功用。有無人諗過，點解廣告商個logo會大過球會徽章呢？小妹就試過，係利物浦黎香港果星期，有唔睇波嘅朋友問小妹，點解咁多人著住紅色衫嘅standard chartered衫出現嘅？
當年巴塞就曾經拒絕放一個商業機構嘅logo係球衣，相反，佢地贊助返UNICEF，除左免費放佢地個logo係球衣，更每年捐出多於一百萬英鎊俾該慈善組織。而我地而家見到巴塞波衫上嘅Qatar Foundation亦係慈善組織，話就話係非牟利機構，但巴塞係同Qatar Foundation呢五年約中，會收到超過二億三千萬美金（其後更轉為Qatar Airway）。由本身站住道德高地，到而家咪又係為錢…真係諷刺。（而家轉左做日本公司RAKUTEN)
用龐大金錢買入外藉球員，會對本地聯賽造成破壞。利物浦都算好，正選入面都有好多英人，但睇返曼城、車路士等球會，一隊多數由外援組成，此舉令到本土英格蘭球員質素降低。雖然英格蘭足總有Homegrown Player Rule， 英超球隊最少要有8位本土球員，但外援就無數量限制。英格蘭國家隊近年都排得比德國、巴西等低，睇返當地聯賽，每隊主要都係用返自己國家嘅人，而德國更加係本土球員買賣上有嚴格嘅財政指引，外界亦認為德國國家隊嘅成功係有賴呢啲規條。
球員會唔會因為錢而離開一隊波呢？相信頂級球員都係專業，唔會單單為左「錢」一個理由而離開球隊，一定有其他因素去support呢個人工先走－屋企人因素、自己係隊波嘅發展、有無歐聯踢、同教練夾唔夾等等，你睇史杜列治都無因為錢而去中國踢波就知啦！當然，球會有無積極留人都係另一個問題。
現代足球商業化已成定律，特別係一啲頂級球會。但小妹認為，如果班主缺乏「踢好一場波」嘅精神，足球比賽係會變質，小妹從來唔會懷疑球員，因為佢地係professional，一定係想踢一場好波！但係，球會管理層、班主呢？對佢地黎講PR係重要，但長期著重於傳媒間嘅曝光率、英雄主義，咁同做娛樂圈有咩分別？要造一粒星有幾難姐，但足球員唔係藝人，佢地唔需要係鏡頭面前扮呢樣扮果樣，當顧及嘅野多左，就會減低對足球嘅專注力。當年係活特本(木燒)係一隊入左波之後，高普都有叫傳媒唔好太過吹奏佢，就係要保護佢，怕影響佢發展。每樣野都有個價，而將球迷轉化成消費者，波飛價格上升，產品變得多樣化，其實本身都無咩唔岩，反正消費者有買同唔買嘅權利。商業上黎講，呢個係一個好成功嘅招數，但不斷嘅加價就只會令到球迷反感。當足球變成班主嘅一份生意，球員踢得好，身價高就賣，而簽約嘅年期係為第時賣人鋪路。生意係無情可言，對於唔識足球嘅商人黎講，呢個只係一個數目字遊戲，佢地要見到嘅回報（Return of Investment)，最好就升唔好跌。但係對於足球本身呢樣運動黎講，其實係好唔健康。球員唔係一隻股票，佢地唔係死物，球員同球會之間嘅感情更會影響落場嘅表現。
老老實實，特別係小妹而家做緊幕後呢行，完全明白有啲工作如果無左熱情，你根本上係唔洗做。要留住觀眾嘅目光，得個光環、得個殼係無用，最緊要都係內容；要內容好，就要多方面配合，只要一個人想hea都會影響成個效果。
球迷想睇嘅係一場有合作、有組織、有技術嘅波，而球迷最珍貴嘅野就係對球會嘅歸屬感。唔係勝利球迷，而係同球隊一齊經歷起起跌跌。講咁多樣野，唔係話賺錢唔岩，錢無人嫌多。只係見到球員身價開始高得離譜，球隊可以用「自己嘅方法」避過公平條款，隊波有起色、踢得好嘅球員又班主會因為高額傳會費而賣，做球迷真係心灰…而家睇緊嘅足球，好似變左，同以前睇嘅唔同左，有啲陌生…就好似香港咁。
相信足球都係其中一樣，但現代足球好多時都會同金錢掛勾－買賣球員、廣告、波衫、贊助商、轉播權等等全部都係錢。而轉會市場啦喎，點可以唔講岩岩轉會嘅尼馬？以天價2.2億歐元轉會費，PSG利用不同嘅「辦法」避過財政公平條例，但呢度就唔講咁多呢單野啦。再講足球員嘅人工，動不動都幾十萬港紙一個星期，雖然話佢地稅收得多，但其實佢地都算係富豪仔。諗諗下，睇波都幾經濟，係香港俾舊幾水一個月就可以睇住班有人錢落場踢到身水身汗，踢得唔好仲可以俾你_（講笑）。
而球會係俾咁多錢、咁大支出係球員身上，水路從何來？
英超最佳例子就係2015年樂視傳以天價47億港元投得英超轉播權，足足貴前之now用15億三倍有多。雖然最後樂視都同now聯合播放，但呢段時間都成日都傳佢會賣盤、資金周轉有問題，但點都好啦，單單係電視轉播，啲球會都收唔少錢。
以下係上年每隊係轉播費上嘅收入：
係以前，球場就真係一個球場，最多有下小賣部。但由1990年起，球會開始係球場興建餐廳、博物館、甚至酒店，以贊助商命名嘅球場績漸普及，紐卡素班主Mike Ashley 2009年就提議將主場聖占士公園個名租出去俾贊助商，因為球隊需要更多嘅收入去維持係聯賽嘅競爭。而有一段短時間（2009－2011）紐卡素主場個名被改名為sportsdirect.com @ St James' Park Stadium，而係2011年，球場更因應當年贊助商而改名為Sports Direct Arena，但隨後因為轉左贊助商同討好球迷，紐卡素將球場名改返為聖占士公園。
而高貝利球場因未能通過擴建申請，所以就另覓地方興建酋長球場，2004年，阿仙奴同阿聯酋簽定1億歐元、15年嘅合約，成為球會贊助商及擁有球場命名權。但留意返，由於歐洲足協對球場命名權有限制，而阿聯酋航空並唔係歐洲足協其中一個贊助商，所以係歐洲賽上，歐洲足協以「阿仙奴球場」作為球場個名。
另外，球員嘅波衫亦係球隊賺錢嘅地方，除左球衣前中位嘅贊助商位外，英超最近批左球衣衣袖（即膊頭位）可以印廣告。大家試諗下，一場波，唔計現場觀眾，都有成千幾萬人睇緊轉播，曝光率何其高！而球迷著球衣出街，更有流動廣告之功用。有無人諗過，點解廣告商個logo會大過球會徽章呢？小妹就試過，係利物浦黎香港果星期，有唔睇波嘅朋友問小妹，點解咁多人著住紅色衫嘅standard chartered衫出現嘅？
當年巴塞就曾經拒絕放一個商業機構嘅logo係球衣，相反，佢地贊助返UNICEF，除左免費放佢地個logo係球衣，更每年捐出多於一百萬英鎊俾該慈善組織。而我地而家見到巴塞波衫上嘅Qatar Foundation亦係慈善組織，話就話係非牟利機構，但巴塞係同Qatar Foundation呢五年約中，會收到超過二億三千萬美金（其後更轉為Qatar Airway）。由本身站住道德高地，到而家咪又係為錢…真係諷刺。（而家轉左做日本公司RAKUTEN)
用龐大金錢買入外藉球員，會對本地聯賽造成破壞。利物浦都算好，正選入面都有好多英人，但睇返曼城、車路士等球會，一隊多數由外援組成，此舉令到本土英格蘭球員質素降低。雖然英格蘭足總有Homegrown Player Rule， 英超球隊最少要有8位本土球員，但外援就無數量限制。英格蘭國家隊近年都排得比德國、巴西等低，睇返當地聯賽，每隊主要都係用返自己國家嘅人，而德國更加係本土球員買賣上有嚴格嘅財政指引，外界亦認為德國國家隊嘅成功係有賴呢啲規條。
球員會唔會因為錢而離開一隊波呢？相信頂級球員都係專業，唔會單單為左「錢」一個理由而離開球隊，一定有其他因素去support呢個人工先走－屋企人因素、自己係隊波嘅發展、有無歐聯踢、同教練夾唔夾等等，你睇史杜列治都無因為錢而去中國踢波就知啦！當然，球會有無積極留人都係另一個問題。
現代足球商業化已成定律，特別係一啲頂級球會。但小妹認為，如果班主缺乏「踢好一場波」嘅精神，足球比賽係會變質，小妹從來唔會懷疑球員，因為佢地係professional，一定係想踢一場好波！但係，球會管理層、班主呢？對佢地黎講PR係重要，但長期著重於傳媒間嘅曝光率、英雄主義，咁同做娛樂圈有咩分別？要造一粒星有幾難姐，但足球員唔係藝人，佢地唔需要係鏡頭面前扮呢樣扮果樣，當顧及嘅野多左，就會減低對足球嘅專注力。當年係活特本(木燒)係一隊入左波之後，高普都有叫傳媒唔好太過吹奏佢，就係要保護佢，怕影響佢發展。每樣野都有個價，而將球迷轉化成消費者，波飛價格上升，產品變得多樣化，其實本身都無咩唔岩，反正消費者有買同唔買嘅權利。商業上黎講，呢個係一個好成功嘅招數，但不斷嘅加價就只會令到球迷反感。當足球變成班主嘅一份生意，球員踢得好，身價高就賣，而簽約嘅年期係為第時賣人鋪路。生意係無情可言，對於唔識足球嘅商人黎講，呢個只係一個數目字遊戲，佢地要見到嘅回報（Return of Investment)，最好就升唔好跌。但係對於足球本身呢樣運動黎講，其實係好唔健康。球員唔係一隻股票，佢地唔係死物，球員同球會之間嘅感情更會影響落場嘅表現。
老老實實，特別係小妹而家做緊幕後呢行，完全明白有啲工作如果無左熱情，你根本上係唔洗做。要留住觀眾嘅目光，得個光環、得個殼係無用，最緊要都係內容；要內容好，就要多方面配合，只要一個人想hea都會影響成個效果。
球迷想睇嘅係一場有合作、有組織、有技術嘅波，而球迷最珍貴嘅野就係對球會嘅歸屬感。唔係勝利球迷，而係同球隊一齊經歷起起跌跌。講咁多樣野，唔係話賺錢唔岩，錢無人嫌多。只係見到球員身價開始高得離譜，球隊可以用「自己嘅方法」避過公平條款，隊波有起色、踢得好嘅球員又班主會因為高額傳會費而賣，做球迷真係心灰…而家睇緊嘅足球，好似變左，同以前睇嘅唔同左，有啲陌生…就好似香港咁。