【板凳深度】利物浦應唔應該借走史杜列治?
好多風聲都講緊史杜列治將會係本月借到國際米蘭，而國米亦願意付出「重大 (Significant)」嘅借人費俾利物浦。但係喺利物浦板凳深度唔多夠時放佢走，對利物浦又會有咩影響呢？
係英國時間星期一嘅傍晚，曼聯﹑曼城以及阿仙奴都宣佈咗係一月轉會市場中嘅重點交易－分別係曼聯簽咗阿仙奴嘅山齊士，米希達恩由曼聯去阿仙奴；而曼城亦同奇雲迪布尼簽下長約。
但係古天奴離隊後，利物浦係今個轉會市場就只有買得雲迪克。本身威過威威司令，無咗古天奴都踢到場好波－贏咗曼城後諗住士氣大增，點知利物浦真係打「士氣波」，係贏完榜首嘅曼城後，即刻輸俾打密集防守﹑鐵筒陣嘅史雲斯。
留意返，其中一個識破密集嘅史杜列治係上場對史雲斯都無正選打。高普係果場波選擇換入傷癒嘅拉蘭拿以及京斯。係進攻上，利物浦係星期一對史雲斯嘅後備名單上其實除咗拉蘭拿同京斯外，仲有蘇蘭基。其實拉蘭拿都慢慢回復狀態，係出場後都為中場帶黎一啲創造力。而蘇蘭基呢個後生仔就仍然有進步空間，需要更多大賽經驗。史杜列治係年頭曾因傷缺席操練，但佢係12日前已經重返訓練場。史杜列治係今季總其為利物浦上陣14場，共射入3球以及3個助攻。睇返佢有9場都係後備上陣，而係呢9場入面佢有2球入球同埋3個助攻，數據顯示佢係後備出場後每29.8分鐘就會有入波或助攻。
其實後備殺手，利物浦真係唔多。
後備換入黎都入到波就只有沙拿（係十一月對史篤城入2球）以及張伯倫（對馬里博爾入1球），而後備入替都會有助攻嘅就只有岩士米拿（係歐聯對莫斯科斯巴達嘅4球助攻以及對八月對荷芬咸時奠定勝局嘅一球）。係歷史同數據上面咁睇，史杜列治真係一個可以扭轉賽事嘅後備球員。佢曾係利物浦主場對李斯特城，62分鐘後備上陣時助攻軒達臣，令到球隊最終以3:2羸出賽事。史杜列治今年都28歲，2013年由車路士加盟利物浦，都係晏菲路踢咗五季波，由於都算利物浦資深球員，被香港球迷稱為大師兄。但係近年變得玻璃腳，唔知係咪唔習慣高普嘅德式訓練，佢自己係場上都有啲怯，無咗以前果隻衝勁，但仍然係利物浦陣中嘅後備殺手。
估計高普都會好困惑應唔應該放走史杜列治，為佢好，好明顯應該放佢去其他球隊，起碼可以有正選踢下，；但為球隊好，留佢係度加強板凳深度亦唔係無理。(但小妹心諗，有無影響黎講...反正高普都唔鐘意用佢，所以影響不大？)
但代入返佢個角式，係今季踢正選就得5場，雖然曾經有受傷；但高普慣性出費明奴，令到史杜列治計埋果9場後備上陣，都只能夠同蘇蘭基出賽次數打平，但仲少過占士米拿及張伯倫（各15次，預計張伯倫會有更多上陣機會）。正值世界盃年，史杜列治一定想入選修夫基嘅英格蘭世界盃大軍。想穩入，就最好係球隊正選踢。留係利物浦，就算坐板，高普唔到最後20分鐘都唔換人，而國米就俾到呢樣野史杜列治，正所謂互取所需，公平呀。
利物浦係英超仍然爭緊頭四，而且仲有足總盃同埋歐聯要踢，剩係得京斯同埋蘇蘭基去sub費明奴都係爭咁啲。係12月果陣，高普就一月轉會市場一事同傳媒講，一切將以球會利益行先。而係未開季前亦傳會賣走史杜列治，當時高普就話要搵一個球員去頂替史杜列治的話，個成本太大啦。
「最理想緊係有雙贏嘅情況，但如果做唔到，就會以球會利益行先。」
據skysports報導，利物浦曾向國米開價€40m，直接賣走史杜列治，但係國米就唔願意出呢個價啦。而據西班牙傳媒指出，羅馬亦有意借／買入史杜列治... 為球員定為球會？高普會點樣做？
欲知後事如何呢…一星內自有分曉。
source: this is anfield, transfermarkt, skysports
係英國時間星期一嘅傍晚，曼聯﹑曼城以及阿仙奴都宣佈咗係一月轉會市場中嘅重點交易－分別係曼聯簽咗阿仙奴嘅山齊士，米希達恩由曼聯去阿仙奴；而曼城亦同奇雲迪布尼簽下長約。
但係古天奴離隊後，利物浦係今個轉會市場就只有買得雲迪克。本身威過威威司令，無咗古天奴都踢到場好波－贏咗曼城後諗住士氣大增，點知利物浦真係打「士氣波」，係贏完榜首嘅曼城後，即刻輸俾打密集防守﹑鐵筒陣嘅史雲斯。
留意返，其中一個識破密集嘅史杜列治係上場對史雲斯都無正選打。高普係果場波選擇換入傷癒嘅拉蘭拿以及京斯。係進攻上，利物浦係星期一對史雲斯嘅後備名單上其實除咗拉蘭拿同京斯外，仲有蘇蘭基。其實拉蘭拿都慢慢回復狀態，係出場後都為中場帶黎一啲創造力。而蘇蘭基呢個後生仔就仍然有進步空間，需要更多大賽經驗。史杜列治係年頭曾因傷缺席操練，但佢係12日前已經重返訓練場。史杜列治係今季總其為利物浦上陣14場，共射入3球以及3個助攻。睇返佢有9場都係後備上陣，而係呢9場入面佢有2球入球同埋3個助攻，數據顯示佢係後備出場後每29.8分鐘就會有入波或助攻。
其實後備殺手，利物浦真係唔多。
後備換入黎都入到波就只有沙拿（係十一月對史篤城入2球）以及張伯倫（對馬里博爾入1球），而後備入替都會有助攻嘅就只有岩士米拿（係歐聯對莫斯科斯巴達嘅4球助攻以及對八月對荷芬咸時奠定勝局嘅一球）。係歷史同數據上面咁睇，史杜列治真係一個可以扭轉賽事嘅後備球員。佢曾係利物浦主場對李斯特城，62分鐘後備上陣時助攻軒達臣，令到球隊最終以3:2羸出賽事。史杜列治今年都28歲，2013年由車路士加盟利物浦，都係晏菲路踢咗五季波，由於都算利物浦資深球員，被香港球迷稱為大師兄。但係近年變得玻璃腳，唔知係咪唔習慣高普嘅德式訓練，佢自己係場上都有啲怯，無咗以前果隻衝勁，但仍然係利物浦陣中嘅後備殺手。
估計高普都會好困惑應唔應該放走史杜列治，為佢好，好明顯應該放佢去其他球隊，起碼可以有正選踢下，；但為球隊好，留佢係度加強板凳深度亦唔係無理。(但小妹心諗，有無影響黎講...反正高普都唔鐘意用佢，所以影響不大？)
但代入返佢個角式，係今季踢正選就得5場，雖然曾經有受傷；但高普慣性出費明奴，令到史杜列治計埋果9場後備上陣，都只能夠同蘇蘭基出賽次數打平，但仲少過占士米拿及張伯倫（各15次，預計張伯倫會有更多上陣機會）。正值世界盃年，史杜列治一定想入選修夫基嘅英格蘭世界盃大軍。想穩入，就最好係球隊正選踢。留係利物浦，就算坐板，高普唔到最後20分鐘都唔換人，而國米就俾到呢樣野史杜列治，正所謂互取所需，公平呀。
利物浦係英超仍然爭緊頭四，而且仲有足總盃同埋歐聯要踢，剩係得京斯同埋蘇蘭基去sub費明奴都係爭咁啲。係12月果陣，高普就一月轉會市場一事同傳媒講，一切將以球會利益行先。而係未開季前亦傳會賣走史杜列治，當時高普就話要搵一個球員去頂替史杜列治的話，個成本太大啦。
「最理想緊係有雙贏嘅情況，但如果做唔到，就會以球會利益行先。」
據skysports報導，利物浦曾向國米開價€40m，直接賣走史杜列治，但係國米就唔願意出呢個價啦。而據西班牙傳媒指出，羅馬亦有意借／買入史杜列治... 為球員定為球會？高普會點樣做？
欲知後事如何呢…一星內自有分曉。
source: this is anfield, transfermarkt, skysports