【唔係下話】拉蘭拿又傷?! 無緣未來兩場國家隊賽事
唔係呀嘛，拉蘭拿岩岩先好返，而家又傷？明明上一秒仲睇到instagram佢up咗張相恭喜軒達臣續約利物浦！
據英媒報導，拉蘭拿因為星期二喺國家隊訓練時受傷（groin strain injury），所以再次無緣國家隊，換句話即係黎緊嘅UEFA Nations League－英格蘭對西班牙以及瑞士嘅比賽都唔會見到佢啦。據知呢位中場喺首節，無錯呀係第一節操練果陣就出問題！而家佢已經離隊，返咗利物浦作詳細檢查。
修夫基早前公佈咗國家隊九月大軍名單，仲話呢個list應該係未來兩年都會岩用，因為佢哋只剩係下20場比賽，就要去踢歐國盃。所以盡量都會想操熟呢班球員，睇返世界盃表現，英格蘭都係一隊比較年輕嘅球隊，呢班幼獅有潛質嘅，但需要時間去成長；而拉蘭拿就有豐富嘅經驗可以俾到班細嘛。拉蘭拿喺利物浦頭四場賽事都未有正選上陣，唯一係喺對水晶宮嘅賽事尾段被換入，雖然只係短短3分鐘，以高普嘅習慣，佢唔會擺未ready好嘅球員入出場名單入面（正選＋後備），睇下法賓奴就知啦。現齡三十歲嘅拉蘭拿，上季因為大腿受傷缺陣多場球會賽事，季尾先好返慢慢操返起，如果高普俾佢慢慢有返上陣時間，對佢對球會甚至國家隊黎講都係一件好事，小妹希望今次佢只係輕傷啦，fingercross 一定會無事！
source：independent.co.uk
據英媒報導，拉蘭拿因為星期二喺國家隊訓練時受傷（groin strain injury），所以再次無緣國家隊，換句話即係黎緊嘅UEFA Nations League－英格蘭對西班牙以及瑞士嘅比賽都唔會見到佢啦。據知呢位中場喺首節，無錯呀係第一節操練果陣就出問題！而家佢已經離隊，返咗利物浦作詳細檢查。
修夫基早前公佈咗國家隊九月大軍名單，仲話呢個list應該係未來兩年都會岩用，因為佢哋只剩係下20場比賽，就要去踢歐國盃。所以盡量都會想操熟呢班球員，睇返世界盃表現，英格蘭都係一隊比較年輕嘅球隊，呢班幼獅有潛質嘅，但需要時間去成長；而拉蘭拿就有豐富嘅經驗可以俾到班細嘛。拉蘭拿喺利物浦頭四場賽事都未有正選上陣，唯一係喺對水晶宮嘅賽事尾段被換入，雖然只係短短3分鐘，以高普嘅習慣，佢唔會擺未ready好嘅球員入出場名單入面（正選＋後備），睇下法賓奴就知啦。現齡三十歲嘅拉蘭拿，上季因為大腿受傷缺陣多場球會賽事，季尾先好返慢慢操返起，如果高普俾佢慢慢有返上陣時間，對佢對球會甚至國家隊黎講都係一件好事，小妹希望今次佢只係輕傷啦，fingercross 一定會無事！
source：independent.co.uk