【上陣時間少?】沙基利：我有踢大球會經驗
沙基利加盟利物浦之後，喺友賽入過球倒掛靚波，但喺而過往四場英超上，佢只有2場後備上陣，時間共只有27分鐘。堂堂一個瑞士美斯由史篤城以£13m轉會利物浦後被坐冷板。不過佢就無嬲嘅，仲話唔會因為無正選而狼狽同擔憂, 因為佢踢過意甲德甲大球會，所以知道大球會係點運作！
呢名26歲嘅球員星期二晚為國家隊上陣，雖然最後瑞士就以0比1輸咗俾英格蘭 （英格蘭有阿諾在陣，果場佢表現唔錯），但係沙基利優秀嘅表現都令球隊喺上半場佔優勢。喺國家隊差唔多踢足全場(80') ，但返到利物浦呢...但沙基利係上陣時間少呢個問題上並唔擔心，仲話對高普有信心，預計自己未來會有更多落場時間。
「我就好relax嘅，利物浦將會有好多比賽踢，所以所有球員都一定有上陣機會。」
而利物浦黎緊將會有歐聯同埋聯賽盃踢，魔鬼賽程就又真係幾難頂嘅。睇返利物浦黎緊9月嘅賽程；半個月踢5場波，唔係講笑，仲要隊隊都強隊。
15/9（六）英超 熱刺對利物浦
19/9（三）歐聯 利物浦對巴黎聖日耳門
22/9（六）英超 利物浦對修咸頓
27/9（四）聯賽盃 利物浦對車路士
30/9（日）英超 車路士對利物浦
「我早就識高普啦，我認識高普嘅足球，所以對於黎到利物浦後，教練踢法有改變一啲都唔驚奇，不過當然啦，由史篤城轉到利物浦都係一個大嘅轉變，話晒利物浦都係大球會嘛。」
「但我都知喺大球會點樣生存嘅，因為我以前踢過拜仁慕尼克同埋國際米蘭，所以我有晒心理準備。」
唔知點解小妹睇緊呢度，覺得沙基利講到好似見工咁。
「我哋將會有好多高水準賽事，我個人就好期待每場嘅對疊，利物浦希望可以保持自己一貫水準去面對每支強隊。」
「利物浦係世界上其中一支大球會，上季好遺憾贏唔到冠軍，但今季我哋會盡力去爭標，而呢個時候最重要嘅就係入波。」
國際賽週完啦，而家沙基利應該專注星期六對熱刺嘅賽事，話晒都係第一場對big 6，對高普﹑對球隊黎講都係一個考驗－利物浦可唔可以保持不敗呢？而呢一場喺溫布頓嘅比賽亦為紅軍打開地獄賽程嘅序幕。被問到熱刺對利物浦有咩威脅時，沙基利就話熱刺嘅一班球員都夾咗隊波好耐，大家都好有默契，令到佢哋成為一隊危險嘅對手。之不過，再強嘅球隊，再難踢嘅比賽，佢都會努力去贏波。
識咁諗就最好啦，所以話，高普教仔真係有一手。
Source: independent.co.uk
呢名26歲嘅球員星期二晚為國家隊上陣，雖然最後瑞士就以0比1輸咗俾英格蘭 （英格蘭有阿諾在陣，果場佢表現唔錯），但係沙基利優秀嘅表現都令球隊喺上半場佔優勢。喺國家隊差唔多踢足全場(80') ，但返到利物浦呢...但沙基利係上陣時間少呢個問題上並唔擔心，仲話對高普有信心，預計自己未來會有更多落場時間。
「我就好relax嘅，利物浦將會有好多比賽踢，所以所有球員都一定有上陣機會。」
而利物浦黎緊將會有歐聯同埋聯賽盃踢，魔鬼賽程就又真係幾難頂嘅。睇返利物浦黎緊9月嘅賽程；半個月踢5場波，唔係講笑，仲要隊隊都強隊。
15/9（六）英超 熱刺對利物浦
19/9（三）歐聯 利物浦對巴黎聖日耳門
22/9（六）英超 利物浦對修咸頓
27/9（四）聯賽盃 利物浦對車路士
30/9（日）英超 車路士對利物浦
「我早就識高普啦，我認識高普嘅足球，所以對於黎到利物浦後，教練踢法有改變一啲都唔驚奇，不過當然啦，由史篤城轉到利物浦都係一個大嘅轉變，話晒利物浦都係大球會嘛。」
「但我都知喺大球會點樣生存嘅，因為我以前踢過拜仁慕尼克同埋國際米蘭，所以我有晒心理準備。」
唔知點解小妹睇緊呢度，覺得沙基利講到好似見工咁。
「我哋將會有好多高水準賽事，我個人就好期待每場嘅對疊，利物浦希望可以保持自己一貫水準去面對每支強隊。」
「利物浦係世界上其中一支大球會，上季好遺憾贏唔到冠軍，但今季我哋會盡力去爭標，而呢個時候最重要嘅就係入波。」
國際賽週完啦，而家沙基利應該專注星期六對熱刺嘅賽事，話晒都係第一場對big 6，對高普﹑對球隊黎講都係一個考驗－利物浦可唔可以保持不敗呢？而呢一場喺溫布頓嘅比賽亦為紅軍打開地獄賽程嘅序幕。被問到熱刺對利物浦有咩威脅時，沙基利就話熱刺嘅一班球員都夾咗隊波好耐，大家都好有默契，令到佢哋成為一隊危險嘅對手。之不過，再強嘅球隊，再難踢嘅比賽，佢都會努力去贏波。
識咁諗就最好啦，所以話，高普教仔真係有一手。
Source: independent.co.uk