【歷史重演?】古天奴向巴塞提議買入前利物浦隊友....
不知不覺，古天奴都去咗巴塞就快一年。當年嘅轉會風波，到今時今日小妹都歷歷在目－古天奴喺開季前以email話想走啦﹑巴塞話now or never﹑球會就背傷；國家隊就生猛等等，相信各位利迷都唔想再經歷呢啲事件。有時唔係轉會費唔係錢嘅問題，而係一個係球隊當打嘅主力突然離開，對球隊士氣都會係一個好大打擊。（okay，錢咪當補償囉）
最近有西班牙傳媒就報導，巴塞隆拿打算以相同手法去羅致利物浦球員費明奴！無它嘅，而家嘅主力蘇亞雷斯都31尾32歲，係時候要搵人去接任佢嘅位置，而西媒Okdiario 就話古天奴呢個時候向巴塞提議喺季尾買入同樣係巴西國家隊﹑前隊友費明奴。巴塞亦睇中呢位27歲嘅前鋒夠熱血，可以同美斯產生化學作用。之不過費明奴岩岩先喺四月同利物浦簽下5年長約，估計巴塞要買走佢，筆轉會費都應該唔細。
對於呢個傳聞，費明奴就咁樣回應：
「我喺利物浦好開心，而得到球會嘅支持，我喺各方面都成長咗好多。」
「我有出色嘅隊友，好榮幸可以為紅軍作賽。」
「我好鐘意喺利物浦踢波，利物浦嘅球迷非常熱情，佢哋每場波都不遺餘力去支持球隊。」
咁即係點呀？巴塞就睇中南美球員對自己嘅嚮往，小妹陰謀論估計啦，唔知係咪放定料等佢有離心而做足準備。喂古天奴你而家兼職埋agent？
而礙於烏迪迪傷勢有不明朗因素，所以又有西班牙傳媒報導巴塞打算向其中一個世界最強中堅落手，唔洗check ip都知邊個啦，就係克羅地亞球員路夫蘭。有指巴塞方面認為路夫蘭完全符合佢哋要物識中堅嘅要求喎。但路夫蘭喺英超踢咗咁耐，又有好朋友沙拿喺利物浦，加上都2字尾啦，估計都係煲水多。
國際週後，利物浦突然多咗4個傷兵...而家又傳出呢啲消息，唔通係要打擊我利士氣？不過點都好啦，呢啲新聞最快都要等到出年冬季轉會市場先會知道係真定假。呢個時候最重要嘅係穩定軍心，踢好之後嘅英超／歐聯比賽先...好似係。
source：the sun，express.co.uk
最近有西班牙傳媒就報導，巴塞隆拿打算以相同手法去羅致利物浦球員費明奴！無它嘅，而家嘅主力蘇亞雷斯都31尾32歲，係時候要搵人去接任佢嘅位置，而西媒Okdiario 就話古天奴呢個時候向巴塞提議喺季尾買入同樣係巴西國家隊﹑前隊友費明奴。巴塞亦睇中呢位27歲嘅前鋒夠熱血，可以同美斯產生化學作用。之不過費明奴岩岩先喺四月同利物浦簽下5年長約，估計巴塞要買走佢，筆轉會費都應該唔細。
對於呢個傳聞，費明奴就咁樣回應：
「我喺利物浦好開心，而得到球會嘅支持，我喺各方面都成長咗好多。」
「我有出色嘅隊友，好榮幸可以為紅軍作賽。」
「我好鐘意喺利物浦踢波，利物浦嘅球迷非常熱情，佢哋每場波都不遺餘力去支持球隊。」
咁即係點呀？巴塞就睇中南美球員對自己嘅嚮往，小妹陰謀論估計啦，唔知係咪放定料等佢有離心而做足準備。喂古天奴你而家兼職埋agent？
而礙於烏迪迪傷勢有不明朗因素，所以又有西班牙傳媒報導巴塞打算向其中一個世界最強中堅落手，唔洗check ip都知邊個啦，就係克羅地亞球員路夫蘭。有指巴塞方面認為路夫蘭完全符合佢哋要物識中堅嘅要求喎。但路夫蘭喺英超踢咗咁耐，又有好朋友沙拿喺利物浦，加上都2字尾啦，估計都係煲水多。
國際週後，利物浦突然多咗4個傷兵...而家又傳出呢啲消息，唔通係要打擊我利士氣？不過點都好啦，呢啲新聞最快都要等到出年冬季轉會市場先會知道係真定假。呢個時候最重要嘅係穩定軍心，踢好之後嘅英超／歐聯比賽先...好似係。
source：the sun，express.co.uk