【又夠鐘踢歐聯】高普肯定法賓奴今晚正選上陣
唔講唔覺又黎到星期三，換言之今晚又會有歐冠盃既比賽。尋晚曼聯對祖雲達斯既比賽受到唔少球迷既關注，而最終班馬兵團亦係奧脫福球場小勝1:0，三戰全勝暫時排係小組榜首。至於利物浦就會係今晚既比賽中對陣紅星，相信呢場波對於利物浦既難度並不大，所以高普亦都會係陣容方面進行輪換調整，而沙拿係上週末入波之後相信今晚亦都會繼續正選去搵返自己既門前觸覺。
法賓奴自夏天加盟左利物浦之後一路都未有機會出現係比賽名單，而岩岩過去既週未仲有拉蘭拿既復出，或者法賓奴需要快少少證明自己已經適應左利物浦既足球。高普曾經就表示過法賓奴既加盟對於利物浦黎講係一個好好既補充，而此子今晚終於有機會係晏菲路球場出戰去證明自己。今晚既比賽軒達臣同拿比基達都因為受傷既緣故唔會上陣，所以高普應該會排出韋拿杜姆﹑占士米拿同埋法賓奴既組合，高普就表示:「佢需要適應利物浦既足球，如果你地有睇法賓奴係摩納哥時候既比賽都知，佢當時充滿著自信，但係當你轉投一家新球會既時候，你就需要重新適應新球會既風格。佢黎到球會之後一路都慢慢吸收同學習我地既足球理念，而佢宜家已經準備好為利物浦上陣。」值得一提，數返法賓奴上一次為利物浦正選出場已經係英格蘭聯賽盃對陣車路士既比賽，而係英超同埋歐冠盃既比賽方面佢都有三次後備登場。
講返歐冠盃方面，利物浦宜家暫時排係小組第二位，而佢地已經踢左兩場比賽，今晚將會係最後一輪既分組賽，因此紅軍目標係全取3分。至於榜首既拿玻里今晚會對法甲冠軍巴黎聖日耳門，換言之利物浦想出線就一定要贏今晚既比賽。另外仲有一個好消息就係文尼有機會係今晚既比賽復出，先前文尼係國際比賽週期間因為手指受傷而需要進行手術，而手術過後呢位利物浦10號仔已經準備好再次為紅軍上陣，但小編就估佢應該唔會踢足成場比賽啦，佢有望下半場係對手體力不足既情況下入黎突破。而高普就係賽前既發佈會表示球隊唔應該輕視對手，因為紅星隊係來自塞爾維亞既冠軍，而佢地之前亦為拿玻里帶黎左唔少麻煩，至於佢地對PSG既比賽亦都踢得十分緊湊，所以今晚利物浦需要不斷進攻去尋找得分機會。換言之今晚場波，亦都係再一次測試利物浦陣容深度既好機會。
法賓奴自夏天加盟左利物浦之後一路都未有機會出現係比賽名單，而岩岩過去既週未仲有拉蘭拿既復出，或者法賓奴需要快少少證明自己已經適應左利物浦既足球。高普曾經就表示過法賓奴既加盟對於利物浦黎講係一個好好既補充，而此子今晚終於有機會係晏菲路球場出戰去證明自己。今晚既比賽軒達臣同拿比基達都因為受傷既緣故唔會上陣，所以高普應該會排出韋拿杜姆﹑占士米拿同埋法賓奴既組合，高普就表示:「佢需要適應利物浦既足球，如果你地有睇法賓奴係摩納哥時候既比賽都知，佢當時充滿著自信，但係當你轉投一家新球會既時候，你就需要重新適應新球會既風格。佢黎到球會之後一路都慢慢吸收同學習我地既足球理念，而佢宜家已經準備好為利物浦上陣。」值得一提，數返法賓奴上一次為利物浦正選出場已經係英格蘭聯賽盃對陣車路士既比賽，而係英超同埋歐冠盃既比賽方面佢都有三次後備登場。
講返歐冠盃方面，利物浦宜家暫時排係小組第二位，而佢地已經踢左兩場比賽，今晚將會係最後一輪既分組賽，因此紅軍目標係全取3分。至於榜首既拿玻里今晚會對法甲冠軍巴黎聖日耳門，換言之利物浦想出線就一定要贏今晚既比賽。另外仲有一個好消息就係文尼有機會係今晚既比賽復出，先前文尼係國際比賽週期間因為手指受傷而需要進行手術，而手術過後呢位利物浦10號仔已經準備好再次為紅軍上陣，但小編就估佢應該唔會踢足成場比賽啦，佢有望下半場係對手體力不足既情況下入黎突破。而高普就係賽前既發佈會表示球隊唔應該輕視對手，因為紅星隊係來自塞爾維亞既冠軍，而佢地之前亦為拿玻里帶黎左唔少麻煩，至於佢地對PSG既比賽亦都踢得十分緊湊，所以今晚利物浦需要不斷進攻去尋找得分機會。換言之今晚場波，亦都係再一次測試利物浦陣容深度既好機會。