【歐聯小組賽】高普 : 今季唔會再有幸運之神眷顧利物浦 | 作客對GENK
利物浦將於今晚會作客比利時球隊Genk，而高普亦出到聲希望得到呢2年黎，歐聯小組賽作客嘅首場勝仗。對上一次，已經要數到2017年對Maribor大勝7比0嘅賽事。
講返對家Genk先，Genk 被指為E組比較弱嘅一隊波；佢哋喺比利時甲組聯賽排第6，開季10場輸4場波；而歐聯嘅賽積分別係作客6比2輸俾紅牛以及主場0比0打和拿玻里。但等等先，唔好輕敵，Genk嘅主場實力都不容忽視，睇返佢哋最近期嘅10場主場賽事只係輸過1場，而跨季歐聯賽事至今嘅話就6場主場不敗。
大家可能對呢隊比利時球隊Genk唔太熟悉，其實呢隊波曾經出過唔少出名嘅球員，包括去咗皇馬古圖爾斯﹑李斯特城嘅尼迪迪﹑曼城嘅kdb奇雲迪布尼同埋...利物浦嘅奧歷治。不過講清楚啲，奧歷治6歲簽Genk，15歲就轉咗會啦。今場如果上陣嘅話，算唔算倒戈呢？所以領隊高普警告利物浦一定於歐聯賽事上踢法有明顯進步，於今晚呢場波全取3分；高普更明言歷史唔會重演，利物浦上季歐聯小組賽有「幸運之神」眷顧而出線，今季唔會有相同嘅情況出現。
講返陣容方面，之前喺英超對李斯特城賽事上受傷嘅沙拿將會復出，但2位後防球員阿歷山大阿諾同埋馬迪普就分別因病以及膝傷，未能出戰。排陣上，高普都咪話唔頭痕呀。
「沙拿睇落狀態都唔錯，但都要睇定啲，我唔會搏。」
「阿諾呢，我希望佢可以於週末英超賽事上上陣啦；而馬迪普嘅膝傷問題不大，應該2星期可以康復架啦。最大嘅問題係佢對Genk上唔到陣姐。」
利物浦官網嘅文章就指好大機會高美斯同路夫蘭將會頂替兩為傷兵嘅位置，於今晚正選上陣。而對Genk嘅作客賽事，高普就咁講：
「上年我哋有運，歐聯小組賽輸咗3場作客賽究都可以出線，但呢個情況今年唔會再出現，形勢完全唔一樣。」
「我哋唔可以只靠主場賽事，當然喺晏菲路嘅賽事有佢特別之處－氣氛﹑球迷，但其他球隊於自己主場都可以做同一樣野。但作客黎講，就要一定要靠實力。」留意返，如果唔計小組賽啦，利物浦上季都作客贏過拜仁幕尼克以及波圖嘅。點解踢小組賽會有呢個情況出現呢？副隊長占士米拿就估計係同因為歐聯賽程有關。
「果段時間除咗歐聯(小組賽)外，仲有好多唔同嘅賽事(英超﹑聯賽盃﹑足總盃)。」
「係難啲去習慣個比賽節奏嘅，但係最簡單直接嘅事實係，我哋喺作客嘅賽事真係踢得未夠好囉。我哋應該可以做好啲。」
好，今晚凌晨3點，大家一齊起身睇波啦！
source：the guardian，givemesports，liverpoolfc
講返對家Genk先，Genk 被指為E組比較弱嘅一隊波；佢哋喺比利時甲組聯賽排第6，開季10場輸4場波；而歐聯嘅賽積分別係作客6比2輸俾紅牛以及主場0比0打和拿玻里。但等等先，唔好輕敵，Genk嘅主場實力都不容忽視，睇返佢哋最近期嘅10場主場賽事只係輸過1場，而跨季歐聯賽事至今嘅話就6場主場不敗。
大家可能對呢隊比利時球隊Genk唔太熟悉，其實呢隊波曾經出過唔少出名嘅球員，包括去咗皇馬古圖爾斯﹑李斯特城嘅尼迪迪﹑曼城嘅kdb奇雲迪布尼同埋...利物浦嘅奧歷治。不過講清楚啲，奧歷治6歲簽Genk，15歲就轉咗會啦。今場如果上陣嘅話，算唔算倒戈呢？所以領隊高普警告利物浦一定於歐聯賽事上踢法有明顯進步，於今晚呢場波全取3分；高普更明言歷史唔會重演，利物浦上季歐聯小組賽有「幸運之神」眷顧而出線，今季唔會有相同嘅情況出現。
講返陣容方面，之前喺英超對李斯特城賽事上受傷嘅沙拿將會復出，但2位後防球員阿歷山大阿諾同埋馬迪普就分別因病以及膝傷，未能出戰。排陣上，高普都咪話唔頭痕呀。
「沙拿睇落狀態都唔錯，但都要睇定啲，我唔會搏。」
「阿諾呢，我希望佢可以於週末英超賽事上上陣啦；而馬迪普嘅膝傷問題不大，應該2星期可以康復架啦。最大嘅問題係佢對Genk上唔到陣姐。」
利物浦官網嘅文章就指好大機會高美斯同路夫蘭將會頂替兩為傷兵嘅位置，於今晚正選上陣。而對Genk嘅作客賽事，高普就咁講：
「上年我哋有運，歐聯小組賽輸咗3場作客賽究都可以出線，但呢個情況今年唔會再出現，形勢完全唔一樣。」
「我哋唔可以只靠主場賽事，當然喺晏菲路嘅賽事有佢特別之處－氣氛﹑球迷，但其他球隊於自己主場都可以做同一樣野。但作客黎講，就要一定要靠實力。」留意返，如果唔計小組賽啦，利物浦上季都作客贏過拜仁幕尼克以及波圖嘅。點解踢小組賽會有呢個情況出現呢？副隊長占士米拿就估計係同因為歐聯賽程有關。
「果段時間除咗歐聯(小組賽)外，仲有好多唔同嘅賽事(英超﹑聯賽盃﹑足總盃)。」
「係難啲去習慣個比賽節奏嘅，但係最簡單直接嘅事實係，我哋喺作客嘅賽事真係踢得未夠好囉。我哋應該可以做好啲。」
好，今晚凌晨3點，大家一齊起身睇波啦！
source：the guardian，givemesports，liverpoolfc