【菁英盃前瞻】20190302 ~ 夢想fc vs 佳聯元朗 - 大埔留力嗎+爭3分出線

大埔因下星期要應付亞協盃外圍賽所以同富力商量提早2日踢呢場賽事。鑑於大埔菁英盃早前被元朗隊擊敗提前出局，所以極有理由相信大埔會留力以應付亞協盃外圍賽。富力為何同意提早2日呢 ? 2種可能性，1是俾主力爭3分保住出線希望，踢完菁英盃有8日時間恢復，原是只得6日。1是知道菁英盃出線希望不大，承大埔之美提早賽事，留更多主力應付下場聯賽。這場賽事輸贏會直接影響到第2日元朗打夢想的部署。假設富力贏，元朗就要爭3分確定出線4強，相反輸波平手都會出局。假設富力輸波平手，元朗乜都唔駛做都出線4強，淨低既係小組第一定第二問題，相信雙方都視乎另一組對手作出決定是否爭小組第一。
隔離---菁英盃分組賽(B組)---極可能情況
飛馬確定出線，但未確實小組第一。另1個出線名額就由理文傑志南區爭奪，最後一輪南區先踢凱景，後第2日理文打傑志。南區出線條件 : 贏波至少要大炒6球，且望傑志贏波但淨勝球不及。或理文傑志平手，南區贏波則可。
傑志出線條件 : 贏理文兼淨勝球多過南區。
理文出線條件 : 直接贏傑志就會搶埋飛馬小組第一位置。
按實力及可能性分佈，筆者順序排出B組最後名額優先出線位置。
傑志(小組第二)>理文(小組第一，飛馬小組第二)>南區(小組第二)
A組第一會打傑志或飛馬或南區，A組第二反而只打理文或飛馬，相信比著大家應該識選擇做A組第一定第二好。
#為元朗搏盡
圖片來源:HKFA，元朗足球隊fb