元朗隊Marketing？
Marketing？
上個月友人同我講，雖然元朗係地區宣傳，球迷組織打氣，球員管理方面都做得唔錯，尤其學校訪問，但你唔覺得元朗啲marketing好唔掂咩。未講前都真係唔係好覺，比佢咁講一講，突然好似一理通百理明。派戰報及換領門券一役已露底，為何限時攞戰報？其實攞唔到應該可以比有心者上office再攞而不是限時攞唔到就算數。為何隔日先比換領門券？整個過程至入場需要走3次，筆者就覺得好麻煩，不如直接比賽當日走1次元朗大球場比錢入場唔好嗎？為何限時2小時換領門券？講梗既係限時早上11點至下午1點，當日仲要星期六，返工既返工，學生未必返學，但都唔會特登走過嚟，筆者打聽當日只有20數人換領門券，咁大家都知成效如何啦。老實講依家電子化既時代，人手派戰報其實唔高效率，指定時間去攞，唔係有心搵鬼攞咩，倒不如慳番啲錢，將戰報upload到官方facebook，大家好方便即刻瀏覽到。換領門券方面可以試吓指定球迷一定要share個post出去，到達球場將share個post俾職員睇即可換領門券，咁樣做唔係更加有效率嗎？既節省派戰報人力物力又唔駛麻煩球迷走完又走。友人再以marketing較好的夢想作為比較，一針見血指出睇吓個贊助商logo，大部分夢想出既post都有好多贊助商logo，相反元朗出既post，恕筆者直言冇啊，真係冇啊。筆者翻查咗，淨係得個年度特刊同戰報裡先有贊助商名單，試問有邊個贊助商唔想自己個logo俾人多啲見到認識到。另一例子，就連最簡單既hashtag，夢想幾乎每個post都有出，不論是贊助商，口號，潮語。相反元朗真係好少見，就算有只係好普通不過hashtag，呢啲絕對唔會係資源問題。
在商言商，贊助商贊助目的就係想增加宣傳效果，讓更多人認識到自己品牌。而家個point係贊助商錢就俾咗，君不見有幾多人知道元朗有咩贊助商，如果唔係平時入場見到啲廣告牌，筆者真係唔會知除咗冠名外其他贊助商，換轉筆者係贊助商都唔會不計成效地繼續贊助，點解上季奪冠都冇新贊助加入啊，唔好當人哋真係冇評估過你既marketing，唔多唔少都直接影響。再者，夢想連賽後訪問後面都有個廣告版，如彷效英國聯賽，呢啲版唔駛得幾多錢，亦唔駛出全身鏡，塊版得上半身都夠用。如果真係夠膽死，將A4紙貼埋1齊做張大紙版都得架喎，至梗要係俾人睇到贊助商品牌，呢啲先係現代足球marketing。同樣道理應用返港超，足總，點解冇贊助商贊助，因為認為香港足球冇市場價值，不論贊助幾多都唔會有人認識到該品牌，所以杜汶澤好醒目，係新節目《道地極品解茶呈獻：為何深夜總是餓》裡面點都會都借故介紹贊助商道地極品解茶，至少贊助商會滿意自己品牌出咗鏡被介紹，贊助費繼續有來。世界係咁玩法，明唔明？朋友式贊助從來不長久。
https://www.youtube.com/watch?v=IJX6D5ZlFf8&t=387s年輕化？
其實元朗成隊年輕化，球隊年輕化，marketing都要年輕化。比起夢想，除咗贊助商logo問題，講真拍片方式真係唔貼地，只係比有好過冇。筆者唔信呢啲係資源問題，係人既問題，係有冇心既問題，即現時元朗拍片質素，筆者都做到啦，分分鐘仲好過佢，點解要請佢先，請個真係專業呢方面大專生做實習生唔好？
筆者唔係想屌罵元朗管理層，而係想指出問題不足之處，從而去改善，蔗渣價錢一樣做到燒鵝味道，問題究竟有冇心，暫時睇唔到熱誠有幾高，至少筆者絕對有熱誠過部分元朗職員。其實係資源本身少上，有冇心真係會好大決定出嚟質素，就好似元朗球員咁，人工唔會多但個個都有火去踢，自自然然比賽質素唔會差得去邊。球員就用行動搏盡，但部分職員反而唔識搏盡，晒料，真係晒曬啲料，咁樣反而先冇最低成本做最高效益。最後講埋季票問題，有睇開本地波都知元朗有不成文派飛，球星台話齋只要係售票處外同人單吓眼就有飛攞，即係識人阿豬阿狗都攞得飛，咁搵鬼買季票咩，筆者就從未攞飛，亦冇買季票。元朗個pricing strategy諗得實在唔好，呢頭出季票，個頭仲有飛攞，問心大家會唔會去買季票先？
唔好以為筆者真係紙上談兵，筆者自問都有呢方面經驗及平時賽事分析都花費數小時寫成，呢篇文章更花費筆者數星期去寫成。有冇付出，有冇心，路人皆知。
#為元朗搏盡
圖片來源:元朗足球隊facebook，夢想足球隊facebook
上個月友人同我講，雖然元朗係地區宣傳，球迷組織打氣，球員管理方面都做得唔錯，尤其學校訪問，但你唔覺得元朗啲marketing好唔掂咩。未講前都真係唔係好覺，比佢咁講一講，突然好似一理通百理明。派戰報及換領門券一役已露底，為何限時攞戰報？其實攞唔到應該可以比有心者上office再攞而不是限時攞唔到就算數。為何隔日先比換領門券？整個過程至入場需要走3次，筆者就覺得好麻煩，不如直接比賽當日走1次元朗大球場比錢入場唔好嗎？為何限時2小時換領門券？講梗既係限時早上11點至下午1點，當日仲要星期六，返工既返工，學生未必返學，但都唔會特登走過嚟，筆者打聽當日只有20數人換領門券，咁大家都知成效如何啦。老實講依家電子化既時代，人手派戰報其實唔高效率，指定時間去攞，唔係有心搵鬼攞咩，倒不如慳番啲錢，將戰報upload到官方facebook，大家好方便即刻瀏覽到。換領門券方面可以試吓指定球迷一定要share個post出去，到達球場將share個post俾職員睇即可換領門券，咁樣做唔係更加有效率嗎？既節省派戰報人力物力又唔駛麻煩球迷走完又走。友人再以marketing較好的夢想作為比較，一針見血指出睇吓個贊助商logo，大部分夢想出既post都有好多贊助商logo，相反元朗出既post，恕筆者直言冇啊，真係冇啊。筆者翻查咗，淨係得個年度特刊同戰報裡先有贊助商名單，試問有邊個贊助商唔想自己個logo俾人多啲見到認識到。另一例子，就連最簡單既hashtag，夢想幾乎每個post都有出，不論是贊助商，口號，潮語。相反元朗真係好少見，就算有只係好普通不過hashtag，呢啲絕對唔會係資源問題。
在商言商，贊助商贊助目的就係想增加宣傳效果，讓更多人認識到自己品牌。而家個point係贊助商錢就俾咗，君不見有幾多人知道元朗有咩贊助商，如果唔係平時入場見到啲廣告牌，筆者真係唔會知除咗冠名外其他贊助商，換轉筆者係贊助商都唔會不計成效地繼續贊助，點解上季奪冠都冇新贊助加入啊，唔好當人哋真係冇評估過你既marketing，唔多唔少都直接影響。再者，夢想連賽後訪問後面都有個廣告版，如彷效英國聯賽，呢啲版唔駛得幾多錢，亦唔駛出全身鏡，塊版得上半身都夠用。如果真係夠膽死，將A4紙貼埋1齊做張大紙版都得架喎，至梗要係俾人睇到贊助商品牌，呢啲先係現代足球marketing。同樣道理應用返港超，足總，點解冇贊助商贊助，因為認為香港足球冇市場價值，不論贊助幾多都唔會有人認識到該品牌，所以杜汶澤好醒目，係新節目《道地極品解茶呈獻：為何深夜總是餓》裡面點都會都借故介紹贊助商道地極品解茶，至少贊助商會滿意自己品牌出咗鏡被介紹，贊助費繼續有來。世界係咁玩法，明唔明？朋友式贊助從來不長久。
https://www.youtube.com/watch?v=IJX6D5ZlFf8&t=387s年輕化？
其實元朗成隊年輕化，球隊年輕化，marketing都要年輕化。比起夢想，除咗贊助商logo問題，講真拍片方式真係唔貼地，只係比有好過冇。筆者唔信呢啲係資源問題，係人既問題，係有冇心既問題，即現時元朗拍片質素，筆者都做到啦，分分鐘仲好過佢，點解要請佢先，請個真係專業呢方面大專生做實習生唔好？
筆者唔係想屌罵元朗管理層，而係想指出問題不足之處，從而去改善，蔗渣價錢一樣做到燒鵝味道，問題究竟有冇心，暫時睇唔到熱誠有幾高，至少筆者絕對有熱誠過部分元朗職員。其實係資源本身少上，有冇心真係會好大決定出嚟質素，就好似元朗球員咁，人工唔會多但個個都有火去踢，自自然然比賽質素唔會差得去邊。球員就用行動搏盡，但部分職員反而唔識搏盡，晒料，真係晒曬啲料，咁樣反而先冇最低成本做最高效益。最後講埋季票問題，有睇開本地波都知元朗有不成文派飛，球星台話齋只要係售票處外同人單吓眼就有飛攞，即係識人阿豬阿狗都攞得飛，咁搵鬼買季票咩，筆者就從未攞飛，亦冇買季票。元朗個pricing strategy諗得實在唔好，呢頭出季票，個頭仲有飛攞，問心大家會唔會去買季票先？
唔好以為筆者真係紙上談兵，筆者自問都有呢方面經驗及平時賽事分析都花費數小時寫成，呢篇文章更花費筆者數星期去寫成。有冇付出，有冇心，路人皆知。
#為元朗搏盡
圖片來源:元朗足球隊facebook，夢想足球隊facebook