【賽事分析】20191229 菁英盃 ~ 元朗 6：3 大埔 - 暫登小組第一
前鋒：10 米基爾 9 辛坦拿
中場：7 卡真奴 88 黎厚希 84 彭超然 23 黃晉軒後衛：92 張民樂 6 基斯 22 法比奧 4 梁煒烽
龍門：13 黃梓豪
陣式：攻442防532
What I saw
客觀講大埔前幾日踢完銀牌，各方面都未回復好，今場睇陣容大埔只出1名外援，都知未必太注重呢項盃賽。而元朗外援火力全開，辛坦拿短時間帽子氣法。
另外，有時都唔知米基爾踢咩位好，佢踢前，中場控制力就會下降，佢返落嚟踢中場，但佢又唔係派牌型。卡真奴真係可能唔適應香港足球，應傳則射，應射則傳，作為前鋒半季都未入波，極具被替換存在可能性。再者，筆者發覺辛坦拿1.9米高但入波多數射入，筆者意思佢用腳多過用頭，佢大隻但唔係衝撞型亦不太見柱躉效果，係咪唔係好識利用辛坦拿優勢？
基斯轉踢中堅，防守時上前搶截，攻擊時帶波推進，咁樣客串中堅係冇問題，當然去返防中佢先發揮最好。梁煒烽首次正選，冇咩大問題，係1,2下解圍食唔中個波。如果可以，筆者真係希望俾佢多啲上場培育佢，始終法比奧都42，曾至孝踢中堅似炸彈，唔再練嗰年輕中堅就真係冇未來了。
黃本銘，17歲後生仔，第1次上場就奉獻咗俾元朗隊。一如90%第1次上場嘅後生仔，怯場得很，攞到第1球，空晒冇果斷選擇推上去，選擇傳波變咗笠射。幸好冇浪費其餘時間，不斷上前同對方碰撞，嘗試職業賽犯規尺度。黃梓豪可能狀態一般，1球輸極x3快射速，1球笠射輸身高。最後球隊集中力都好似仲有問題，領先心態有啲放鬆？6-1時心態更加非常放鬆，對方本土前鋒隨便攻入嚟都入到2球，如果係外援會唔會被人追返5球呢？足球呢家嘢好難講。
換人記錄
祖連奴>卡真奴 58'：半季了，卡真奴幾時入到波？
鄧子均>梁煒烽 76'：早已鎖勝，俾其他人上場機會
黃本銘>彭超然 83'：完成17歲後生仔夢想
總括今場比上場好咗，傳送叫好咗，至少唔係上場咁亂咁嚟。雖然都失3球，證明防守力要出盡奶力改善，但贏返3球都係大勝，舒緩到之前不勝壓力。
菁英盃｜元朗 6-3 大埔｜賽後訪問 191229｜元朗球迷tv＃23
https://www.youtube.com/watch?v=_bPIlbC7AEc預備組｜元朗 2-1 飛馬｜賽後訪問 191218｜元朗球迷tv＃22
https://www.youtube.com/watch?v=OMbE6erPAKs#為元朗搏盡
#元朗人撐元朗波
中場：7 卡真奴 88 黎厚希 84 彭超然 23 黃晉軒後衛：92 張民樂 6 基斯 22 法比奧 4 梁煒烽
龍門：13 黃梓豪
陣式：攻442防532
What I saw
客觀講大埔前幾日踢完銀牌，各方面都未回復好，今場睇陣容大埔只出1名外援，都知未必太注重呢項盃賽。而元朗外援火力全開，辛坦拿短時間帽子氣法。
另外，有時都唔知米基爾踢咩位好，佢踢前，中場控制力就會下降，佢返落嚟踢中場，但佢又唔係派牌型。卡真奴真係可能唔適應香港足球，應傳則射，應射則傳，作為前鋒半季都未入波，極具被替換存在可能性。再者，筆者發覺辛坦拿1.9米高但入波多數射入，筆者意思佢用腳多過用頭，佢大隻但唔係衝撞型亦不太見柱躉效果，係咪唔係好識利用辛坦拿優勢？
基斯轉踢中堅，防守時上前搶截，攻擊時帶波推進，咁樣客串中堅係冇問題，當然去返防中佢先發揮最好。梁煒烽首次正選，冇咩大問題，係1,2下解圍食唔中個波。如果可以，筆者真係希望俾佢多啲上場培育佢，始終法比奧都42，曾至孝踢中堅似炸彈，唔再練嗰年輕中堅就真係冇未來了。
黃本銘，17歲後生仔，第1次上場就奉獻咗俾元朗隊。一如90%第1次上場嘅後生仔，怯場得很，攞到第1球，空晒冇果斷選擇推上去，選擇傳波變咗笠射。幸好冇浪費其餘時間，不斷上前同對方碰撞，嘗試職業賽犯規尺度。黃梓豪可能狀態一般，1球輸極x3快射速，1球笠射輸身高。最後球隊集中力都好似仲有問題，領先心態有啲放鬆？6-1時心態更加非常放鬆，對方本土前鋒隨便攻入嚟都入到2球，如果係外援會唔會被人追返5球呢？足球呢家嘢好難講。
換人記錄
祖連奴>卡真奴 58'：半季了，卡真奴幾時入到波？
鄧子均>梁煒烽 76'：早已鎖勝，俾其他人上場機會
黃本銘>彭超然 83'：完成17歲後生仔夢想
總括今場比上場好咗，傳送叫好咗，至少唔係上場咁亂咁嚟。雖然都失3球，證明防守力要出盡奶力改善，但贏返3球都係大勝，舒緩到之前不勝壓力。
菁英盃｜元朗 6-3 大埔｜賽後訪問 191229｜元朗球迷tv＃23
https://www.youtube.com/watch?v=_bPIlbC7AEc預備組｜元朗 2-1 飛馬｜賽後訪問 191218｜元朗球迷tv＃22
https://www.youtube.com/watch?v=OMbE6erPAKs#為元朗搏盡
#元朗人撐元朗波