近兩場比賽 有關皇馬的五件事
戰術仍待完善
對陣畢爾包的比賽，BBC多數頂在鋒線接應，組織任務則全權交由三位中場。呢個4-3-3嘅陣型，實際上走位缺乏靈活性，進攻好唔立體。卻奧斯、伊斯高、高華鍚都係playmaker類型，分球了得；但習慣喺分球後，沒有前插而選擇後退等待回傳。呢種踢法能保證控球，亦能防止反擊，卻拖慢節奏。而且鋒線接球後，往往需要面對整條完整嘅防線，最終只能選擇單打獨鬥，或者遠射作結。可以想像到攻勢嘅流程係：前鋒頂前，中場分波到右路＞右閘做個give&go走底線拉空位＞中場接應回傳，轉移到左路＞左閘傳中或者回比中場於K角位斬波禁區＞完成搶點攻門或搶第二落點。呢種踢法本身係一種輪迴式嘅高壓進攻，問題係呢種踢波好難利用到BBC嘅技術、速度同單幹能力，我認為亦係令BBC狀態無咁火熱嘅部份原因。連續使用呢種踢法亦容易被防範。
而皇馬對陣丙組嘅利安尼沙時，同樣使用4-3-3，鋒線使用AML，中場伊斯高、占士、卻奧斯。呢條清一式攻擊型嘅中場線，換位頻繁，使陣容流動性好高。例如有時占士會插前，阿辛斯奧墜後；有時華斯基斯走中，伊斯高走右翼。呢個戰術下，球員經常交錯走位，做好多小範圍的one two短傳，創造更多空位予前鋒發揮所長，亦有利需要球感嘅一眾中場。同時，場上節奏亦更明快。不可忽視嘅係，呢套陣容同踢法令中場防守非常薄弱，前場的確努力迫搶，但本身防守位置感差、封鎖傳球路線能力薄弱；加上中場用平衡站位，即使面對丙組球隊都經常被簡單one two一下打穿。
呢兩場比賽正好比施丹睇到兩種踢法各自嘅特點。皇馬需要融合兩種踢法嘅優勢，因為第一種踢法，慢節奏對住防守力高嘅球隊會好難攻門；第二種踢法更係中門大開被列強任射唔嬲。球季唔等人，球隊必需演練兩種陣式，令到隊喺適當時候能提升比賽節奏、做更多走位和短傳配合，創造空位和機會，同時保持球隊平衡。
施丹的戰術嘗試
伊斯高喺兩場比賽都有上陣，一改前陣子嘅頹勢交出優秀表現，背後其實有施丹細心調教嘅結果。前篇文章提到伊斯高只能做簡單傳接工作，但對畢爾包嘅比場，見到佢做多左好多細膩嘅盤球吸引對方夾擊，憑藉不斷嘅傳接盤帶提升球感和自信。呢種踢法令伊斯高更容易對球賽施加自己嘅影響力。
此外，對畢爾包嘅下半場，施丹將巴利調到左路，呢個調動收獲左莫拉達嘅絕殺入球。喺左路其實巴利有更多發揮空間，因為對手需要防範巴利落底傳中，亦要防範overlap嘅馬些路，又要驚巴利接應回傳喺K角位出波， 又要怕佢用速度突破。相反，喺右邊佢的確可以入楔射門，但咁嘅機會其實少之有少；而右邊落底對手會更易防守，因為巴利右腳無咁聽使。可以預見，未來將會更多見到巴利喺左路出現。
C朗忘帶射門鞋
C朗不嬲都係畢爾包殺手，對住紅白衫軍入球如麻，但今場射足11球仍然一球不入，只有2球中龍。上半場有一球one-on-one竟然猶豫不決，最後勉強射門；66’接應傳中近門又射斜；69’禁區食糊位又再射斜；94’臨完場送多球one-on-one但處理奇差再次射斜。隨著比賽嘅進程見到最後一腳C朗射得好遲疑，無左昔日埋門嘅信心。呢種低質量嘅埋門表現其實已經持續好幾場。可見C朗仍然遠遠未在狀態，身體頻率比以往慢，人帶點急躁。計計下，竟然係C朗第一次連續四場無喺主場入波。不過，相信呢個紀錄只會驅使C朗更快進入狀態。
阿辛斯奧穩步上揚
作為新科出爐嘅西甲最佳年青球員，阿辛斯奧喺陣利安尼沙時展示了自己嘅射程、技術、盤帶、早熟和自信。31’嘅入球，一控一射看似簡單，實際上技術含量好高。除左入球，阿辛斯奧亦提供多次具威脅性嘅傳中。即使場上有師兄伊斯高同占士，但相形之下，阿辛斯奧嘅表現更似場上領袖，接管唔少球權，不斷製造攻勢。佢就係如此沉默不語，入球後輕輕接受隊友讚美，又徐徐走回中場線，然後專心踢球。誠言季初至今好多球迷都讚佢係明日之星，但今日我先終於見到阿辛斯奧嘅特點—需要球權、良好技術、富創造力、中距離射程。現時為止，阿辛斯奧需要懂得於有限嘅上陣時間發揮自己嘅專長，影響比賽進程，咁樣先能夠持續成長。
球隊的野心即使只係對陣丙組球隊嘅國王盃比賽，施丹都不敢輕易放鬆，依然放出強勁陣容。就算席上有未曾出場嘅馬利安奴同久傷後出嘅干查奧，都唔敢擺做正選。即使球隊嬴緊幾球，都要求場上隊員盡力比賽，保持比賽節奏，期望以戰養戰。十一月中至十二月初，皇馬將接連面對馬體會、士砵亭、巴塞、多蒙特。賽程終於進入真軍之時！今季，皇馬嘅目標，絕對唔止西甲簡單！作為球迷，一定會支持到底！
對陣畢爾包的比賽，BBC多數頂在鋒線接應，組織任務則全權交由三位中場。呢個4-3-3嘅陣型，實際上走位缺乏靈活性，進攻好唔立體。卻奧斯、伊斯高、高華鍚都係playmaker類型，分球了得；但習慣喺分球後，沒有前插而選擇後退等待回傳。呢種踢法能保證控球，亦能防止反擊，卻拖慢節奏。而且鋒線接球後，往往需要面對整條完整嘅防線，最終只能選擇單打獨鬥，或者遠射作結。可以想像到攻勢嘅流程係：前鋒頂前，中場分波到右路＞右閘做個give&go走底線拉空位＞中場接應回傳，轉移到左路＞左閘傳中或者回比中場於K角位斬波禁區＞完成搶點攻門或搶第二落點。呢種踢法本身係一種輪迴式嘅高壓進攻，問題係呢種踢波好難利用到BBC嘅技術、速度同單幹能力，我認為亦係令BBC狀態無咁火熱嘅部份原因。連續使用呢種踢法亦容易被防範。
而皇馬對陣丙組嘅利安尼沙時，同樣使用4-3-3，鋒線使用AML，中場伊斯高、占士、卻奧斯。呢條清一式攻擊型嘅中場線，換位頻繁，使陣容流動性好高。例如有時占士會插前，阿辛斯奧墜後；有時華斯基斯走中，伊斯高走右翼。呢個戰術下，球員經常交錯走位，做好多小範圍的one two短傳，創造更多空位予前鋒發揮所長，亦有利需要球感嘅一眾中場。同時，場上節奏亦更明快。不可忽視嘅係，呢套陣容同踢法令中場防守非常薄弱，前場的確努力迫搶，但本身防守位置感差、封鎖傳球路線能力薄弱；加上中場用平衡站位，即使面對丙組球隊都經常被簡單one two一下打穿。
呢兩場比賽正好比施丹睇到兩種踢法各自嘅特點。皇馬需要融合兩種踢法嘅優勢，因為第一種踢法，慢節奏對住防守力高嘅球隊會好難攻門；第二種踢法更係中門大開被列強任射唔嬲。球季唔等人，球隊必需演練兩種陣式，令到隊喺適當時候能提升比賽節奏、做更多走位和短傳配合，創造空位和機會，同時保持球隊平衡。
施丹的戰術嘗試
伊斯高喺兩場比賽都有上陣，一改前陣子嘅頹勢交出優秀表現，背後其實有施丹細心調教嘅結果。前篇文章提到伊斯高只能做簡單傳接工作，但對畢爾包嘅比場，見到佢做多左好多細膩嘅盤球吸引對方夾擊，憑藉不斷嘅傳接盤帶提升球感和自信。呢種踢法令伊斯高更容易對球賽施加自己嘅影響力。
此外，對畢爾包嘅下半場，施丹將巴利調到左路，呢個調動收獲左莫拉達嘅絕殺入球。喺左路其實巴利有更多發揮空間，因為對手需要防範巴利落底傳中，亦要防範overlap嘅馬些路，又要驚巴利接應回傳喺K角位出波， 又要怕佢用速度突破。相反，喺右邊佢的確可以入楔射門，但咁嘅機會其實少之有少；而右邊落底對手會更易防守，因為巴利右腳無咁聽使。可以預見，未來將會更多見到巴利喺左路出現。
C朗忘帶射門鞋
C朗不嬲都係畢爾包殺手，對住紅白衫軍入球如麻，但今場射足11球仍然一球不入，只有2球中龍。上半場有一球one-on-one竟然猶豫不決，最後勉強射門；66’接應傳中近門又射斜；69’禁區食糊位又再射斜；94’臨完場送多球one-on-one但處理奇差再次射斜。隨著比賽嘅進程見到最後一腳C朗射得好遲疑，無左昔日埋門嘅信心。呢種低質量嘅埋門表現其實已經持續好幾場。可見C朗仍然遠遠未在狀態，身體頻率比以往慢，人帶點急躁。計計下，竟然係C朗第一次連續四場無喺主場入波。不過，相信呢個紀錄只會驅使C朗更快進入狀態。
阿辛斯奧穩步上揚
作為新科出爐嘅西甲最佳年青球員，阿辛斯奧喺陣利安尼沙時展示了自己嘅射程、技術、盤帶、早熟和自信。31’嘅入球，一控一射看似簡單，實際上技術含量好高。除左入球，阿辛斯奧亦提供多次具威脅性嘅傳中。即使場上有師兄伊斯高同占士，但相形之下，阿辛斯奧嘅表現更似場上領袖，接管唔少球權，不斷製造攻勢。佢就係如此沉默不語，入球後輕輕接受隊友讚美，又徐徐走回中場線，然後專心踢球。誠言季初至今好多球迷都讚佢係明日之星，但今日我先終於見到阿辛斯奧嘅特點—需要球權、良好技術、富創造力、中距離射程。現時為止，阿辛斯奧需要懂得於有限嘅上陣時間發揮自己嘅專長，影響比賽進程，咁樣先能夠持續成長。
球隊的野心即使只係對陣丙組球隊嘅國王盃比賽，施丹都不敢輕易放鬆，依然放出強勁陣容。就算席上有未曾出場嘅馬利安奴同久傷後出嘅干查奧，都唔敢擺做正選。即使球隊嬴緊幾球，都要求場上隊員盡力比賽，保持比賽節奏，期望以戰養戰。十一月中至十二月初，皇馬將接連面對馬體會、士砵亭、巴塞、多蒙特。賽程終於進入真軍之時！今季，皇馬嘅目標，絕對唔止西甲簡單！作為球迷，一定會支持到底！